Daniéu 1:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã 'Re ihâimana u'âsi mono, ma tô Apenasi hã simirosa'rata pi'ra, Daniéu ma, iwẽ na si te te tãma 're 'manharĩ mono da, duré ãma 're siwãrĩ u'âsi mono da.

Daniéu 1:9 ပူးပေါင်းရင်းမြစ်များ

Zenezi 32:28

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Zenezi 39:21

Tane nherẽ, tame 'Re ihâimana u'âsi mono, isiré 're hâimana mono wa, ma tô iwẽ hã te te tãma 're apisutu. Taha zarina, ma tô oto dazazé 'madâ'â'wa Zuzé hã wẽsã.

Neemia 1:11

Tahawa, ma'ãpé ĩmreme na te ãma aiwi 're irowaptẽrẽ mono zé hã wapari ãhã na hã. Duré aima romhuri'wa hâiba amo norĩ ai'ãma 're iwata ze za'ra mono nhimirowaptẽrẽ zama te za iwapa. Ma'ãpé duré ĩma 'manharĩ, iwẽ na si ĩma romhâimana da, apito hã iwẽ na te te ĩma rowairébé da. Tô taha wamhã, wa tô uwa 'rãi wa'u isé za'wari'wa na aré 're ĩhâimana, apito ma hã.

Neemia 2:4

Tawamhã te apito ĩzadanha ãne: — E marĩ te asima iwẽ. Tawamhã wa tô mre 'Re ihâimana u'âsi mono, hâiwa ãma 're isãmra mono ma hã.

Salmu 4:3

Ma'ãpé ãma 're aipo're pu'u u'âsi za'ra wa'aba mono, Uburé Danhib'apito, 'râwi te te sina 're i'umnhasi za'ra mono hã aimawi na te te 're i'madâ'â wẽ za'ra mono na. Wa hã, Uburé Danhib'apito wi, te 're rowaptẽrẽ mono wamhã, te tô te te 're ĩwapari, tãma 're ĩmreme mono zém na hã.

Provébiu 16:7

Uburé Danhib'apito hã, ni'wa ihâimanazém na te te wẽsãmri wamhã, te za isitob'ru norĩ ime rowẽ na 're hâimana za'ra mono da hã te te ãma tiwi 're azaprĩ, ihâimanazém na hã.

Daniéu 1:10

Tane nherẽ, Apenasi hã tinhib'apito ma, pahi wa, te Daniéu ma tinha ãne: — Ĩnhib'ihâ'a si niha na 're i'asaihuri aba mono zéb da hã, duré 're isimihâri za'ra wa'aba mono zéb da hã ma tô aima pisutu za'ra wa'wa. Ãne nherẽ, aihâiba nhiptete prã na asiré ipréduptém norĩ zahâpâ te te aihâiba waihu'u za'ra wa'aba wamhã, ãté te za dama ĩ'ru, da te dasiwi ĩwĩrĩ da hã, ãne u'âbâmhã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:10

Tahawa, te te irobzépata mono zéb sidâpâsi ma tô nasi pawapto, tiwi robzei'õ tõ da. Tawamhã apito Fara'oho nho're nasi hâimana wamhã, 'Re ihâimana u'âsi mono ma tô tiwaihu'u pe hã tãma tisõ, ihâimana wẽ zéb da hã. Tahawa, apito Fara'o hã ma tô wẽsã, Zuzé hã. Taha zarina ma tô tãma pisutu, Ezitu ãma roti'wa da oto, isadawa para. Isibro hã duré isõrõwa zama te te tãma 're 'madâ'â mono da zama, ma tô duré pisutu.