Daniéu 2:23 - ꞌRe Ihâimana Uꞌâsi Mono Zadawa Wasuꞌu

²³ Ĩhi'rata norĩ te, 'Re ihâimana u'âsi mono, wa ai'ãma ĩwata, a hã rowaihu iwẽ na duré ĩnhiptetezém na ãma ĩma asõprub zahuré wa. Ma tô duré iwapa, ãma aima iwamreme zusizé hã, ãma iwazada'âbâ za'ra zém na, apito nhimirosawẽrẽ hâi'rézém na hã.”

Daniéu 2:23 ပူးပေါင်းရင်းမြစ်များ

Zenezi 18:17

Tawamhã Uburé Danhib'apito te 'râwi sima tinha, ãne: “Abra'ãhã wi, za marĩ te i'manharĩzé te tiwi i'udâ da hã mare di za.

Zenezi 31:42

Tawamhã duré ĩhi'rata norĩ te, 'Re ihâimana u'âsi mono, Abra'ãhã te, duré Izaquihi te te 're iwazé pese mono hã, ĩsiré 're hâimana mono õ 'wa'âhã, a hã te aré ĩzatõ, ĩnhib'rata baba na ĩmorĩ da. Tane nherẽ, õ hã ma tô te irobzépatazé hã duré te 're iromhuri mono zé hã te te 're 'madâ'â. Tahawa, ahâmhâ bara na ma tô õ hã niha na ai'ãma rowairébé, te te iwaihu'uzéb zarina.

Ezodu 3:15

Uburé Danhib'apito, 'Re ĩhâimana u'âsi mono aihi'rata norĩ te, Abra'ãhã te, Izaquihi te, Zacoho te, ma tô we atẽme za'ra wa'aba hã ĩzatõ. Taha nhisi hã te õne u'â 're hâimana. Tahawa, taha nhisi na te za õne u'â a norĩ wa'wa hã ãma 're asipo're pu'u za'ra wa'aba mo.”

Provébiu 21:22

I'rãi waihu'u wẽ hã te za 'ri nho'õmo 're, isib'ru 're ihâimana za'ra mono norĩ ãma ai'uté. Te za duré i'wawi wa'ra tãma i'umnhasi za'ra hã tiwi prub za'ra.

Provébiu 24:5

'Rãiwaihu'u na 're ihâimana mono hã wẽ uptabi di, danhiptete nhipai u hã. Duré danhimiza'rese na dahâiba hã pire uptabi di, danhiptete nhipai u.

Provébiu 8:14

Ĩnhimiroti iwẽ zarina, wa tô te 're da'apawapto, marĩ iwẽ hã da te ãma 're 'manharĩ wẽ za'ra mono da. Ĩnhimiza're hã te ĩma 're hâimana. Ĩnhiptete di, duré wa hã.

Daniéu 1:17

Tawamhã 'Re ihâimana u'âsi mono, ma tô rob'ui'éré zadaihu'uzé hã tãma sõmri za'ra, maparane si'uiwa na iprédupté ihâiba za'ra ma hã. Babilonia norĩ nhimirowaihu'uzéb zama ma tô duré tãma sõmri za'ra. Tane nherẽ, Daniéu ma si, ma duré aimawi tãma tisõ, da te 're irosawẽrẽ za'ra mono zém na duré danhotõ 'rowim ne, marĩ, da te 're i'madâ'â za'ra mono zé hã te te ãma dama 're azaprĩ mono da.

Daniéu 2:18

Tawamhã Daniéu te tãma nharĩ za'ra, 'Re ihâimana u'âsi mono hâiwa ãma 're isãmra mono ma, mreme zusi da, ãma isiwamri za'ra zé te te tiwi waptẽrẽ za'ra da, duré apito nhimirosawẽrẽ dama iwaihu'u'õ te te tãma hâi'ré za'ra da, Daniéu norĩ, tisiwaihu'u norĩ me, Babilonia ãma rowaihu'u pese 'wa norĩ zu, da te uprosi tõ da.

Mateu 11:25

Tawamhã Zezusi hã te duré ãne Timama ma hã mre: — Ĩmama, a hã Danhib'apito uptabi, hâiwa ãma hã, duré ti'ai ãma zama. A hã ma tô rowaihu'u pese 'wa norĩ wi roti iwẽ hã 're i'anhito mo, te te 're waihu'u za'ra mono tõ da hã. Rowaihu'u prãi 'wa na 're ihâimana za'ra mono norĩ ma si, ma tô marĩ iwẽ hã 're i'awaihu'u mo. Tahawa, wa ai'ãma ĩwata, asõpru wa.

