Daniéu 2:39 - ꞌRe Ihâimana Uꞌâsi Mono Zadawa Wasuꞌu

³⁹ Tawamhã danhib'ihâ'a na 're aihâimana mono parimhã, te za aimawi danhib'apito hã 'maihãzé, asapari siptete prã na 're ihâimana mono da hã oto. Taha parimhã te za duré aimawi hã 'maihãzé si'ubdatõ ãma hã, ẽtẽ topsada brõzi na ãma isimiré hã uburé te te 're ida'a'madâ'â mono da hã, ro pâ.

Daniéu 2:39 ပူးပေါင်းရင်းမြစ်များ

Daniéu 10:20

Tawamhã te ĩma tinha ãne oto: — Marĩ wa, we atẽme ĩmorĩzé hã, e ma tô iwaihu. Sena na Ibaihâ nhisi 're, rob'ui'éré ihâimana na te ãma aima rowasu'u da, wa we atẽme mo. Tane nherẽ, ãhã na hã Persia u ĩmorĩ da si, hâiwa ãma romhuri'wa Persia 'madâ'â'wa, te 'wapé da. Wasi'wapézé tâibâ wamhã, hâiwa ãma romhuri'wa Grécia 'madâ'â'wa hã te za wei mo. Tane nherẽ, ni'wa te te ĩpawaptob da hã mare di za. Niha wamhã, Miguehe si, te za ĩpawapto, Izaraéu nhihudu norĩ 'wawi 're isimapa mono hã.

Daniéu 2:32

Ẽtẽ waipo pré oru na i'rã hã. Duré isõ'udu hã ipaihi me hã ẽtẽ waipo prã prata na. Duré idi hã izada'õtõ me hã ẽtẽ topsada brõzi na.

Daniéu 2:38

Õ hã daro mono bâ uburé asib'rata 're dahâimana za'ra mono da hã, ma tô aima pisutu. Abaze norĩ zama, si norĩ zama ma tô duré aima pisutu za'ra. A hã ropoto 'rã oru 'manharĩ hã te aiwasu'u.

Daniéu 2:40

Taha parimhã, te za duré maparane si'uiwa na ãmamhã ti'maihâiba. Ta hã isi'uwazi ferru tete uptabi wa, te te marĩ 're i'apru mono ne hã za. Tô ferru hã uburé marĩ te te 're iprub za'ra mono ne, te za ã hã dama i'rãnho'u hã, uburé aimawi danhib'ihâ'a nhimi'madâ'âzé hã te te apru, daro mono bâ.

Daniéu 7:23

Tawamhã ãne te te ĩma ãma isaprĩzé hã ma tô ĩma wasu'u: — Maparane si'uiwa na ãma ropoto siwamnarĩ hã, maparane si'uiwa na ãma ti'ai ãma da'madâ'âzé hã te wasu'u. Ti'ai ãma isimi'madâ'âzé hã ihâiba amo norĩ nhimi'madâ'â za'ra zém nei õ di. Ta hã te za uburé ti'ai mono bâ 're idahâimana za'ra mono hã a'uprosi. Te za duré te te da'anhiwazui pese. Te za duré tipara na te te da'anhinhizu pese.

Daniéu 8:20

Pone'ẽrebâ zéré mapure si'aibâ maparane i'u i'madâ hã, Média ãma apito, Persia ãma apito me, te wasu'u zahuré.

Daniéu 8:21

Pone'ẽrebâ zéré uzé si'aibâ, Grécia ãma apito, te wasu'u. Duré i'õmo za'ẽne imorĩ'rata na ã hã ti'ai wa'õtõ nho'õmo ãma za isi'apito hã te wasu'u.