Daniéu 2:11 - ꞌRe Ihâimana Uꞌâsi Mono Zadawa Wasuꞌu

¹¹ A hã iwaptẽrẽ hã pire uptabi di. Ni'wa hã te te aima ãma irowasu'u da hã waihu'u õ di. Ihâiba'õ norĩ si te aré tô niha na hã aima hâi'ré za'ra. Tane nherẽ, ta norĩ hã ãme ti'ai ãma dasiré 're hâimana za'ra mono õ di.

Daniéu 2:11 ပူးပေါင်းရင်းမြစ်များ

Zenezi 41:39

Ãne te te tãma nharĩ za'ra pari, ma tô Zuzéhé u hã oto aipi'ra. Tawamhã te ãne tãma tinha: — 'Re ihâimana u'âsi mono, ma tô ãne na hã uburé aima hâi'ré. Tahawa ni'wa asipai u marĩ waihu'u'wa hã, duré isimiza'rese wẽ hã hâimana õ di.

Zenezi 41:8

Tawamhã awẽm na mararé te te isahoi mono zém na hã hâtâ'â di, duré tãma robzei õ di. Tahawa Ezitu ãma romhõsi'wa norĩ zô, duré rowaihu'u pese norĩ zô te uburé sô tihârâ za'ra. Tawamhã apito te tinhimirosawẽrẽ hã tãma wasu'u za'ra. Tane nherẽ, ni'wa te te ãma tãma saprĩ waihu'u õ di.

Salmu 132:14

“Ãme wa za õne u'â 're ĩhâimana. Duré ãme dama i'rãnho'õmo na te 're ĩda'a'madâ'â mono da hã, wa tô ĩsima wẽ.

Ezodu 8:19

Tawamhã marĩ 'manharĩ waihu'u nhipese'wa norĩ, te apito ma nharĩ za'ra ãne: — 'Re ihâimana u'âsi mono nhib'rata hawim na ma tô ãne hã tiromhâiba. Tane nherẽ, apito Fara'o tipẽ'ẽ tete na tihâimana na hã ma tô ãma uzusi, 'Re ihâimana u'âsi mono te te iwaihu'u siromo zéb zarina. Tahawa Mozési norĩ Arãhã me te te tiwi irowaptẽrẽ zahuré zém na hã te te wapari zahuré õ di.

Daniéu 4:4

Ma ãma uzusi ãne: — Wa hã Nabucodonozo, ĩhâimana prédup sina ĩsima iwẽ na ĩhâtâ'â ãna wa tô aré 're ĩnhamra, ĩnhimiromhurizé 'ri 'rãihâ 'remhã, ĩma rowẽ uptabi na.

Daniéu 5:11

E tihai wa. Ãme asimi'madâ'âzéb ãma te ihâiba'õ norĩ pẽ'ẽzani ré aibâ hã tihâiba. Aimama Nabucodonozo, apito na 're hâimana mono ré hã, ma tô aibâ hã da te 're waihu'u za'ra, i'rã nhimiza'rese wẽ na hã, duré rowaihu'u pese 'wa na hã, ihâiba'õ norĩ ne. Tawamhã ta hã ma tô apito Nabucodonozo pisutu, rowaihu'u pese 'wa norĩ nhib'ihâ'a na, tiha 'manharĩ nhipese 'wa norĩ nhib'ihâ'a na, simi'â na romhuri'wa norĩ nhib'ihâ'a na, duré wasi na romnhoré'wa norĩ nhib'ihâ'a na tãma 're hâimana za'ra mono da hã.

Mateu 19:26

Tawamhã Zezusi hã te 'madâ'â pese za'ra, tisiré 're inomro mono norĩ hã. Tawamhã te te 'madâ'â pese za'ra wamhã, te duré asa tãma nharĩ za'ra, ãne: — Dasi'uihâ na danho'reptuzé hã da te dasina 're uwaimrami za'ra mono õ di za. Dama hã waihu'u õ di. 'Re ihâimana u'âsi mono si siminho'reptu waihu'u pese di. Taha ma si waihu'u pese di, uburé marĩ te te 're i'ab'manharĩ mono zéb da hã.

Zuwã 1:14

'Re ihâimana u'âsi mono mreme hã wa'rata 're sãmra mono da, ma tô sihâiba. Simizawi pese uptabi di. Isimiroti hã wẽ uptabi di. 'Re ihâimana u'âsi mono 'ra wa, õhõ si 're morĩ wẽ uptabi di. Misire i'ra hã. Õhõ si, waihu'u pese uptabi di. Wa norĩ hã wa tô wasiwi waihu'u za'ra ni, 're imorĩ wẽ uptabi na. Iwaihu'u pese na zama, wa tô duré wasiwi waihu'u ni.

Zuwã 14:23

Tawamhã Zezusi asa te duré tãma tinha, ãne: — Ni'wam norĩ hã te te 're ĩzawi pese za'ra mono wamhã, te za ĩnhimiroti si te te 're 'madâ'â pese za'ra. Tawamhã Ĩmama, te za duré asa hã te te 're sawi pese za'ra. Wa norĩ hã wa za itẽme 're wasihutu, i'rata 're wahâimana u'âsi za'ra mono da.

2 Corĩtu 6:16

Romhâiba 'manharĩ hã ãma 're idawata za'ra mono zé hã, e 'Re ihâimana u'âsi mono nhorõwa 'ri 're, te aré da te 're sa'ra, 'ri wa. Mare di. E marĩ wa. Aiwab õ wa, dama hã. Tane duré, wa norĩ hã 'Re ihâimana u'âsi mono ãma 're iwata za'ra mono õ norĩ siré, 're wahâimana waihu'u za'ra mono õ di za oto. E marĩ wa. 'Re ihâimana u'âsi mono hã wapẽ'ẽ 're, wa'ãma 're sõrõwa za'ra mono wa oto. Tahawa, 'Re ihâimana u'âsi mono nhorõwa ne, wa oto 're wahâimana za'ra wasiré isazei'wa norĩ hã, 'ri 'rãihâ wam ne, wapẽ'ẽ 're, 're sãmra mono wa oto. Duréihã 'Re ihâimana u'âsi mono zadawa 'mahârâ'wa norĩ hã ma tô imreme na rob'ui'éré za'ra, romhâ ré isib'a'uwẽ norĩ ãma hã, ãne: “Ĩnhib'a'uwẽ norĩ siré, wa za oto 're ĩhâimana u'âsi za'ra, 'râwi i'rata. Wa za duré tô isiré 're ĩmorĩ u'âsi za'ra. Isib'apito, wa za oto tãma 're ĩhâimana za'ra. Tawamhã ĩnhib'a'uwẽ te za duré ĩma 're hâimana za'ra.”

Apocalipsi 21:3

Tawamhã damreme 'rãihâ hã wa tô duré wapa, danhib'apito simasisizém hawi we te te inharĩ hã. Ãne te we ĩma tinha: — Ma'ãpé, waihu'u. 'Re ihâimana u'âsi mono hã te za oto dasiré 're hâimana u'âsi, 'râwi. Isib'a'uwẽ te za oto 're dahâimana u'âsi za'ra. Te za tô oto duré dasiré 're hâimana u'âsi. Isib'apito za'ra te za oto 're hâimana, 'Re ihâimana u'âsi mono hã.