Daniéu 1:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã Izaraéu nhihudu norĩ iprédupté da te ipisutu za'ra norĩ 'remhã ma tô dame tihâimana za'ra, Daniéu, Anania, Mizaéu, duré Azaria, uburé Zudaha hawip si a'uwẽ hã.

Daniéu 1:6 ပူးပေါင်းရင်းမြစ်များ

Daniéu 1:19

Tame apito ma tô oto tãma robzanhamri za'ra. Tahawa, ma tô awaihu'u, uburé ipréduptém norĩ 'remhã ni'wa ihâimana õ na hã, Daniéu norĩ ne hã, Anania, Mizaéu, duré Azaria. Tahawa, ma tô ta norĩ si apito nhimiromhurizé 'ri 'rãihâ 're te te oto 're romhuri za'ra.

Daniéu 2:17

Taha pari Daniéu, ma tô 'ri u hã apâ mo. Morĩ wamhã, ma tô tisiwaihu'u norĩ ma, Anania, Mizaéu, Azaria norĩ ma hã uburé tãma rowasu'u za'ra.

Daniéu 2:25

Tawamhã Arioqui, ma tô Daniéu waptu na apito hâimanazéb u hã saprõ. Tawamhã te ãne tãma tinha: — Ãhãta zudeu wa tô 'manhopẽtẽ, wa te ãma ai'uté za'ra wa, irob za'ra hawi we wa te isimroi mono 'remhã. Ã hã te za irosawẽrẽzé hã ãma aima saprĩ.

Daniéu 5:13

Tawamhã Daniéu, ma tô apito hâimanazéb u dasiwi saprõni ni. Tahawa, ma tô ãne sadanha: — E a hã Daniéu, zudeu norĩ siré hã, ĩmama apito Nabucodonozo, Zuda hawi, da te ai'ãma ai'uté za'ra wa'aba wa, we te te i'asaprõni dasiré.

Daniéu 6:14

Tawamhã ãne hã apito te te wapari wamhã, ma tô tiwi tirobzei'õ pese. Tiwi robzei'õ pese wa, ma tô aré sima rosa'rata, Daniéu te te sõ'reptu da. Tô taha bâtâ na, bâdâ isébrézéb u, ma tô niha hã nasi sima pibu, te te sõ'reptu da hã.

Mateu 24:15

Tawamhã Zezusi hã ma duré ãne na tãma rowaihu'u siromo za'ra: — Zahadu wapsi, te za asiwi i'madâ'â za'ra wa'wa, marĩ iwasété uptabi hã. 'Re ihâimana u'âsi mono nhorõwa ãma te za tihâiba, te te siwi iwẽ'õ pe hã. Taha ãma ma tô Daniéu hã rob'ui'éré siro duréihã, 'Re ihâimana u'âsi mono zadawa 'mahârâ 'rata 'wa hã. (Ãhã wasu'u na rob'ui'éré hã 're sõré za'ra wa'aba mono wamhã, ma'ãpé ãma 're rosa'rata pese za'ra wa'aba mono za, waihu'u za'ra wa'aba da.) Tawamhã ãne hã za oto daré romhâimana wamhã, rowasété si te za a'â daré 're sa'wari. Tahawa, Zudéa ãma 're isi'ubumroi mono norĩ hã, wara sina te za 're sisa're, ẽtẽ 'rãihâ u tiwi simani za'ra da, duré tiwi sisõ'reptu za'ra da.

Marcu 13:14

Tawamhã ma duré tãma waihu'u za'ra: — Nimahã na te za asiwi i'madâ'â za'ra wa'wa, 'Re ihâimana u'âsi mono te te siwi iwẽ'õ pe hã, te te dawi irosawizéb ãma isa hã. (Ãhã wasu'u na rob'ui'éré hã 're sõré za'ra wa'aba mono wamhã, ma'ãpé ãma 're rosa'rata pese za'ra wa'aba mono za, waihu'u za'ra wa'aba da.) Tawamhã ãne hã za oto daré romhâimana wamhã, rowasété si te za a'â daré 're sa'wari. Tahawa, Zudéa ãma 're isi'ubumroi mono norĩ hã, wara sina te za sisa're, ẽtẽ 'rãihâ u ta norĩ hã tiwi simani za'ra da, duré sisõ'reptu za'ra da.