Daniéu 2:32 - ꞌRe Ihâimana Uꞌâsi Mono Zadawa Wasuꞌu

³² Ẽtẽ waipo pré oru na i'rã hã. Duré isõ'udu hã ipaihi me hã ẽtẽ waipo prã prata na. Duré idi hã izada'õtõ me hã ẽtẽ topsada brõzi na.

Daniéu 2:32 ပူးပေါင်းရင်းမြစ်များ

Daniéu 2:33

Ite norĩ hã isi'uwazi tete na. Duré ipara hã isi'uwazi tete na aiwa ãma isipo'o na i'manharĩ zahuré hã, duré zé'a na aiwa ãma isipo'o na i'manharĩ zahuré hã.

Daniéu 4:22

— Apito, wede hã, a hã te aiwasu'u. E marĩ wa. A hã asiptete 'manharĩ na asina 're hâimo u'âsi mono wa. Duré asiptete na 're i'aihâimana mono zé hã te te sina 're hâimo pese mono wa, ma tô hâiwa u hã wi. Taha wa, ma tô uburé pese 're ida'a'madâ'â mo, daro mono bâ.

Daniéu 4:30

ma tô ãne sima tinha: — E niha 'ri nho'u Babilonia hã dama isa'ẽtẽ uptabi! Wa hã wa tô ĩnhiptete na 'ri nho'u hã 'manha, iwa apito na 're ĩnhamra mono zéb da hã, uburé dama ĩpire na duré ĩnhiptete na te 're ida'a'madâ'â mono zé hã te dama hâi'ré da.

Daniéu 5:28

PERES na damreme hã, dama i'rãnho'õmo na asimi'madâ'âzé hã za sima isipo te wasu'u. Média norĩ ma, te za sõmri zahuré ni, Persiaha me hã.

Apocalipsi 17:4

Pi'õi uza hã ihâpré warõ tâ'â na, duré ihâpré pese na i'uza hã, duré uburé da'uza wamri nhipai u, iwa'âbâ za'ẽne ta hã. Uburé marĩ hã tisipesezé hã iwa'âbâ za'ẽtẽ mono bâ te te si'ãma i'aza'ra mono ré, te nhamra, ẽtẽ waipo pré oru 'manharĩ ré, duré ẽtẽ'ubuzi 'manharĩ ré, duré a'é tõmo wawẽ ne itob'a 'manharĩ ré, iwa'âbâ za'ẽtẽ ré. Hâsizé hã oru 'manharĩ na i'manharĩ hã te duré 're ti'â tinhib'rata, uwa 'rãi wa'u isé pire ré hã. Uwa 'rãi wa'u isé hã pi'õ ipo're'õ siwamnarĩ hâimanazé, te wasu'u. Aibâ na 're ihâimana siwamnarĩ u'âsi mono zé, te duré wasu'u ta hã.