Daniéu 11:7 - ꞌRe Ihâimana Uꞌâsi Mono Zadawa Wasuꞌu

⁷ Ãne na ronomro pese õ ré, te za pi'õ sisãnawã hã oto si'apito. Tahawa, te za susi za'ra, hâiwa nhimi'e niwĩ apito te, dasi'wapéi 'manharĩ'wa norĩ hã. Te za duré ta norĩ te, 'ri isiptete u hã sisisi. Te te oto 'wapé za'ra wamhã, te za ãma ai'uté za'ra.

Daniéu 11:7 ပူးပေါင်းရင်းမြစ်များ

Daniéu 11:40

— Oto we romhâimanazéb 'rãsudu wisi wamhã, te za Ezitu te apito hã hâiwa nhimi'e niwĩ te apito hã susi. Tahawa, te za tô sô watobro, wedewara zapore na dasi'wapézém na duré awaru na isi'wapéi'wa norĩ ré, duré uba're i'ahâ uptabi na hã. Â rom na 're i'âpusi mono ne, te za Ezitu u hã sisisi.

Daniéu 11:6

Niha ãma wahub za'ra parip si, te za Ezitu ãma apito hã Siria ãma apito me dasisazezé hã sima 'manharĩ zahuré. Taha zarina, te za Ezitu ãma apito hã, Siria ãma apito 'ra ma, ti'ra sipi'õ hã tisõ, za ãma mro da hã, rowẽ si we apâ uburé dama 're romhâimana mono da. Tane nherẽ, te za isimirowa'õtõ zahuré zé hã tiwi ab'uwa zahuré. E marĩ wa. Taha pi'õ hã duré imro hã duré uburé romhuri'wa norĩ hã za da te simroi wa.

Luca 12:20

Tahawa, te 'Re ihâimana u'âsi mono hã tãma tinha, ãne: “A hã ma tô ãma i'upa za'ẽ, asimirosa'rata na. Ã bara na te za atâ. Atâ'â wamhã, e 'wa te hã za oto asimarĩ hã, asima si 're i'a'ubumroi pese mono hã.”