Daniéu 2:38 - ꞌRe Ihâimana Uꞌâsi Mono Zadawa Wasuꞌu

³⁸ Õ hã daro mono bâ uburé asib'rata 're dahâimana za'ra mono da hã, ma tô aima pisutu. Abaze norĩ zama, si norĩ zama ma tô duré aima pisutu za'ra. A hã ropoto 'rã oru 'manharĩ hã te aiwasu'u.

Daniéu 2:38 ပူးပေါင်းရင်းမြစ်များ

Daniéu 1:2

'Re ihâimana u'âsi mono, ma tô Nabucodonozoho ma sa'ré, 'ri nho'õmo na te te ai'uté da hã. Duré marĩ norĩ iwa'âbâ za'ẽne 'Re ihâimana u'âsi mono nhorõwa 'ri 'rãihâ 're, 're ihâimana za'ra mono norĩ zama te te waibu da hã, ma tô tãma sa'ré za'ra. Tahawa, Nabucodonozo, tô õ hã marĩ norĩ iwa'âbâ za'ẽne ma tô tinhipti'ai u Babilonia u hã tidu. Te te duri wamhã, ma tô dama ti'ru, tite ihâiba'õ ãma 're idawata za'ra mono zé 'ri 'rãihâ 're, da te dasiwi sa'ra da, marĩ iwa'âbâ za'ẽne, da te 're i'rã'õtõ mono zéb ãma.

Daniéu 2:32

Ẽtẽ waipo pré oru na i'rã hã. Duré isõ'udu hã ipaihi me hã ẽtẽ waipo prã prata na. Duré idi hã izada'õtõ me hã ẽtẽ topsada brõzi na.

Daniéu 2:39

Tawamhã danhib'ihâ'a na 're aihâimana mono parimhã, te za aimawi danhib'apito hã 'maihãzé, asapari siptete prã na 're ihâimana mono da hã oto. Taha parimhã te za duré aimawi hã 'maihãzé si'ubdatõ ãma hã, ẽtẽ topsada brõzi na ãma isimiré hã uburé te te 're ida'a'madâ'â mono da hã, ro pâ.

Daniéu 4:18

Tawamhã Nabucodonozo timreme na te te ãma tãma i'rãsutu na hã, te ãne Daniéu ma tinha: — Ãne te irosawẽrẽzé. Ni'wa hã ĩte rowaihu'u pese 'wa norĩ te te ĩma ãma saprĩ waihu'u za'ra õ di, marĩ te te iwasu'uzém na hã. Tane nherẽ, Béutésaza, aima si waihu'u pese di, ãma ĩma isaprĩ da hã, ihâiba'õ norĩ pẽ'ẽzani aiwa sébré wa. Tahawa, ma'ãpé ãma ĩma saprĩ na, te irosawẽrẽzé marĩ te te iwasu'u hã.

Daniéu 5:18

Apito, danhipai u isiptede 'Re ihâimana u'âsi mono, ma tô aimama ma, Nabucodonozoho ma hã pisutu, siptete na duré pire uptabi na dama i'rãnho'õmo na 're hâimana mono da hã.

Daniéu 7:4

Imorĩ'rada hã hu'u zérépa hâiba ne, si'õmo wawẽ zaripi ré hã. Ta hã te 'madâ'â ré, ma tô isaribi hã tiwi sani ni. Tahawa, ma tô hâiwi sab da, dasiwi sãrĩ ni, a'uwẽ hâiwi 're isimasa mono ne. Ma tô duré a'uwẽ nhimirosa'rata ne hã oto tãma sõmri ni.