Daniéu 11:30 - ꞌRe Ihâimana Uꞌâsi Mono Zadawa Wasuꞌu

³⁰ Dasi'wapéi 'manharĩ'wa norĩ hã bâtâ zasizém hawi te za uba're na we ai'aba'ré. We si'aba'réi wamhã, te za susi za'ra, hâiwa nhimi'e niwĩ apito hã. Tawamhã dasi'wapéi ma, si'rãmi wa, te za tãma marẽ. Siti'rui uptabi wa, te za duré apâ Izaraéu nhihudu norĩ a'wapé. Ãhã wamhã, te za duré sima iwẽ na marĩ hã tãma 'manharĩ za'ra. Tawamhã zudeu norĩ tinhimizaze te te irẽme za'ra nhimiroti hã te za wapa, apito hã.

Daniéu 11:30 ပူးပေါင်းရင်းမြစ်များ

Zenezi 10:4

Zavãhã 'ra norĩ nhisi hã ãne: Elisa, Tarsi, Quitĩ, duré Rodani.

Neemia 6:12

Tawamhã wa tô upsibi me, Semaia, 'Re ihâimana u'âsi mono we te te ĩtẽme isatõrĩ õ na hã. Duré Tobia norĩ, Sãbalatihi me, 'Re ihâimana u'âsi mono zadawa wasu'u zarina newa, te te ĩma waihu'u da, wa tô duré upsibi me, õhõ ma, te te tãma iwa'âbâ zahuré zém na hã.

Daniéu 11:28

Taha pari hâiwa nhimi'e niwĩ daza'ru te apito hã te za tite ti'ai wa'õtõ nho'õmo u apâ sina siri. Tahawa, te za uburé dasi'wapéi wa, marĩ iwa'âbâ za'ẽne te te dawi i'awaibu hã siré tidu. Te za duré rowa'õno hã niha na hã sima 'manha, Izaraéu nhihudu norĩ wi isimizaze te te uprosi da hã. Marĩ te te sima iwẽzéb zarina te za tô tãma 'manharĩ za'ra. Taha pari te za apâ tite ti'ai wa'õtõ nho'õmo u hã mo.

Daniéu 11:29

— Bâdâ oto wisi wamhã, te te ropãrĩ za'ra mono sina, sisõré pese na te za apâ mo tite dasi'wapéi 'manharĩ'wa norĩ ré hã, Ezitu te te duré 'wapé da hã. Tane nherẽ, tamemhã te te da'ãma ai'uté õ di za, imorĩ'rata na te te da'ãma i'ai'uté ne.

Daniéu 7:25

Ta hã te za uburé danhipai u Isiptede 'Re ihâimana u'âsi mono zada hã 're hâimana. Te za duré isib'a'uwẽ norĩ ma hã te te 're arob'manharĩ wasété. Duré te za 'Re ihâimana u'âsi mono nhimiroti na duré isib'a'uwẽ nhibâtâ norĩ na te te ãma tiwi saprĩ za'ra da hã, te te 're pibui u'âsi za'ra, Te za duré si'ubdatõ wahu aiwa ãma isipo'o na 'Re ihâimana u'âsi mono nhib'a'uwẽ norĩ isib'ratamhã a'â tihâimana za'ra.

Mateu 24:10

Ãne na daré 're romhâimana mono ré, te za ĩzazei'wa norĩ hã te te 're ĩzazei utõrĩ za'ra, ahâ na. 'Râwim nherẽ, te za duré dama 're sihâiba nhomri za'ra, da te 're i'ruiwapari za'ra mono zéb zarina, da te 're waibui mono da. Ĩzazei'wai wa, tisisãnawã na sima 're hâimana za'ra mono nherẽ, te za oto duré 're si'ruiwapari za'ra, 'râwim nherẽ.

Apocalipsi 12:12

Tahawa, ma'ãpé 're ato za'ra wa'aba mono, hâiwa ãma 're aihâimana za'ra wa'aba mono norĩ hã. Tane nherẽ, ti'ai ãma 're aihâimana za'ra wa'aba mono norĩ hã aima 're ropipa uptabi za'ra wa'aba mono di za, â poré na 're aihâimana za'ra wa'aba mono norĩ ma zama. E marĩ wa. Wa'uburé hã sahi uptabi na atẽme morĩ aba na dâ'âsina, ti'ai u. Ti'ai ãma te te aima 're rob'manharĩ wasété za'ra wa'aba mono da, za 're ihâimana hutu mono zém na te te sina waihu'u wa, ma tô tizahi pese. Tahawa, aima 're ropipa uptabi za'ra wa'aba mono di za.