Daniéu 1:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã Daniéu, apito sazém na za 're isai mono na, duré uwa 'rãi wa'u isé na tisa te te 're isimihâri mono zém na, ãma 're sihâiba wamnarĩ mono tõ da, ma tô 'râwi sima waihu'u. Tahawa ma tô Apenasihi wi rowaptẽ, te te tãma rowairébé da, apito sa te te upi tõ da, duré ite rob'rãi wa'u zama te te upi tõ da.

Daniéu 1:8 ပူးပေါင်းရင်းမြစ်များ

Salmu 119:106

Te iropisutuzé hã wa za aima suwa, asimiroti i'uwaibaba na ãma asimirowaihu'uzé hã te 're i'madâ'â pese mono na.

Salmu 119:115

Marĩ iwasété si 're i'manharĩ u'âsi za'ra wa'aba mono norĩ, mo oto ai'aba'réi wa'aba, ĩnhiti. Wa hã wa tô ĩsima wẽ upta, ĩte 'Re ihâimana u'âsi mono nhimiroti si te 're 'madâ'â pese mono da hã.

Provébiu 23:3

Dasa iwẽ te te aima a'âri wamhã, waptu na sa'ẽtẽ hã 'rẽne tõ, marĩ pese di, niha na ãma aima simiza're pese õ'umnhasite.

Daniéu 1:5

Tawamhã Babilonia ãma apito, ma tô duré ti'ru, tô õ norĩ Izaraéu nhihudu ipréduptém norĩ ma, awẽ sidâpâsi apito ãma 're isai mono zé hã te te tãma 're a za'ra mono da, duré awẽ sidâpâsi uwa 'rãi wa'u isé na tisa te te ãma 're isimihâri mono zé hã te te tãma 're sa'wari za'ra mono da. Tawamhã si'ubdatõ wahu parimhã, te za ipréduptém norĩ hã ãma sãna'rata za'ra, apito nhimiromhurizé 'ri 'rãihâ 're, tinhimiromhuri za'ra na hã.

Daniéu 5:4

Ma tô ẽtẽ waipo pré oru 'manharĩ na, ẽtẽ waipo prã prata 'manharĩ na, ẽtẽ topsada brõzi 'manharĩ na, isi'uwazi tede ferru 'manharĩ na, wede 'manharĩ na, duré ẽtẽ 'manharĩ na ropodo ihâiba'õ norĩ ãma hã tiwata za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:23

Tamomo wisi wamhã, ma tô waihu'u, 'Re ihâimana u'âsi mono hã iwẽ na dama 're isõpru mono zém na hã tame. Tahawa, toi uptabi di, Banabé hã. Tawamhã ma tô dama roti, ãne: — Aihĩni, aipẽ'ẽ na sada 're asimi'ẽ za'ra wa'aba mono, Wanhib'apito niwĩp si 're aihâimana u'âsi za'ra wa'aba mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:20

Ãne si wa za 'manharĩ za'ra ni. Wa za tãma rob'ui'éré za'ra ni, marĩ iwasété uptabi si, wa te tiwi sawi za'ra da, romhâiba 'manharĩ ãma 're idawata za'ra mono zéb da, abaze da te 're simroi mono wamhã, taha nhi hã te te 're huri tõ mono da, duré siwa'ru tihâimanazé iwasédé hã te te 're 'manharĩ za'ra mono tõ da, pi'õ na aibâ na zama, duré danhimizama hã da te 're isõ'reti za'ra mono nhi hã waprui ré te te 're huri tõ mono da, duré danhimizama wapru hã te te duré 're âhuri tõ mono da. Ãne si wa za dawi sawi za'ra ni.

1 Corĩtu 7:37

Duré aibâ hã ãté si'uihâ na te za sima pisutu, mro ãna a'â 're hâimana mono da. Ãne wamhã, ãté te za pi'õi wi, tihâiba na sina 're siptete u'âsi. Ãhã wamhã, te te sima iwẽzéb zarina, mro ãna a'â 're hâimana mono wamhã, wẽ di za tô. Ãne hã iwasété õ di.

2 Corĩtu 9:7

'Râwi aipẽ'ẽ 're, asima iwaihu'u za'ra wa'aba zéb zarina si, te za aihâiba mono bâ dama asõprub za'ra wa'wa, ãté sa'ẽtẽ na, ãté suru na. Robzei'õ nherẽ, dama asõprub za'ra wa'aba õ di za. Duré taré da te aima i'ru za'ra wa'aba zéb zarina, dama asõprub za'ra wa'aba õ di za. Mare di. Asi'uihâ na si te za asima iwẽ za'ra wa'aba zéb zarina, dama asõprub za'ra wa'wa, ato sina. Ãne si iwẽ uptabi hã, 'Re ihâimana u'âsi mono ma hã, dato sina dasima 're idanhoprub za'ra mono zé hã.