Daniéu 10:14 - ꞌRe Ihâimana Uꞌâsi Mono Zadawa Wasuꞌu

¹⁴ Wa hã awa'awi na wa we atẽme mo, asib'a'uwẽ norĩ ma, za iromhâimanazém na te ãma aima saprĩ da. E marĩ wa. Ã hã i'ab'madâ'â mono hã apto'oré za marĩ iwatobrozém na te rowasu'u.

Daniéu 10:14 ပူးပေါင်းရင်းမြစ်များ

Zenezi 49:1

Tawamhã Zaco ma tô ti'ra norĩ zô sima sô tihârâ za'ra. Tahawa, ma tô ãne tãma nharĩ za'ra: — Ma'ãpé asiwi ĩ'uirĩ wa'aba, apto'oré aihâiba mono bâ wa'aba za marĩ aima ihâimana za'ra wa'aba zém na te aima nharĩ za'ra wa'aba da.

Daniéu 10:1

Si'ubdatõ Ciruhu ãma iwahubzém na, Persia te apito na 're ihâimana mono zém na, wa hã Daniéu, Béutésaza na zama ĩnhisi ma, ma tô 'Re ihâimana u'âsi mono, timreme hã ĩma hâi'ré. Imreme sena na 're hâimana mono nherẽ, pire uptabi di, te isadaihu'u da hã. Tawamhã imreme na ãma isaprĩzé hã tô ĩnhotõ 'rowim ne marĩ te i'a'madâ'âzém na si wa tô awaihu'u.

Daniéu 12:4

Daniéu, ma'ãpé a hã romreme na rob'ui'éré ré hã marĩ uptobzém na tob'rata to na, sitom haré a'â nomro da, rob'rãsutu u. Da'ahâ uptabi na te za 're dasiwa'rãmi rowaihu'u wẽ zô, da te dasima sa'ẽtẽ za'ra da.

Daniéu 12:9

Ma tõ ãma ĩzada'â ãne: — Daniéu, aihâtâ'â ãna aimorĩ oto. E marĩ wa. Ã hã ĩmreme hã tom haré pi'uriwi a'â hâimana wa za, rob'rãsutu u.

Daniéu 2:28

Tane nherẽ, te hâiwa ãma 'Re ihâimana u'âsi mono hã 're sãmra, uburé marĩ dama iwaihu'u'õ hâi'ré'wa hã. Õ hã irosawẽrẽzém na ma tô aima waihu'u siro, za marĩ iwatobrozéb da hã. Tahawa, apito awa'awi na wa za asimirosawẽrẽ hã asõtõ 'rowi marĩ i'madâ'âzé hã aima ãma saprĩ za'ra.

Daniéu 8:16

A'uwẽ mreme na panho'u Ulai na isisi hawi we ni'wa te te i'mahârâ, wa tô wapa, ãne: — Gabriéu, ma'ãpé ã hã aibâ ma, marĩ te te i'ab'madâ'â mono zém na hã ãma tãma saprĩ na.

Daniéu 8:26

Tawamhã Gabriéu hã timreme, ma oto 'rãsutu: — Ma tô iwapari pa, rosawẽrẽ na hâiwahâ sidâpâsi duré mararé sidâpâsi marĩ zata na 're idanhoprub za'ra mono zém na, sena na ãma isaprĩzé hã. Tane nherẽ, marĩ i'a'madâ'â mono zém na ãma isaprĩzé hã ni'wai ma, wasu'u õ di za. E marĩ wa. Ã norĩ na za a'â we iromhâimana mono zé hã watobro su'u õ na dâ'âsina.

Daniéu 9:22

Ãne te ĩma tinha: — Daniéu, asõtõ 'rowim ne marĩ i'a'madâ'âzém na te ãma aima saprĩ da, wa we atẽme mo.

2 Timotiu 3:1

Wa za oto marĩ na aima rowasu'u, ãma 're rosa'rata u'âsi mono da hã. Nimahã na rob'rãsutu u hã oto ro'rutu wamhã, dama mono hã ropire di za.

Hebreu 2:3

Ãne wa, te te 're iwa'anho'reptui mono zéb zô, iwẽ uptabi zô, wa te sô 're rob'ruiwapari za'ra mono õ nherẽ, e isimihâzé wi, wa za wasi'uihâ na tiwi 're wasisõ'reptu za'ra. Mare di. 'Re ihâimana u'âsi mono te te 're iwa'anho'reptui mono zé wasu'u na ma tô Wanhib'apito hã dama rowasu'u 'rata, si'uihâ na. Imreme wapari'wa norĩ hã ma tô duré ãne na wama ãma rowasu'u za'ra, tô sena danho'reptuzém na wa te ãma 're isaze za'ra mono zéb da hã.