Daniéu 10:6 - ꞌRe Ihâimana Uꞌâsi Mono Zadawa Wasuꞌu

⁶ Ihâiba hã te nasi rowa'a za'ẽtẽ, ẽtẽ si'ubuzi waipo iwa'âbâ za'ẽtẽ ne hã. I'ubu hã duré tã si'ubuzi ne hã. Ito hã duré 'rãsitõ ro'o ne. Duré ipaihi, iza norĩ me hã te nasi rowa'a za'ẽtẽ za'ra, ẽtẽ topsada brõzi 'manharĩ ne. Duré imreme hã da'ahâ uptabi na da te dasima 're robzanhamri za'ra mono wa, da te ãma 're irobruru'u za'ra mono ne.

Daniéu 10:6 ပူးပေါင်းရင်းမြစ်များ

Mateu 17:2

Tawamhã tame si'ubumroi ré, ma tô Zezusi hã isõ'a za'ra aimawi tihâiba na hã saprĩ. Ma tô ti'uburã pese, bâtâ ro'o ne. Duré i'uza hã hâ zarob'a uptabi di, bâtâ ro te te 're irowa'a pese mono ne.

Mateu 28:3

Tã si'ubuzi ne ihâiba hã. I'uza hã duré rã uptabi di.

Luca 9:29

Zezusi hã Timama ma, mreme ré hã, aimawi oto i'ubu hã. Duré, ma tô ti'uza hâirã. Hâirã uptabi di, i'uza hã. Ma ai'ubuzi.

Apocalipsi 10:1

Tawamhã wa tô duré 'madâ, hâiwa ãma 'Re ihâimana u'âsi mono ma romhuri'wa aimawi hã isimiwada'uri pire hã. Hâiwa hawi ma we si'ra, hâiwa'a na ubu ré. Tãiwaipore te duré i'rã nhisiwimhã za. Duré i'ubu hã aiwa bâtâ ro'o ne. Duré unhama ro'o nhoto pa ne, iza hã.

Apocalipsi 19:12

Duré ito hã aiwa unhama ro'o ne. Duré i'rã na hã i'rãzaza si'ubuzi hã, ahâ uptabi di. Danhib'apito 'rãzaza si'ubuzi ne, i'rãzaza mono hã. Duré ihâiba na danhisi na rob'ui'éré hã, dama isa'rese'õ na. Õhõ ma si waihu'u pese di, ãma isimiré'ézé hã.

Apocalipsi 2:18

— Te za oto irob'ui'é, Tiatira na 'ri nho'õmo nhisi ãma ĩzazei'wa norĩ 'madâ'â'wai ma. Te aima iwaihu'uzém na te za tãma irob'ui'é, ãne: “Wa hã 'Re ihâimana u'âsi mono 'ra, wa aima roti za'ra wa'wa. Ĩto hã te unhama ro'o si'ubuzi ne 're si'ubuzi zahuré. Duré ĩpara hã te ẽtẽ topsada brõzi ne 're si'ubuzi zahuré.