Daniéu 2:28 - ꞌRe Ihâimana Uꞌâsi Mono Zadawa Wasuꞌu

²⁸ Tane nherẽ, te hâiwa ãma 'Re ihâimana u'âsi mono hã 're sãmra, uburé marĩ dama iwaihu'u'õ hâi'ré'wa hã. Õ hã irosawẽrẽzém na ma tô aima waihu'u siro, za marĩ iwatobrozéb da hã. Tahawa, apito awa'awi na wa za asimirosawẽrẽ hã asõtõ 'rowi marĩ i'madâ'âzé hã aima ãma saprĩ za'ra.

Daniéu 2:28 ပူးပေါင်းရင်းမြစ်များ

Zenezi 40:8

Tawamhã ma te ãne ãma tãma wa'rãmi zahuré: — Wahâiba si'uiwa na wa tô rosawẽrẽ ni. Tane nherẽ, ni'wa hâimana õ di, te te ãma wama isaprĩ da hã, wa te isahoi mono zé, marĩ te te iwasu'uzé, wa te iwaihu'u da hã. Tahawa ma tô wawi tirobzei'õ pese. Tawamhã Zuzé te asa ãne tãma nharĩ zahuré: — 'Re ihâimana u'âsi mono si te za rosawẽrẽ na isaprĩ waihu'uzé hã te te dama 're anhomri. Tahawa, ma'ãpé, irosawẽrẽ aba zé hã ĩma wasu'u aba, te waihu'u da.

Zenezi 41:16

Tawamhã Zuzé ma te asa ãma tãma wa'rã, ãne: — Ta hã, ĩsi'uihâ na hãi õ di. 'Re ihâimana u'âsi mono si, te za irosawẽrẽzém na hã ãma asada'â, marĩ hã za ihâimanazé romnhowam na ãma iwaihu'u wẽ zéb da hã.

Zenezi 41:25

Tawamhã Zuzé, te apito ma tãma tinha ãne: — Maparane isahoi mono zé te misi haré marĩ hã wasu'u zahuré. Ta norĩ na hã ma tô 'Re ihâimana u'âsi mono, marĩ hã aima waihu'u siro, za marĩ te te i'manharĩzéb da hã.

Zenezi 49:1

Tawamhã Zaco ma tô ti'ra norĩ zô sima sô tihârâ za'ra. Tahawa, ma tô ãne tãma nharĩ za'ra: — Ma'ãpé asiwi ĩ'uirĩ wa'aba, apto'oré aihâiba mono bâ wa'aba za marĩ aima ihâimana za'ra wa'aba zém na te aima nharĩ za'ra wa'aba da.

Daniéu 1:20

Tawamhã apito, uburé marĩ mono na te te ta norĩ 're sadanharĩ za'ra mono wamhã, uburé Babilonia ãma i'rãiwaihu'u pese norĩ nhipai u, duré marĩ 'manharĩ nhipese 'wa norĩ nhipai u, te te irowaihu'u pese za'ra na hã ma tô oto upsibi me za'ra.

Daniéu 10:14

Wa hã awa'awi na wa we atẽme mo, asib'a'uwẽ norĩ ma, za iromhâimanazém na te ãma aima saprĩ da. E marĩ wa. Ã hã i'ab'madâ'â mono hã apto'oré za marĩ iwatobrozém na te rowasu'u.

Daniéu 2:18

Tawamhã Daniéu te tãma nharĩ za'ra, 'Re ihâimana u'âsi mono hâiwa ãma 're isãmra mono ma, mreme zusi da, ãma isiwamri za'ra zé te te tiwi waptẽrẽ za'ra da, duré apito nhimirosawẽrẽ dama iwaihu'u'õ te te tãma hâi'ré za'ra da, Daniéu norĩ, tisiwaihu'u norĩ me, Babilonia ãma rowaihu'u pese 'wa norĩ zu, da te uprosi tõ da.

Daniéu 2:22

Õhõ si te za marĩ dama isa'rese'õ hã dawi isima'uri pe hã te te dama 're ahâi'ré, robra na uburé marĩ 're ihâimana za'ra mono hã, tô õhõ ãma si rowa'a hã 're hâimana mono dâ'âsina.

Daniéu 2:44

Tawamhã apito norĩ ãne na 're hâimana za'ra mono ré, 'Re ihâimana u'âsi mono hâiwa ãma 're isãmra mono hã te za danhib'ihâ'a nhimi'madâ'âzé niwa za da te ipru waihu'u'õ hã pisutu, aimawi danhib'ihâ'a norĩ te te ãma i'ai'uté za'ra õ hã. Tawamhã ã hã te za aimawi ihâiba amo norĩ danhib'ihâ'a nhimi'madâ'âzé hã uburé pese uprosi pese. Tahawa, te za õhõ si oto 're hâimana u'âsi, pire na apito nhimi'madâ'âzém na hã.

