Daniéu 2:2 - ꞌRe Ihâimana Uꞌâsi Mono Zadawa Wasuꞌu

² Tahawa, i'rãiwaihu'u pese norĩ zô, marĩ 'manharĩ nhipese 'wa norĩ zô, simi'â ré norĩ zô, duré wasi na romnhoré'wa norĩ zô hã ma tô sô tihârâ za'ra, te te irosawẽrẽzém na te te ãma tãma saprĩ za'ra da. Tawamhã ta norĩ hã apito u sihutu wamhã, isõ're oto simasa wa,

Daniéu 2:2 ပူးပေါင်းရင်းမြစ်များ

Zenezi 41:8

Tawamhã awẽm na mararé te te isahoi mono zém na hã hâtâ'â di, duré tãma robzei õ di. Tahawa Ezitu ãma romhõsi'wa norĩ zô, duré rowaihu'u pese norĩ zô te uburé sô tihârâ za'ra. Tawamhã apito te tinhimirosawẽrẽ hã tãma wasu'u za'ra. Tane nherẽ, ni'wa te te ãma tãma saprĩ waihu'u õ di.

Ezodu 7:11

Tawamhã apito, rowaihu'u pese 'wa norĩ zô duré romhõsi'wa norĩ zô zama ma tô sô tihârâ za'ra, tô isine marĩ hã te te tãma 'manharĩ za'ra da.

Daniéu 1:20

Tawamhã apito, uburé marĩ mono na te te ta norĩ 're sadanharĩ za'ra mono wamhã, uburé Babilonia ãma i'rãiwaihu'u pese norĩ nhipai u, duré marĩ 'manharĩ nhipese 'wa norĩ nhipai u, te te irowaihu'u pese za'ra na hã ma tô oto upsibi me za'ra.

Daniéu 1:4

uburé 'madâ'â ze na hâiba wẽ na 're ihâimana za'ra mono, ihâiba siwamnarĩ'õ hã, i'rãiwaihu'u pe hã, isimirowaihu'u pese norĩ hã, za apito nhimiromhurizé 'ri 'rãihâ 're, romhuri waihu'u pese 'wa norĩ da hã, duré za Babilonia norĩ mreme te te iwaihu'u za'ra da hã, duré ta norĩ mreme na rob'ui'éré na te te 're iromnhoré za'ra mono da hã.

Daniéu 2:10

Tawamhã rowaihu'u pese 'wa norĩ, ma tô apito hã ãma sada'âbâ za'ra ãne: — Ni'wai õ di ti'ai ãma hã, asimirowaptẽrẽ zarina te te aima i'manharĩ da hã. Duré apito hã niwamhã i'maihâimana õ, siptete uptabi nherẽ, ãne hã te te iwaptẽrẽ hã, rowaihu'u pese 'wa norĩ wi hã, marĩ na i'uwaimrami'wa norĩ wi hã, duré wasi na romnhoré'wa norĩ wi hã.

Daniéu 2:27

Tawamhã Daniéu ma te ãma tãma wa'rã ãne: — Tô rowaihu'u pese 'wa nherẽ, marĩ 'manharĩ nhipese 'wa nherẽ, simi'â na romhuri'wa nherẽ, duré wasi norĩ na romnhoré'wa 're hâimana za'ra mono nherẽ, tiwi iwaptẽrẽ za'ra zé hã te te tô ta norĩ hã ãma aima saprĩ waihu'u za'ra õ di.

Daniéu 3:8

Tawamhã taha siwaprã ma tô ni'wam norĩ wasi na romnhoré'wa hã apito u sina rotété za'ra, zudeu norĩ ãma iwasété na te te wati'i za'ra da.

Daniéu 4:3

Isimiromhõsizé hã wẽ uptabi di. Duré uburé marĩ iwaihu'u'õ te te dama 're i'a'manharĩ mono zé hã siptete uptabi di! Ta hã Uburé Danhib'apito, si'utõrĩ ãna 're ihâimana mono. Tahawa, te za dama i'rãnho'õmo na 're hâimana u'âsi.

Daniéu 4:6

Tahawa, Babilonia ãma rowaihu'u pese 'wa norĩ zô, wa tô sô ĩhârâ za'ra, te irosawẽrẽzé te te ĩma ãma saprĩ za'ra da.

Daniéu 5:7

Tawamhã sa'ẽtẽ mreme 'rãihâ na ma tô marĩ 'manharĩ nhipese 'wa norĩ zô, rowaihu'u pese 'wa norĩ zô, duré wasi na romnhoré'wa norĩ zô dahãsi da hã dama ti'ru. Tawamhã ta norĩ sihutu wi, ma tô Béusaza hã tãma nharĩ za'ra ãne: — Ã hã 'ri na'rata na rob'ui'éré, ni'wa hã te te sõré waihu'u wamhã, duré marĩ te te iwasu'uzém na te te ãma ĩma saprĩ waihu'u wamhã, da'uza ihâ prépe iwa'âbâ za'ẽtẽ na te za ãma uza ni. Oru 'manharĩ na danho'rebzum na zama te za duré ãma sõ'rebzu ni za. Tahawa, wa za duré tãma pisutu, si'ubdatõ ãma dama ipire na ĩzahâpâmhã 're hâimana mono da, ĩnhimi'madâ'âzéb 'remhã.

1 Samuéu 6:2

Tahawa, ma tô tite sasedoti norĩ zô tihârâ za'ra, duré marĩ 'manharĩ waihu'u nhipese'wa norĩ zô zama. Tawamhã sô hârâ za'ra wa, itẽme sihutu wamhã, te ãne ãma sadanharĩ za'ra: — E marĩ wa za ãma 'manharĩ za'ra ni, Uburé Danhib'apito te, wedehâ're na hã. Duré apâ ihâimanazéb u wa te wasiwi sõmri da wamhã, e marĩ, wa za isiré wasiwi sõmri ni.