Daniéu 11:6 - ꞌRe Ihâimana Uꞌâsi Mono Zadawa Wasuꞌu

⁶ Niha ãma wahub za'ra parip si, te za Ezitu ãma apito hã Siria ãma apito me dasisazezé hã sima 'manharĩ zahuré. Taha zarina, te za Ezitu ãma apito hã, Siria ãma apito 'ra ma, ti'ra sipi'õ hã tisõ, za ãma mro da hã, rowẽ si we apâ uburé dama 're romhâimana mono da. Tane nherẽ, te za isimirowa'õtõ zahuré zé hã tiwi ab'uwa zahuré. E marĩ wa. Taha pi'õ hã duré imro hã duré uburé romhuri'wa norĩ hã za da te simroi wa.

Daniéu 11:6 ပူးပေါင်းရင်းမြစ်များ

Salmu 10:5

à hã aibâ iwasédé hã, sima hã te uburé marĩ i'uwaibaba na si, te te 're ab'manharĩ. Tane nherẽ, 'Re ihâimana u'âsi mono te te da'ãma irowairébézém na hã te te ãma rosa'rata waihu'u õ di. Te duré tinhitob'ru norĩ ãma hã 're wa'ẽi u'âsi.

Daniéu 11:13

Taha parimhã te za duré hâiwa nhimi'e niwĩ daza'ru te apito hã dasi'wapéi 'manharĩ'wa norĩ hã 'rã'õtõ, imorĩ'rata na dasi'wapéi 'manharĩ'wa norĩ nhipai u, ahâ uptabi na. Tawamhã nima hã wahu ãma morĩ pari, tite dasi'wapéi 'manharĩ'wa norĩ ré, te za apâ sina sô siri, ezipsiu norĩ te te 'wapé za'ra da hã.

Daniéu 11:15

Tawamhã hâiwa nhimi'e niwĩ daza'ru te apito, tite dasi'wapéi 'manharĩ'wa norĩ ré, te za mo. Tahawa, dasi'wapé da, te za wede hâpâ norĩ, nimahã 'ri nho'õmo 'wawi wa'ra 'rãihâ te na te te sima isa'ra mono na hã ãma siwi uirĩ, te te ãma sa'uri za'ra wa, ãma sisisi da. Ãhã wamhã, te za ãma ai'uté za'ra. Tawamhã tô hâiwa nhimi'e niwĩ daza'ru hawi dasi'wapéi 'manharĩ'wa norĩ Ezitu u te te sina irosa'ré za'ra mono hã ezipsiu dasi'wapéi 'manharĩ'wa iwẽ norĩ isiptede asa tihâiba na te te ãma tãma wa'rãmi waihu'u za'ra õ di. Te za tô õne haré da te sate, tãma sib'uwa za'ra wa.

Daniéu 11:40

— Oto we romhâimanazéb 'rãsudu wisi wamhã, te za Ezitu te apito hã hâiwa nhimi'e niwĩ te apito hã susi. Tahawa, te za tô sô watobro, wedewara zapore na dasi'wapézém na duré awaru na isi'wapéi'wa norĩ ré, duré uba're i'ahâ uptabi na hã. Â rom na 're i'âpusi mono ne, te za Ezitu u hã sisisi.

Daniéu 11:7

Ãne na ronomro pese õ ré, te za pi'õ sisãnawã hã oto si'apito. Tahawa, te za susi za'ra, hâiwa nhimi'e niwĩ apito te, dasi'wapéi 'manharĩ'wa norĩ hã. Te za duré ta norĩ te, 'ri isiptete u hã sisisi. Te te oto 'wapé za'ra wamhã, te za ãma ai'uté za'ra.