Daniéu 2:45

Ãne te te iwasu'u hã, ẽtẽ tõmo wawẽ, da te rési õ nherẽ, ẽtẽ nhisi hawi waptã'ã ré i'madâ hã, isi'uwazi tede ferru 'manharĩ na, brõzi na, prata na, zé'a na, duré oru na ropodo te te ipru pe. 'Re ihâimana u'âsi mono ma tô aima hâi'ré, za marĩ apto'oré iwatobrozé. Ãne irosawẽrẽzé hã. Duré ãne te aima ãma isaprĩzé hã i'uwaibaba na si wa aima wasu'u.

Daniéu 2:47

Tawamhã te oto Daniéu ma tinha, ãne: — 'Re ihâimana u'âsi mono ãma, a norĩ wa'wa 're i'aiwata za'ra wa'aba mono hã, sena na te tô uburé ihâiba'õ norĩ nhipai u siptete uptabi na 're hâimana. Uburé ti'ai ãma apito norĩ ma, te duré Danhib'apito uptabi na hã 're hâimana. Tahawa, ĩma waihu'u pese di oto, õhõ si uburé dama iwaihu'u'õ hâi'ré'wa na hã. E marĩ wa. Taha zarina si, a hã ma tô te irosawẽrẽzém na isa'rese'õ na i'uwaibaba na si ãma ĩma isaprĩ na hã ãma i'uwaimra, te waihu'u da hã.

Daniéu 4:5

Tane nherẽ, nimahã mara na te irosawẽrẽzé hã ma tô ĩhâtâ'â za'ẽne hã ĩma sina waze. Ĩnhotõ 'rowi, marĩ te i'madâ'âzé hã duré ãma ĩnhimirosa'ratazé hã ma tô ipipa ĩma tisõ.

Mateu 6:9

Ãhã zarina si te za 're aimreme zusi aba mo, 'Re ihâimana u'âsi mono ma: “Wamama, hâiwa ãma 're asãmra mono hã, asisi wẽ na uburé da te 're aiwaihu'u za'ra mono da, wa da'ãma aima 're ĩmreme.

2 Timotiu 3:1

Wa za oto marĩ na aima rowasu'u, ãma 're rosa'rata u'âsi mono da hã. Nimahã na rob'rãsutu u hã oto ro'rutu wamhã, dama mono hã ropire di za.

Hebreu 1:1

Duréihã 'Re ihâimana u'âsi mono hã ma tô tizadawa 'mahârâ'wa norĩ ma te te 're rowasu'u, ta norĩ hã wahi'rata norĩ ma, te te oto ãma 're rowasu'u za'ra mono da, isadawa nhipai u. Ta norĩ ma, ma tô marĩ na misi si te te tãma 're rowasu'u za'ra, ãma ipu'u na hã, 'Re ihâimana u'âsi mono te te tãma 're iwaihu'u za'ra mono zép sidâpâsi.

2 Pedru 3:3

Marĩ ipire na, wa za oto aima rowasu'u za'ra wa'wa, waihu'u za'ra wa'aba da. Rob'rãsutu u hã romhuture wamhã, te za ni'wam norĩ hã ãne 're hâimana za'ra. Marĩ iwasété zô si te za te te 're rowasutu za'ra. Ãne te za te te aima 're nharĩ za'ra wa'wa: “Oro apâ wei morĩ 'ruza Zezu Cristu hã, te te sina iropisutuzéb zarina. E mahãta tawamhã. Wamama norĩ hã ma tô wawi 're dâ'â za'ra. Tane nherẽ, te õhõ u'â zahadu 're ropsa'wari, Ropoto na'rata hawim haré.” Ãne te za te te aima 're nharĩ za'ra wa'wa.

Apocalipsi 1:1

Duréihã, 'Re ihâimana u'âsi mono hã ma tô Zezu Cristuhu ma awaihu'u siro, tô sena na za romhutu na 're iromhâimana mono zém na, tinhib'a'uwẽ norĩ ma, te te duré waihu'u siromo za'ra da. Tahawa, Zezusi hã ma tô hâiwa ãma romhuri'wa hã we satõ Zuwãhã u, marĩ te te tãma waihu'u da. Tawamhã ma tô itẽme wi. Itẽme wisi wamhã, Zezusihi ma, 'Re ihâimana u'âsi mono hã sõ'awi te te oto tãma iromhâi'rézém na ma tô Zuwãhã ma waihu'u. Ãhã wamhã, sõtõ 'rowim ne, ma tô marĩ hã 'madâ, da te 're irosawẽrẽ za'ra mono ne. Tahawa, tô sena na te za oto Zuwã hã ãne aima ãma rob'ui'éré za'ra wa'wa, waihu'u za'ra wa'aba da, uburé marĩ hã te te i'madâ'âzém na, tô sena 'Re ihâimana u'âsi mono nhimiwaihu'uzém na hã, Zezusi hã sena na te te iwaihu'uzém na.