Daniéu 10:9 - ꞌRe Ihâimana Uꞌâsi Mono Zadawa Wasuꞌu

⁹ Hâiwa ãma romhuri'wai mreme te wapari wa, ĩnhimiza'rese'õ si'utõrĩ wamhã, wa tô ti'ai u ĩdumana na waptãrã.

Daniéu 10:9 ပူးပေါင်းရင်းမြစ်များ

Zenezi 15:12

Tawamhã oto mara wamhã, ma tô Abrã hã sina tipahâ pese, aptâ ãma isimei pese zarina sõtõ pese wa. Taha nherẽ, waptu na ma tô tipahi. Ma tô ipẽ'ẽwara hã iwab ãzé.

Zenezi 2:21

Tahawa Uburé Danhib'apito 'Re ihâimana u'âsi mono, ma tô aibâ ma aptâ'â uptabi hã tãma tisõ, ãma sõtõ pese da. Tahawa sõtõ pese ré, ma tô iwaihi zati hã misi tiwi waze. Duré te te iwazerezéb ãma hã ma tô apâ inhi na ãma ato.

Daniéu 10:16

Taha ré, ma tô ni'wa a'uwẽ ne hã ĩzaihâ upi. Tahawa, wa tô sadawahaipo'o, oto ĩmreme na te sãna'rata da. Tawamhã ãne wa tô hâiwa ãma romhuri'wa ĩnho're isa ma hã tãma tinha: — Ĩnhib'apito, ã hã marĩ te i'ab'madâ'â mono zé, ma tô robzépada hã ĩma waze. Tahawa, ĩnhib'uware na wa tô oto ĩhâiba.

Daniéu 8:18

Zahadu te te ĩma nharĩ ré, ĩnhimiza'rese'õ si'utõrĩ wa, wa tô ti'ai u ĩdumana na waptãrã. Tane nherẽ, ma tô ĩwahutu, hâiwi apâ ĩpara na te te ĩnharĩ da.

Luca 22:45

Tawamhã Timama ma, mreme pari, ma tô wahudu, tisiré 're inomro mono norĩ u morĩ da apâ. Sõtõ za'ra ré, ma siza za'ra. Pẽ'ẽzé uptabi za'ra wa, te tinhotõ za'ra.

Luca 9:32

Te te sima rowasu'u za'ra ré, te Pedru norĩ hã tinhotõ za'ra. Sõtõ pese za'ra di. Oto utu za'ra wamhã, ma tô Zezusi hã 'madâ'â za'ra. Ihâiba na hã rowa'a sa'ẽtẽ di. Aibâ norĩ zama i'rata isima'wara zama ma tô 'madâ'â za'ra.

Apocalipsi 1:17

Tawamhã õ hã te 'madâ'â wamhã, wa tô ipapara aime sa'ẽtẽ, ĩdâ'â ne, ĩpahi te. Tane nherẽ, ma tinhib'rata nhimire niwĩ ĩ'upi, ĩpahi tõ da. Ãne te ãhã wamhã ĩma tinha: — Ĩma aipahi tõ. Wa hã romna'rada duré rob'rãsudu.