Daniéu 11:16 - ꞌRe Ihâimana Uꞌâsi Mono Zadawa Wasuꞌu

¹⁶ Ezitu u isisisi norĩ hã te za ezipsiu dasi'wapéi 'manharĩ'wa norĩ ma, sima iwẽ na niha hã marĩ tãma 'manharĩ za'ra, ni'wa hã sada hâimana za'ra ãna. Tawamhã ta norĩ hã te za Ti'a Iwẽ uptabi u asisi. Te za duré tô ãma ai'uté za'ra.

Daniéu 11:16 ပူးပေါင်းရင်းမြစ်များ

Daniéu 11:3

Taha parimhã ihâiba amo apito isi'wapé ze hã te za duré watobro. Tawamhã dama isi'i'rãnho'õmozé hã siptete uptabi wa, te za marĩ te te sima iwẽ na te te 're ab'manharĩ.

Daniéu 11:36

— Tame te za tô apito marĩ hã te te sima iwẽzéb zarina te te 're ab'manharĩ. Ta hã 're isi'madâ'â zei mono zarina, te za ihâiba'õ norĩ nhipai'u pire na 're ihâimana mono na, te te sina 're rosa'rata. Tahawa, te za duré 'Re ihâimana u'âsi mono ãma hã te te 're wasété, timreme wasété uptabi na. Ãne hã te za uburé te te 're ab'manharĩ, 'Re ihâimana u'âsi mono te te i'azârizéb u. Te te ãma sima irowairébé siromo zéb zarina, te za tô oto tãma rob'manha.

Daniéu 11:41

Ti'a Iwazéb zahi u te za duré daré ãzé. Sébré wamhã, daza'ru ahâ na te za rere. Tane nherẽ, Edõ ãma a'uwẽ norĩ, duré Moabi ãma a'uwẽ norĩ zama, Amo ãma a'uwẽ norĩ me, te za tiwi aimani za'ra.

Daniéu 11:45

Tawamhã Mediterãniu na âporé nhisi wa'wa ẽne iwẽ uptabi iwazéb zahi wa'wa me, te za sima 'ri nha, romhâ 'manharĩ na 'ri hã. Tane nherẽ, tame te za oto dârâ. Dâ'â wamhã, ni'wa hã te te pawapto waihu'u õ di za.

Daniéu 5:19

'Re ihâimana u'âsi mono, da'madâ'â nhiptetezé te te aré tãma isõmri hã sa'ẽtẽ uptabi wa, ma tô uburé daro mono bâ isõ'remhã aré tãma 're darẽrẽ'ẽ za'ra. Tawamhã te te sima wẽ wamhã, te za ni'wa hã tiwĩ. Niha wamhã duré te te sima wẽ wamhã, te za tô ãma rosazâ, hâiba ré 're sãmra mono da. Duré ni'wa isimiromhuri zarina te za tô ãma hâimo, te te sima iwẽ hã. Te za duré ni'wai ãma hã ãma ti'awi, te te sima iwẽzéb zarina.

Daniéu 8:4

Pone'ẽrebâ zéré mapure si'aibâ, te ti'õmo ré nasi ti'rã wabzu, bâtâ zasizém niwĩ, duré hâiwa nhimire niwĩ, duré hâiwa nhimi'e niwĩ. Tahawa, nimahã abaze hã sada 'maihâimana waihu'u õ di. Duré tiwi 'masimani waihu'u õ di. Ta hã te te sima iwẽzéb zarina te marĩ hã ab'manha. Tahawa, te isiptetezé hã tãma te te sina hâimo.

Daniéu 8:7

Wa tô duré 'madâ, pone'ẽrebâ zéré uzé si'aibâ sahi sina, pone'ẽrebâ zéré mapure si'aibâ te te rési wa, maparane i'u te te tiwi iwẽ'ẽ zahuré hã. Tahawa, pone'ẽrebâ zéré mapure si'aibâ nhiptetezé hã tãma hâimana õ di, si'wawi isimapazéb da hã. Tahawa, pone'ẽrebâ zéré uzé hã ma tô pone'ẽrebâ zéré mapure ti'ai u time aiwétési. Ma tô tipara na wati'i. Tawamhã ni'wa hã pone'ẽrebâ zéré mapure te te sõ'reptui waihu'u õ di, pone'ẽrebâ zéré uzé zahi wi hã.

Daniéu 8:9

Tawamhã taha misi i'õmo pa na ma tô i'upsuru hã 'maipodo. Ta hã õmo si'réi mono wamhã, ma tô siptete na hã õmo si'réi mono, hâiwa nhimire nho'õmoi baba, duré bâtâ pusizém nho'õmoi baba, duré Ti'a Iwẽ uptabi nho'õmoi baba.

Zozué 1:5

Tawamhã niwamhã da te ai'ãma i'ai'uté da hã mare di za. E marĩ wa. Wa hã za asiré 're ĩhâimana u'âsi mono wa, Mozésihi siré 're ĩhâimana mono ne. Niwamhã te airẽme õ di za.