Daniéu 2:35 - ꞌRe Ihâimana Uꞌâsi Mono Zadawa Wasuꞌu

³⁵ Tawamhã ta norĩ hã ma tô uburé siti'a za'ra awa'awi, isi'uwazi tete 'manharĩ norĩ hã, zé'a hã, brõzi hã, prata hã, duré oru hã, amnho trigu, da te 're pré'é za'ra mono wa, iteihi zapru 're isimi'wara mono ne. Tawamhã rowa'u hã ma tô uburé te te sate, te te 'mairẽme ãna. Tane nherẽ, ma tô ẽne hã si'ré. Si'réi mono wamhã, ma tô ẽtẽ 'rãihâ na ai'manha. Ta hã ma tô uburé rob'upsi.

Daniéu 2:35 ပူးပေါင်းရင်းမြစ်များ

Salmu 103:16

Tawamhã rowa'u watobro wa, te te wapõrĩ wamhã, te za oto sirãrã haimani za'ra. Nimame isirãrã nhimi'warazé hã dama waihu'u õ di oto.

Salmu 22:27

Niwa apto'o ré daro mono bâ 're idahâimana za'ra mono norĩ, te za Uburé Danhib'apito ãma 're po're pu'u za'ra. Te za duré apâ itẽme hã 're dasipizari za'ra. Duré te za a'uwẽ mono bâ ãma 're dawata za'ra.

Daniéu 2:44

Tawamhã apito norĩ ãne na 're hâimana za'ra mono ré, 'Re ihâimana u'âsi mono hâiwa ãma 're isãmra mono hã te za danhib'ihâ'a nhimi'madâ'âzé niwa za da te ipru waihu'u'õ hã pisutu, aimawi danhib'ihâ'a norĩ te te ãma i'ai'uté za'ra õ hã. Tawamhã ã hã te za aimawi ihâiba amo norĩ danhib'ihâ'a nhimi'madâ'âzé hã uburé pese uprosi pese. Tahawa, te za õhõ si oto 're hâimana u'âsi, pire na apito nhimi'madâ'âzém na hã.

Apocalipsi 11:15

Tawamhã 7 ãma hâiwa ãma romhuri'wa hã ma tô tinhimnhihârâzém na amnhihârâ. Simnhihârâ wi, hâiwa ãma damreme 'rãihâ hã wa tô wapa. Ãne te nharĩ za'ra: — Satanasihi nhimi'madâ, 're danomro mono da, ma tô da te dasima 're wẽ za'ra aré, daro mono bâ. Tane nherẽ, ropâ te za oto 'Re ihâimana u'âsi mono nhimi'madâ'â si 're danomro, Wanhib'apito nhimi'madâ hã. Danho'reptui'wa da, te te ipisutu nhimi'madâ'â zama te za 're dahâimana za'ra oto. Wanhib'apito hã te za tô te te 're da'ab'madâ'â u'âsi oto, õne u'âsi.

Apocalipsi 12:8

Tane nherẽ, ma tô Migueu norĩ hã ãma ai'uté za'ra. Tahawa, hâiwa ãma 're hâimana waihu'u za'ra mono õ di za oto.

Apocalipsi 20:11

Tawamhã wa tô duré 'madâ, danhib'apito simasisizé irã hã, isa'ẽtẽ uptabi hã. Ãma isãmra hã wa tô duré 'madâ. Tawamhã uburé pese hã, ma tô ti'a hã ai'utõ, duré hâiwa zama. Taha wamhã, marĩ õ uptabi di oto. Tahawa, da te 're 'madâ'â zahuré mono õ di oto, ti'a norĩ hã hâiwa me. Tâibâ ma tô ai'utõrĩ pese zahuré.