Daniéu 2:29 - ꞌRe Ihâimana Uꞌâsi Mono Zadawa Wasuꞌu

²⁹ — Apito, a hã asimiwaptâ wa, anomro ré, ma tô romhutu'õ wab da hã irosa'rata u'â. Taha ré, uburé marĩ dama isa'rese'õ hâi'ré'wa hã ma tô aima hâi'ré, za marĩ iwatobrozéb da hã.

Daniéu 2:29 ပူးပေါင်းရင်းမြစ်များ

Zenezi 41:25

Tawamhã Zuzé, te apito ma tãma tinha ãne: — Maparane isahoi mono zé te misi haré marĩ hã wasu'u zahuré. Ta norĩ na hã ma tô 'Re ihâimana u'âsi mono, marĩ hã aima waihu'u siro, za marĩ te te i'manharĩzéb da hã.

Daniéu 2:22

Õhõ si te za marĩ dama isa'rese'õ hã dawi isima'uri pe hã te te dama 're ahâi'ré, robra na uburé marĩ 're ihâimana za'ra mono hã, tô õhõ ãma si rowa'a hã 're hâimana mono dâ'âsina.

Daniéu 2:23

Ĩhi'rata norĩ te, 'Re ihâimana u'âsi mono, wa ai'ãma ĩwata, a hã rowaihu iwẽ na duré ĩnhiptetezém na ãma ĩma asõprub zahuré wa. Ma tô duré iwapa, ãma aima iwamreme zusizé hã, ãma iwazada'âbâ za'ra zém na, apito nhimirosawẽrẽ hâi'rézém na hã.”

Daniéu 2:28

Tane nherẽ, te hâiwa ãma 'Re ihâimana u'âsi mono hã 're sãmra, uburé marĩ dama iwaihu'u'õ hâi'ré'wa hã. Õ hã irosawẽrẽzém na ma tô aima waihu'u siro, za marĩ iwatobrozéb da hã. Tahawa, apito awa'awi na wa za asimirosawẽrẽ hã asõtõ 'rowi marĩ i'madâ'âzé hã aima ãma saprĩ za'ra.

Daniéu 2:45

Ãne te te iwasu'u hã, ẽtẽ tõmo wawẽ, da te rési õ nherẽ, ẽtẽ nhisi hawi waptã'ã ré i'madâ hã, isi'uwazi tede ferru 'manharĩ na, brõzi na, prata na, zé'a na, duré oru na ropodo te te ipru pe. 'Re ihâimana u'âsi mono ma tô aima hâi'ré, za marĩ apto'oré iwatobrozé. Ãne irosawẽrẽzé hã. Duré ãne te aima ãma isaprĩzé hã i'uwaibaba na si wa aima wasu'u.

Daniéu 2:47

Tawamhã te oto Daniéu ma tinha, ãne: — 'Re ihâimana u'âsi mono ãma, a norĩ wa'wa 're i'aiwata za'ra wa'aba mono hã, sena na te tô uburé ihâiba'õ norĩ nhipai u siptete uptabi na 're hâimana. Uburé ti'ai ãma apito norĩ ma, te duré Danhib'apito uptabi na hã 're hâimana. Tahawa, ĩma waihu'u pese di oto, õhõ si uburé dama iwaihu'u'õ hâi'ré'wa na hã. E marĩ wa. Taha zarina si, a hã ma tô te irosawẽrẽzém na isa'rese'õ na i'uwaibaba na si ãma ĩma isaprĩ na hã ãma i'uwaimra, te waihu'u da hã.