Daniéu 11:28 - ꞌRe Ihâimana Uꞌâsi Mono Zadawa Wasuꞌu

²⁸ Taha pari hâiwa nhimi'e niwĩ daza'ru te apito hã te za tite ti'ai wa'õtõ nho'õmo u apâ sina siri. Tahawa, te za uburé dasi'wapéi wa, marĩ iwa'âbâ za'ẽne te te dawi i'awaibu hã siré tidu. Te za duré rowa'õno hã niha na hã sima 'manha, Izaraéu nhihudu norĩ wi isimizaze te te uprosi da hã. Marĩ te te sima iwẽzéb zarina te za tô tãma 'manharĩ za'ra. Taha pari te za apâ tite ti'ai wa'õtõ nho'õmo u hã mo.

Daniéu 11:28 ပူးပေါင်းရင်းမြစ်များ

Daniéu 11:22

Ta hã te za uburé tinhitob'ru dasi'wapéi 'manharĩ'wa norĩ ãma hã ai'uté za'ra. Duré sasedoti dama isa'ẽne ipire uptabi hã te za tiwĩ.

Daniéu 11:27

Tawamhã apito norĩ te za sisõpẽtẽ zahuré. Tane nherẽ, te za sadawa nhipese na taré sima siwasu'u zahuré, hâimana nhipese na, za marĩ te te sima 'manharĩ wasété zahuré da nherẽ. Tane nherẽ, hâiba si'uiwa na te te si'ãma irowa'õtõ zahuré zé hã taré pese te za tihâiba, zahadu bâdâ hã wisi õ dâ'âsina.

Daniéu 11:29

— Bâdâ oto wisi wamhã, te te ropãrĩ za'ra mono sina, sisõré pese na te za apâ mo tite dasi'wapéi 'manharĩ'wa norĩ ré hã, Ezitu te te duré 'wapé da hã. Tane nherẽ, tamemhã te te da'ãma ai'uté õ di za, imorĩ'rata na te te da'ãma i'ai'uté ne.

Daniéu 8:12

Duré bâtâ sidâpâsi 're idanhoprub za'ra mono zéb upana, ma tô iwasété na si 're danhoprub za'ra oto. Õ hã ma tô duré sena na danhimizaze 're ihâimana mono hã uprosi. Duré uburé marĩ te te 're i'a'manharĩ mono zém na ma tô te te sima ãma 're a'uwaimrami.

Daniéu 8:24

Tawamhã te za duré isiptetezé hã we te te tãma sina hâimo u'âsi. Tane nherẽ, tinhiptete na we sihawi siptete mono õ di za. Taha na te za te te dawi 're arowamnarĩ, tipipa uptabi na. Te za duré a'uwẽ isiptete norĩ hã uprosi, 'Re ihâimana u'âsi mono tinhib'a'uwẽ da, te te ipisutu norĩ zama. Marĩ te te sima iwẽzéb zarina, te za tô we te te sima ãma 're a'uwaimrami.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:25

A norĩ wa'wa hã, wasiré wahi'rata norĩ nhihudu te 're aihâimana za'ra wa'aba mo. Tahawa, wahi'rata norĩ ma, 'Re ihâimana u'âsi mono te te 're i'apisutu mono zé hã te duré wama 're hâimana za'ra. Abra'ãhã ma, uimrehẽne ma tô tãma ropisutu 'rata. Ãne ma tô tãma ropisutu: “Romhutu'õpsi te za ni'wa hã asihudu hã te te 're da'apawapto, daro mono bâ rowẽ na 're danomro mono da.” Ãne ma tô taha ma ropisutu na'rata siro.