Daniéu 10:16 - ꞌRe Ihâimana Uꞌâsi Mono Zadawa Wasuꞌu

¹⁶ Taha ré, ma tô ni'wa a'uwẽ ne hã ĩzaihâ upi. Tahawa, wa tô sadawahaipo'o, oto ĩmreme na te sãna'rata da. Tawamhã ãne wa tô hâiwa ãma romhuri'wa ĩnho're isa ma hã tãma tinha: — Ĩnhib'apito, ã hã marĩ te i'ab'madâ'â mono zé, ma tô robzépada hã ĩma waze. Tahawa, ĩnhib'uware na wa tô oto ĩhâiba.

Daniéu 10:16 ပူးပေါင်းရင်းမြစ်များ

Ezodu 4:10

Tawamhã Mozési, ma te 'Re ihâimana u'âsi mono ãma sada'â ãne: — Ĩnhib'apito, tane ĩma iwaihu'u wana ré, niwamhã ĩmreme waihu'u pese na hã ãma ĩhâimana õ di. Wa hã ĩmreme tobre di, duré ĩmreme zani su'u õ di. Duré ĩmreme hã te 're sani mono wamhã, ĩmreme tété hâre di.

Ezodu 4:13

Tawamhã Mozési, za imorĩ'õzé te tiwi waptẽ ãne: — Ĩnhib'apito mare di. Ãté ĩmorĩ õ di za. Tahawa ma'ãpé ĩnhipai u aimawi hã da'mazatõrĩ, ĩ'upana da'maimorĩ da.

Daniéu 12:8

Tane nherẽ, te waihu'u wẽ õ di wa hã, te wapari nherẽ. Tahawa, wa tô duré ãma sadanha, ãne: — Ma'ãpé ĩzawi na hã ãma ĩma rowasu'u na. E niha te za uburé ãne na hã we tiromhâimana 'rãsutu.

Daniéu 4:19

Tawamhã Daniéu, Béutésaza na isisi amo ãne hã te te wapari wa, ma tô tãma a'rã. Tahawa, te a'â rosa'rata ma za, ari'iwi. Tawamhã te apito tãma tinha ãne: — Béutésaza, aihâtâ'â tõ, rosawẽrẽ na hã duré za marĩ te te iwasu'uzém na hã. Tane nherẽ, ma tô Daniéu ãne ãma tãma wa'rã: — Apito, asimirosawẽrẽzé iwasu'u hã aré tô iwẽ ĩma hã, aihâiba upana asitob'ru norĩ hâiba u ihâimana da hã. Tane nherẽ, ta norĩ hâiba hã te te wasu'u õ di.

Daniéu 7:15

Wa hã Daniéu ĩnhotõ 'rowim ne, marĩ te i'ab'madâ'â mono zé hã te te ĩpẽ'ẽwara pese wa, wa tô hâtârâ.

Daniéu 7:28

Ãme ma oto ti'rãsutu, ĩnhotõ 'rowim ne, te marĩ i'a'madâ'â mono zé hã. Tane nherẽ, wa hã Daniéu wa tô duré tãma ĩpẽ'ẽwara pese, te ãma irosa'ratazéb zarina. Tahawa, wa tô duré ĩ'ubu'a pese. Tane nherẽ, wa 'râwi ĩsima si tété.

Daniéu 8:15

Wa hã Daniéu, ĩnhotõ 'rowim ne na marĩ te i'a'madâ'â mono zé te waihu'u da, rosa'rata na ĩsi'wapéi ré, ma tô ĩnho'remhã aibâ ne hã sihâi'ré.

Daniéu 8:17

Tawamhã Gabriéu 'râwi te te ĩtẽme sina rotété wamhã oto, wa tô ĩpahi pese. Tahawa, wa tô ĩhi'rãtitõ tãma aime. Wa tô duré ti'ai u ĩ'ubu na ropto. Tahawa, te ãne ĩma tinha: — A hã, aibâ i'atâ'â pesere, marĩ i'madâ'âzé iwaihu'u da hã tô i'ru zahi. E marĩ wa. Rob'rãsutuzé, ta hã te te sina wasu'u wa.

Daniéu 8:18

Zahadu te te ĩma nharĩ ré, ĩnhimiza'rese'õ si'utõrĩ wa, wa tô ti'ai u ĩdumana na waptãrã. Tane nherẽ, ma tô ĩwahutu, hâiwi apâ ĩpara na te te ĩnharĩ da.