Luca 10:21

Tame 'Re ihâimana u'âsi mono pẽ'ẽzani te te tãma iwaihu'uzéb zarina, te 're to, Zezusi hã. Toi uptabi di oto. Tahawa, te Timama ma tinha, ãne: — Ĩmama, a hã Danhib'apito uptabi, hâiwa ãma zama, ti'ai ãma zama. Ã norĩ hã marĩ te te waihu'u za'ẽtẽ za'ra õ di. Tane nherẽ, ma tô marĩ iwẽ hã tãma iwaihu'u za'ra. Rowaihu'u pese 'wa norĩ ma hã, marĩ hã iwẽ tãma waihu'u za'ra õ di. Tane tô, Ĩmama. Asima iwẽzéb uwaibaba, ma tô ã norĩ ma si a'â iwaihu'u za'ra, marĩ iwẽ hã. Tahawa, wa ai'ãma ĩwata, asõpru wa.

Zuwã 11:41

Tawamhã isitobzé ma tô dasiwi sa'ré ni. Ãhã wamhã, te hâimo oto rob'madâ, Timama ma mreme da, Zezusi hã. Ãne te tawamhã tãma tinha: — Ĩmama, da'ãma aima 're ĩmreme mono wamhã, ĩmreme te ĩma ãma 're i'a'uwaimrami u'âsi mo. Ãhã na te za duré ĩmreme hã iwapa. Ãne wa, ĩma rowẽ di. Tahawa, wa duré danho'a, ãne aima rowasu'u, aima ĩmreme ré, da te ĩwapari za'ra da. E marĩ da. Aibâ ãma aima ĩmremezé hã ãma ĩma uwaimrami wamhã, a hã we ĩzatõrĩ'wa na dama 're ĩsiwasu'u mono zém na, da te 're ĩzaze za'ra mono da.

Zuwã 15:15

Danhib'apito norĩ hã uburé tinhimiroti hã te te tãma 're waihu'u za'ra mono õ di, tãma iromhuri'wa norĩ ma hã, tãma iromhuri'wa norĩ si 're hâimana za'ra mono wa. Tanei õ di, wa hã. Uburé, wa tô Ĩmama nhimiroti hã te aima 're wasu'u za'ra wa'wa. Tahawa, ĩma romhuri'wa na si te 're asisi za'ra wa'aba mono õ di za oto. Te 're i'asawi pese za'ra wa'aba mono na zama, wa za oto te 're asisi za'ra wa'wa.

Apocalipsi 1:1

Duréihã, 'Re ihâimana u'âsi mono hã ma tô Zezu Cristuhu ma awaihu'u siro, tô sena na za romhutu na 're iromhâimana mono zém na, tinhib'a'uwẽ norĩ ma, te te duré waihu'u siromo za'ra da. Tahawa, Zezusi hã ma tô hâiwa ãma romhuri'wa hã we satõ Zuwãhã u, marĩ te te tãma waihu'u da. Tawamhã ma tô itẽme wi. Itẽme wisi wamhã, Zezusihi ma, 'Re ihâimana u'âsi mono hã sõ'awi te te oto tãma iromhâi'rézém na ma tô Zuwãhã ma waihu'u. Ãhã wamhã, sõtõ 'rowim ne, ma tô marĩ hã 'madâ, da te 're irosawẽrẽ za'ra mono ne. Tahawa, tô sena na te za oto Zuwã hã ãne aima ãma rob'ui'éré za'ra wa'wa, waihu'u za'ra wa'aba da, uburé marĩ hã te te i'madâ'âzém na, tô sena 'Re ihâimana u'âsi mono nhimiwaihu'uzém na hã, Zezusi hã sena na te te iwaihu'uzém na.

Apocalipsi 5:5

Tawamhã 24 na dama ipire norĩ te misi ĩma tinha, ãne: — Aiwa'õ tõ. Ma'ãpé 'madâ'â. Õhõta te za, hu'u zérépa, Zudaha nhihudu. Ta hã apito Dawihi nhihudu, za isine pire na te te 're ida'ab'madâ'â mono da hã. Ta hã uburé dama waihu'u pese uptabi di. Ta hã tinhitob'ru norĩ nhimiromhuri wasété nhiptetezé hã ma tô tiwi uprosi za'ra. Tahawa, te õhõ si sada tihâiba, 7 na i'uptobzé hã te te i'aprub da hã, duré ibaihâ isinhai ré te te isõ'a da hã.