Daniéu 12:2 - ꞌRe Ihâimana Uꞌâsi Mono Zadawa Wasuꞌu

² Tawamhã da'ahâ uptabi na 're idadâ'â za'ra mono hã te za apâ tahâiwa'utu za'ra ni. Ni'wam norĩ si te za 're idanomro u'âsi mono zé hã sina uwaimrami za'ra. Duré nima norĩ te za rowazém na si 're ihâimana za'ra mono zé hã sina sõ'õtõ za'ra, robzépada isi'utõrĩ'õ u 're ihâimana za'ra mono da hã.

Daniéu 12:2 ပူးပေါင်းရင်းမြစ်များ

Provébiu 12:8

I'rãi waihu'u wẽ norĩ hã te da te dasima 're wasu'u wẽ za'ra. Tane nherẽ, ipẽ'ẽ 'remhã wasété na 're ihâimana za'ra mono norĩ hã te za dama wazéb ãna 're hâimana za'ra.

Mateu 25:46

— Tawamhã ta norĩ hã te za oto ai'aba'ré, 'Re ihâimana u'âsi mono nhiti, isimihâzém na za te te 're irobzépata u'âsi za'ra mono zéb u. 'Re ihâimana u'âsi mono nhimiroti te te 're i'madâ'â pese za'ra mono norĩ si, te za i'rata 're hâimana u'âsi za'ra, rowẽ u'âsi ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:60

Tawamhã hi'rãtitõ ma tô nhamra, Estewã hã. Mreme 'rãihâ na ma tô duré tãma mre, ãne: — Wanhib'apito, tiwasédé te te ĩ'ãma 'manharĩ za'ra nherẽ, tãma pisutu za'ra õ di za, rowasédé hã. Tawamhã ãne na mreme pari, ma tô oto dârâ, Estewã hã.

Roma 9:21

I'manharĩ'wa hã te te sima iwẽzéb uwaibaba si, te za zé hã te te 're ab'manharĩ, piza na. Zé hã te te su pese wamhã, misi te za oto sada ub'rã. Tawamhã te za sima rosa'rata, piza maparane te te sima 'manharĩ da, ãma. Tawamhã te te i'manharĩ 'rada hã, wẽ uptabi na te za 'manha, i'madâ'â ze da hã. Duré ihâiba amo hã si'aba'ré na te za 'manha, wẽ prã na, marĩ da si 're hâimana mono da, taré.

1 Tesalonita 4:14

Zezusi hã ma tô dârâ. Ma tô pẽ'ẽhai'utõ. Pẽ'ẽ si'utõrĩ nherẽ, ma tô apâ hâiwa'udu. Ãhã na te oto 're morĩ u'â. Ãne na hã wa tô saze za'ra ni. Tahawa, wa tô duré waihu'u za'ra ni, isazei'wa norĩ hã 're dâ'â za'ra mono wamhã, apâ 're ihâiwa'utu za'ra mono zém na hã. 'Re ihâimana u'âsi mono hã te za apâ te te 're ahâiwa'utu, Zezusi te te apâ ihâiwa'utu ne.

Apocalipsi 20:12

Tawamhã wa tô duré 'madâ'â za'ra, 're idadâ'â za'ra mono hã, dama ipire norĩ hã, duré dama iwapu norĩ hã. Da'upsãtã mono bâ, te aihĩni pese danhib'apito simasisizém nho're aimasam ni. Â poré mono bâ, â na 're idasi'utõrĩ mono norĩ zama te aimasam ni, adâ 're ihâimana za'ra mono zém hawib zama. Tawamhã ibaihâ ahâ na ma tô sõzi za'ra ni, ti'ab ré uburé marĩ, da te 're i'manharĩ za'ra mono zém na rob'ui'éré ré hã, marĩ iwẽ na, duré marĩ iwasété na zama. Ma tô duré sõzi ibaihâ hã, 'Re ihâimana u'âsi mono 'rata za rowẽ na 're idahâimana u'âsi za'ra mono norĩ nhisi ré hã. Tawamhã ibaihâ na da te 're i'manharĩ wẽ za'ra mono zéb ui'éré zarina, ma tô da'ãma rowairébé za'ra ni. Da te 're i'manharĩ wasété za'ra mono zéb ui'éré zarina zama, ma tô aihĩni pese da'ãma rowairébé za'ra ni.