Daniéu 1:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Babilonia ãma apito, ma tô duré ti'ru, tô õ norĩ Izaraéu nhihudu ipréduptém norĩ ma, awẽ sidâpâsi apito ãma 're isai mono zé hã te te tãma 're a za'ra mono da, duré awẽ sidâpâsi uwa 'rãi wa'u isé na tisa te te ãma 're isimihâri mono zé hã te te tãma 're sa'wari za'ra mono da. Tawamhã si'ubdatõ wahu parimhã, te za ipréduptém norĩ hã ãma sãna'rata za'ra, apito nhimiromhurizé 'ri 'rãihâ 're, tinhimiromhuri za'ra na hã.

Daniéu 1:5 ပူးပေါင်းရင်းမြစ်များ

Provébiu 23:3

Dasa iwẽ te te aima a'âri wamhã, waptu na sa'ẽtẽ hã 'rẽne tõ, marĩ pese di, niha na ãma aima simiza're pese õ'umnhasite.

Daniéu 1:19

Tame apito ma tô oto tãma robzanhamri za'ra. Tahawa, ma tô awaihu'u, uburé ipréduptém norĩ 'remhã ni'wa ihâimana õ na hã, Daniéu norĩ ne hã, Anania, Mizaéu, duré Azaria. Tahawa, ma tô ta norĩ si apito nhimiromhurizé 'ri 'rãihâ 're te te oto 're romhuri za'ra.

Daniéu 1:8

Tawamhã Daniéu, apito sazém na za 're isai mono na, duré uwa 'rãi wa'u isé na tisa te te 're isimihâri mono zém na, ãma 're sihâiba wamnarĩ mono tõ da, ma tô 'râwi sima waihu'u. Tahawa ma tô Apenasihi wi rowaptẽ, te te tãma rowairébé da, apito sa te te upi tõ da, duré ite rob'rãi wa'u zama te te upi tõ da.

Mateu 6:11

à bâtâ na, wei wama 're anhomri mono, wasa hã ãma 're iwasaihuri mono zéb da hã.

Luca 1:19

Tawamhã te duré asa tãma tinha, ãne: — Wa hã Gabriéu, 'Re ihâimana u'âsi mono ma romhuri'wa. Ta hã ma tô we ĩzatõ, rowasu'uwẽ hã te aima wasu'u da.

Luca 11:3

Awẽ sidâpâsi, wei wama 're anhomri mono, wasa hã ãma 're iwasaihuri mono zéb da hã.

Luca 21:36

Tahawa, te za asimiza'rese sina 're aihâimana u'âsi za'ra wa'aba mo. Te za duré asima 're irowaptẽrẽ u'âsi za'ra wa'aba mo. E marĩ da. Marĩ hã 're wairébé mono wamhã, asiptete na 're aihâimana za'ra wa'aba mono da, apâ we ĩmorĩ wa, ĩnho're asisép te, ai'rãipo tõ za'ra wa'aba da, ti'ai ãma dasiré ĩpoto nho're.

1 Samuéu 16:22

Tahawa, ma tô imama Zéséhé ma romreme tãma tisõ ãne: — Ĩma hã wẽ uptabi di, ai'ra Dawi hã. Tahawa, e we tãma waprosi õ di za, ãme 're hâimana mono da, ĩnhimiromhurizéb ãma.