Daniéu 12:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã te nimahã hâiwa ãma romhuri'wa, tihâiba amo hã uza hâi wẽ uptabi na pa sãrã u isa hã sadanha ãne: — E niwa te za ã hã marĩ iwẽ uptabi na hã tiromhâiba.

Daniéu 12:6 ပူးပေါင်းရင်းမြစ်များ

Daniéu 12:5

Tawamhã wa tô maparane hâiwa ãma romhuri'wa â zaihâ na isima'wara hã 'madâ'â zahuré. Ihâiba amo te pa zara niwĩ za, ĩ niwĩ. Duré ihâiba amo, te pa zaihâ amo niwĩ we za.

Daniéu 12:8

Tane nherẽ, te waihu'u wẽ õ di wa hã, te wapari nherẽ. Tahawa, wa tô duré ãma sadanha, ãne: — Ma'ãpé ĩzawi na hã ãma ĩma rowasu'u na. E niha te za uburé ãne na hã we tiromhâimana 'rãsutu.

Daniéu 8:13

Taha pari wa tô duré wapa, hâiwa ãma romhuri'wa norĩ te te sima irobzanhamri zahuré zé hã. Nima hã ma tô tihâiba amo sadanha ãne: — E niha danhotõ 'rowim ne marĩ 'madâ'âzém na we iromhâimana mono na hã te za we ãma ropsi'utõrĩ. Duré marĩ zata na bâtâ sidâpâsi 're idanhoprub za'ra mono zéb upana, iwasété na si oto 're idanhoprub za'ra mono na hã, e niha te za duré we ãma ropsi'utõrĩ. Duré isõrõwa 'ri 'rãihâ siprum haré 're isa mono na hã e niha te za duré we ãma ropsi'utõrĩ. E niha te za hâiwa ãma dasi'wapéi 'manharĩ'wa norĩ ãma, da te ãma 're i'ai'uté za'ra mono na hã we duré ãma ropsi'utõrĩ u'âsi.

Daniéu 8:16

A'uwẽ mreme na panho'u Ulai na isisi hawi we ni'wa te te i'mahârâ, wa tô wapa, ãne: — Gabriéu, ma'ãpé ã hã aibâ ma, marĩ te te i'ab'madâ'â mono zém na hã ãma tãma saprĩ na.

Mateu 24:3

Tawamhã Zezusi hã te oto nhamra, Oriwera na ẽtẽ 'rãihâ nhisi ãma. Sahâ na sãmra wamhã, ma tô oto 'râwi itẽme ubumro Zezusihi u, isiré 're inomro mono norĩ hã, hâiba pisutu te te siwi sadanharĩ da, ãne: — E niwa te za ãne hã ãma tiromhâiba, 'ri nhamrazéb da hã. Ma'ãpé wama waihu'u za'ra na, marĩ iwatobrozé hã, isõwa wa te ãma waihu'u siromo za'ra da. Duré e marĩ te za watobro, apâ za we i'aimorĩzéb da hã, wa te ãma iwaihu'u siromo za'ra zéb da hã, duré rob'rãsutuzéb u hã bâdâ, iwa iwaptã'ãzéb u da hã.

Marcu 13:4

— E niwa te za ãne hã ãma tiromhâiba, 'ri nhamrazéb da hã. E marĩ te za watobro, da te iwaihu'uzéb da hã. Ma'ãpé, wama waihu'u za'ra na, isõwa wa te ãma iwaihu'u siromo za'ra da hã.

Éfézu 3:10

Ta hã ma tô sima wẽ, hâiwa ãma pire na 're ihâimana za'ra mono norĩ hã te te waihu'u za'ra da oto, hâiwa hawi dahâimanazém na rowaihu'u wẽ hã ahâ na tãma 're ihâimana mono na hã. Simisutu isib'a'uwẽ norĩ hã oto tãma 're hâimana za'ra mono wa, te za oto ãne na waihu'u za'ra, duréihã te te sima da'ãma irotizé hã te te da'ãma uwaimrami wa, Wanhib'apito Cristu Zezusi te te ida'anho'reptuzéb zarina.

1 Pedru 1:12

'Re ihâimana u'âsi mono, ma tô duré ãne hã tãma waihu'u siromo za'ra: “Aima wa'aba si, te waihu'u za'ra wa'aba õ di, danho'reptui'wai wasu'u hã. Ai'uirĩ na wa'aba, za 're idahâimana za'ra mono norĩ pibu ma, wa tô ãne hã aima waihu'u siromo za'ra wa'wa.” Ãne ma tô tãma waihu'u za'ra, aipibu ma za'ra wa'aba zama. Wanhib'apito zadawa wasu'u'wa norĩ hã ma tô oto rowasu'uwẽ na aipo're pu'u za'ra wa'wa, Cristu te te 're ida'anho'reptui mono zém na. Hâiwa hawi, Wanhib'apito pẽ'ẽzani nhimipawaptobzéb zarina, tô sena Cristuhu wasu'uwẽ na ma tô aipo're pu'u za'ra wa'wa. Taha wasu'u hã wẽ uptabi wa, te oto hâiwa ãma romhuri'wa norĩ hã te te sima 're wẽ uptabi za'ra, te te 're waihu'u pese za'ra mono da.

Apocalipsi 15:6

Tawamhã ni'wa te te 'ridawa wamhã, ma tô 7 na hâiwa ãma romhuri'wa norĩ hã tô õ norĩ hã wairé 'ri para hawi, 'Re ihâimana u'âsi mono te te ipisutu za'ra norĩ hã rob'manharĩ pipa na te te dama 're rob'manharĩ za'ra mono da. Uza hâirã ré ihâ si'ubuzi ré ma te wairé, duré ẽtẽ waipo pré oru 'manharĩ na sõ'utu wa'rãmi ré.

Apocalipsi 19:14

Tawamhã hâiwa ãma da'wapéi'wa norĩ hã te duré isarina sisa're, awaru irã na uza hâirã wẽ uptabi na.

Apocalipsi 6:10

Tawamhã mreme 'rãihâ na te hã: — Wanhib'apito, danhipai u aiwaihu'u pese di. Duré aiwẽ uptabi di. Tô sena, a hã. Tahawa, e nimahã na hã wa'uprosi'wa norĩ ãma iwasédé hã sa'ra õ di za, ti'ai ãma 're ihâimana wasété za'ra mono ãma. E niwamhã wa'ruiwa'âbâ za'ra õ di za, asimi'ahârizém na hã.