Daniéu 8:27

Wa hã Daniéu, bâtâ siwaptom na wa tô ĩhâiba zei õ na duré ĩhâzé na we ĩhâimana. Taha pari oto apâ we ĩwẽ na ĩhâimana mono wamhã, wa tô apâ dama ĩ'rã nho'õmo nhimiromhuri na hã te romhuri. Tane nherẽ, marĩ te i'ab'madâ'â mono zém na si ĩhâtâ'â u'âsi di, te isadaihu'u da hã ĩma pire wa.

Daniéu 9:21

Zahadu te rowaptẽrẽ ré, tô õ hã hâiwa ãma romhuri'wa Gabriéu, ĩnhotõ 'rowim ne ĩtõmo na te i'madâ hã, ma tô hâiwa hawi sa'ẽtẽ we wara. Ma tô ĩ'rata mazazâ 'râwi, si'ubdatõ ãma bâtâ za'ratazéb ãma, marĩ zata na 're idanhoprub za'ra mono zé bâtâ ãma hâiwahâ.

Luca 1:64

Tawamhã ti'ra nhisi na te te rob'ui'éré pari, ma oto mreme watobro apâ, Zacaria hã. Tawamhã 'Re ihâimana u'âsi mono ãma te tiwata, sõpru wa.

Luca 21:15

Wa hã wa za te 're aipawaptob za'ra wa'wa, danhib'apito norĩ ma, 're asiwasu'u za'ra wa'aba mono zéb da hã. Ãne wa, aimreme wẽ na te za aiwẽ'õ'wa norĩ hã 're isõwada za'ra wa'aba mo.

Zuwã 20:28

Tawamhã Tome te asa tãma tinha, ãne: — A hã, Ĩnhib'apito uptabi. A hã, 'Re ihâimana u'âsi mono. Ai'ãma si, wa za 're ĩwata u'âsi.

Zozué 5:14

Tawamhã ma te ãne ãma tãma wa'rã: Mare di. Ta hãi õ di wa hã, duré nima niwĩ ĩhâimana õ, wa hã. Uburé Danhib'apito, 'Re ihâimana u'âsi mono te, dasi'wapéi 'manharĩ'wa norĩ 'madâ'â'wa wa hã, wa ãmemhã ĩhâiba. Tawamhã Zozué hi'rãtitõ ma tô tãma nhamra. Ti'ai u ti'ubu na ma tô duré ropto, ãma wata da. Tawamhã te ãne tãma tinha: — Ĩnhib'apito, asimiroti 'remhã wa ĩhâimana. E marĩ, wa za asima iwẽzé hã 'manha.

Apocalipsi 1:13

Tawamhã rob'uiwẽzé wa'wa, te ni'wa hã za, aibâ ne hã. I'uza hâpa, ipara u te tiwi hâihaipra. Duré sõ'utu wasisi ré, te za. Isõ'utu wasisizé hã, oru 'manharĩ na.

Zuize 13:8

Tawamhã Uburé Danhib'apito ma, Manoa mreme wamhã, ma tô ãne tãma tinha: — Ĩte 'Re ihâimana u'âsi mono, aibâ ai'ãma 're ihâimana mono hã we isatõrĩ hã wa ãma aiwi waptẽ, we apâ watẽme satõrĩ da, te te ãma wama rowasu'u da, 'watébrémi poto wa, za marĩ wa te ãma i'manharĩzém na hã.

Zuize 6:13

Tawamhã Gidiã ma te ãma sada'â ãne: — Uburé Danhib'apito, wanhib'a'uwẽ norĩ siré sena na 're hâimana mono zahã, ma te bété ãne na hã wama tiromhâimana za'ra. E mahãta tawamhã, Ezitu hawi we te te awazere wa, Uburé Danhib'apito nhimi'manharĩ wẽ zé, wahi'rata norĩ te te wama 're iwasu'u za'ra mono hã. Õ hã ma tô warẽme za'ra. Ma tô duré midiãnita norĩ ma hã wahâiba nhomri za'ra.

Zuize 6:15

Tawamhã Gidiã ma te ãne duré ãma sada'â: — Ĩnhib'apito, e niha wa za Izaraéu nhihudu norĩ hã anho'reptu. Ĩsiré norĩ hã, Manaséhé nhihudu norĩ 'remhã danhipai u dama simarĩ za'ra õ di. Duré wa hã ĩsiré norĩ zahâpâ, wa ĩwapure na tãma za'ra 're ĩhâimana.