Daniéu 11:24 - ꞌRe Ihâimana Uꞌâsi Mono Zadawa Wasuꞌu

²⁴ Daza'ru ti'ai wa'õtõ nho'õmo 're, simarĩ pese na 're ihâimana za'ra mono hã te za simiza'rese õ ré susi za'ra. Tahawa, ta norĩ ma, te za marĩ iwasété uptabi hã 'manharĩ za'ra, niwa ihi'rata norĩ te te siwi i'manharĩ za'ra õ hã. Tawamhã tite dasi'wapéi 'manharĩ'wa norĩ ma, te za marĩ iwa'âbâ za'ẽtẽ mono hã isib'rata te te tãma po'o, te te da'ãma i'ai'uté za'ra norĩ wi, te te iwaibui mono hã. Tawamhã suru na a'â we hâimana ré, te za sima rosa'rata, 'ri isiptete norĩ te te 'wapé za'ra da hã, ti'ai wa'õtõ nho'õmo 'remhã.

Daniéu 11:24 ပူးပေါင်းရင်းမြစ်များ

Neemia 9:25

Asib'a'uwẽ norĩ, 'ri nho'õmo norĩ 'wawi wa'ra pe, te te siwi i'uirĩ norĩ ãma hã, ma tô ãma ai'uté za'ra. Ma tô duré ti'a iwẽ hã siwi ti'â, marĩ iwa'âbâ za'ẽtẽ na 'ri i'masisi mono ré hã, duré â zô ab're siromo mono ré hã, oriwera wede iwa 're isimasa mono ré hã, wede norĩ i'rãi pe, iwa 're isimasa mono ré hã, duré uwa 'ru, da te iwa 're izuri mono ré hã. Tawamhã ta norĩ hã ma tô sima iwẽ na uburé marĩ hã te te 're huri. Tahawa, ma tô ãma 're sihâipese za'ra. Uburé marĩ iwẽ tãma 're isõmri za'ra mono na hã ma tô duré te te sima ãma 're rowẽ za'ra.

Provébiu 17:8

Ni'wam norĩ hã rob'uiprazém na pi'uriwi ãma da'uiprazém na te te 're rosa'rata za'ra, niha na iwa'rãmi da te tãma 're rowairébé za'ra mono da hã, wapu pese na ãma 're isibro pese za'ra mono zéb da hã.

Provébiu 19:6

Dama ipire na 're ihâimana za'ra mono norĩ, te te 're dawẽsãmri za'ra mono da hã, te za uburé dasima 're danhopré. Duré sapa'abâ isibzari ze siwaihu'u norĩ hã ahâ uptabi di.

Provébiu 23:7

Te za nasi aima tinha, ãne: “Suru na, nasi asi na”. Tane nherẽ, sena na hã te te nasi aima nharĩ õ di.

Daniéu 11:23

Dasisazezé te te dame 'manharĩ nherẽ, te za taré dama ãma sadawa hapese, ãma dâ'â ãna. Duré tô ite dasi'wapéi 'manharĩ'wa norĩ umrore nherẽ, te za we siptete mono.

Daniéu 7:25

Ta hã te za uburé danhipai u Isiptede 'Re ihâimana u'âsi mono zada hã 're hâimana. Te za duré isib'a'uwẽ norĩ ma hã te te 're arob'manharĩ wasété. Duré te za 'Re ihâimana u'âsi mono nhimiroti na duré isib'a'uwẽ nhibâtâ norĩ na te te ãma tiwi saprĩ za'ra da hã, te te 're pibui u'âsi za'ra, Te za duré si'ubdatõ wahu aiwa ãma isipo'o na 'Re ihâimana u'âsi mono nhib'a'uwẽ norĩ isib'ratamhã a'â tihâimana za'ra.

Mateu 9:4

Tane nherẽ, ma tô Zezusi hã sina waihu'u, isimirosa'rata za'ra hã. Tahawa, te ãne tãma nharĩ za'ra: — E marĩ da, ma tô ãne ĩ'ãma irosa'rata wasété za'ra wa'wa.

Zuize 9:4

Tahawa ma tô õhõ ma, ẽtẽ waipo prã prata 70 na iwa'õtõ na Baau-Berite ãma romhâibarĩ na 're idawata za'ra mono zé 'ri hawi te te siwi isani za'ra hã tãma sõmri za'ra. Tawamhã tô taha wa'õtõ na ma tô Abimelequi, ni'wam norĩ aibâ niha na siwa'ru 're inomro mono norĩ hã pisutu za'ra, pawa'âbâ ré isib'a'uwẽ na 're nomro mono da.