Daniéu 11:21 - ꞌRe Ihâimana Uꞌâsi Mono Zadawa Wasuꞌu

²¹ — Taha nhana'remhã te za duré 'maihãzé apito hã, aibâ iwasété uptabi, dama ĩwẽ'õ. Si'apito da, da te pisutu õ nherẽ, te za tô dawi ãzé, hâimana wasété sima'uri pese sina.

Daniéu 11:21 ပူးပေါင်းရင်းမြစ်များ

Daniéu 11:20

— Taha nho'wa're're te za duré apito ihâiba amo hã danhib'ihâ'a na dama 're hâimana. Ta hã te za rob'uiprazé arĩ ubumroi'wa hã satõ, sa'ẽtẽ na te te dawi 're apo'o mono da, isimi'madâ'âzéb 're, ãma sisibro pese da. Tawamhã nimahã wahu pari, te za õ hã apito hã oto dârâ, rom na dasi'wapéi ré ãne na hã dâ'â õ nherẽ.

Daniéu 11:32

Apito hã timreme nhipese zarina te za zudeu norĩ tinhimizaze te te irẽme za'ra norĩ nhimipawaptobzém na tihâiba. Tane nherẽ, 'Re ihâimana u'âsi mono te te 're isawi pese za'ra mono norĩ hã te za siptete na apito da, 're hâimana za'ra.

Daniéu 11:34

Ta norĩ ma, da te irob'manharĩ wasété za'ra mono siwaprã, te za 'Re ihâimana u'âsi mono nhib'a'uwẽ norĩ, ni'wam norĩ nhimipawaptobzé hã tãma tihâimana za'ra. Tane nherẽ, da'ahâ uptabi na te za taré marĩ zô dasima ãma ana ni.

Daniéu 11:7

Ãne na ronomro pese õ ré, te za pi'õ sisãnawã hã oto si'apito. Tahawa, te za susi za'ra, hâiwa nhimi'e niwĩ apito te, dasi'wapéi 'manharĩ'wa norĩ hã. Te za duré ta norĩ te, 'ri isiptete u hã sisisi. Te te oto 'wapé za'ra wamhã, te za ãma ai'uté za'ra.

Daniéu 4:17

à hã ma tô hâiwa ãma romhuri'wa, sõtõ ãna 're isõpré u'âsi mono norĩ hã siwi ãma rowairébé, uburé danhipai u isiptede 'Re ihâimana u'âsi mono, daro mono bâ uburé da'rãnho'õmo nhimi'madâ'âzém nhipai u siptete na te te 're ida'a'madâ'â mono na, da te ãma waihu'u za'ra da hã. Ta hã te za da'rãnho'õmo na da'madâ'âzéb da hã, te te sima 're ida'awẽ mono zéb zarina te te dama 're apisutu, dama wapu na ni'wa 're hâimana mono nherẽ, oto dama pire da.’ ”

Daniéu 7:8

Tawamhã i'õmo norĩ te 'madâ'â ré, wa tô duré 'madâ, i'õmo hâiba amo i'up surure hã, i'õmo za'ẽtẽ norĩ wa'wa iwatobro hã. Tahawa, i'õmo za'ẽne si'ubdatõ hã ma tô õmo zani za'ra ni, i'õmo surure ma, ropese da. Taha ma, te oto a'uwẽ tõmo ne hã tãma tihâimana zahuré. Duré isadawa hã 'râwi 're isi'madâ'â zei mono zéb zarina te te ãma 're inharĩ mono da hã te tãma tihâiba.

Daniéu 8:23

à norĩ, i'rã nho'õmo na dama 're ihâimana za'ra mono zéb 'rãsutuzéb da u oto ro'rutu wamhã, duré isimi'manharĩ wasété za'ra zé hã oto we te te ãma sa'ẽtẽ pese za'ra wamhã, te za apito iwasété uptabi i'ubu nhiti'ru hã sihâi'ré, ihâimana nhipe hã.

Daniéu 8:25

Ti'rã nhipese zarina te za tô sima te te 're irowa'õtõ mono zé hã ãma sima te te 're a'uwaimrami. Te za duré 're isi'madâ'â zei mono na, we te te sina 're hâimo u'âsi. Te za duré te te 're ida'ahâiba za'réi mono zarina, da'ahâ na te te 're da'a'mapãrĩ. Uburé apito norĩ nhipai u Isiptede 'Re ihâimana u'âsi mono zada, te za duré tihâiba, ti'ai ãma apito iwasédé hã. Tane nherẽ, ti'ai ãma apito iwasédé hã te za wamnarĩ ni, a'uwẽ nhiptete nai õ na hã.

Daniéu 8:9

Tawamhã taha misi i'õmo pa na ma tô i'upsuru hã 'maipodo. Ta hã õmo si'réi mono wamhã, ma tô siptete na hã õmo si'réi mono, hâiwa nhimire nho'õmoi baba, duré bâtâ pusizém nho'õmoi baba, duré Ti'a Iwẽ uptabi nho'õmoi baba.

1 Samuéu 3:13

Wa tô tãma tinha, za i'ra norĩ te 're i'ahâri u'âsi mono na hã. E marĩ wa. I'ra norĩ hã ĩhâiba na te te 're nharĩ wasété zahuré mono wa. Tawamhã ãne za te tãma i'manharĩ zahuré zé hã, Eri hã te te waihu'u pese di. Tane nherẽ, ti'ra norĩ wi te te sawi zahuré õ di, te te 're i'manharĩ wasété zahuré mono zé hã te te isahâri da hã.