Daniéu 11:17 - ꞌRe Ihâimana Uꞌâsi Mono Zadawa Wasuꞌu

¹⁷ — Tawamhã hâiwa nhimi'e niwĩ daza'ru te apito, te za tô uburé tite dasi'wapéi 'manharĩ'wa norĩ ré hã mo. Tahawa, te za Ezitu te apito me marĩ na dasisazezé hã sima 'manharĩ zahuré. Te te ãma ai'uté da hã, te za Ezitu te apito ma, ti'ra sipi'õ hã tisõ, ãma mro da. Tane nherẽ, te te irowa'õtõzé hã te te ãma uwaimrami õ di za.

Daniéu 11:17 ပူးပေါင်းရင်းမြစ်များ

Provébiu 19:21

Dapẽ'ẽ 're, da te 're irowa'õtõ za'ra mono zé hã ahâ di. Tane nherẽ, Uburé Danhib'apito te te dama 're i'apisutu mono zéb zarina si te za tô dama 're wairébé.

Daniéu 11:19

Tawamhã apito hã te za apâ oto sina siri, ite ti'ai wa'õtõ nho'õmo 're, 'ri isiptete norĩ u hã. Tane nherẽ, isimi'madâ'âzé hã te za tiwi waptãrã. Tahawa, niwamhã oto 're sihâi'ré mono õ di za.

Daniéu 9:26

Tawamhã ã hã romhâimanazé oto isi'utõrĩ ãma, 'Re ihâimana u'âsi mono dama i'rã nho'õmo da, te te ipisudu hã te za dasiwi wĩrĩ ni, marĩ iwasédé te te 'manharĩ õ nherẽ. Taha pari te za danhib'ihâ'a hã tite dasi'wapéi 'manharĩ'wa norĩ siré 'ri nho'u hã duré 'Re ihâimana u'âsi mono nhorõwa 'ri 'rãihâ hã siwi te te prub za'ra. Tawamhã romhâimana 'rãsutuzé hã 're i'âpusi mono ne te za datẽme wi. Tahawa, te za dasi'wapé hã duré datẽme ãwisi, 'Re ihâimana u'âsi mono te te sima irowairébézéb zarina, marĩ te te i'uprosi da hã.

Mateu 12:30

— Ni'wam norĩ hã ĩwẽ'wa 're nomro mono õ wamhã, ta norĩ hã te ĩzada 're hâimana za'ra. Duré ni'wam norĩ hã 'Re ihâimana u'âsi mono u, te 're ida'anhimroi mono ne, te te 're danhimroi mono õ wamhã, ta norĩ hã te 'Re ihâimana u'âsi mono nhiti, te te 're dazatõrĩ za'ra.

Luca 11:23

Te duré tinha: — Ni'wam norĩ hã ĩwẽ'wa 're nomro mono õ wamhã, ta norĩ hã te ĩzada 're hâimana za'ra. Duré ni'wam norĩ hã te te 're ĩpawaptob za'ra mono õ wamhã, ĩtẽme te 're ida'ubumroi mono na hã ta norĩ hã ĩnhiti dazatõrĩ'wa na te za 're hâimana za'ra.

Luca 9:51

Zezusi hã hâiwa u za imorĩzé hã romhuture wa, ma tô sina roti, Zeruzalẽ u morĩ da.

Roma 8:31

'Re ihâimana u'âsi mono hã ãne hã te te wama 're apisutu mono wamhã, e niha wa za tawamhã 're wahâimana za'ra. Ta hã, wa niwĩ oto 're hâimana za'ra mono wa, e 'wa hã te za wa'ãma ai'uté. Mare di. Uburé wanhitob'ru norĩ nhiptetezé hã, tarére 'Re ihâimana u'âsi mono ma hã.