Daniéu 1:4 - ꞌRe Ihâimana Uꞌâsi Mono Zadawa Wasuꞌu

⁴ uburé 'madâ'â ze na hâiba wẽ na 're ihâimana za'ra mono, ihâiba siwamnarĩ'õ hã, i'rãiwaihu'u pe hã, isimirowaihu'u pese norĩ hã, za apito nhimiromhurizé 'ri 'rãihâ 're, romhuri waihu'u pese 'wa norĩ da hã, duré za Babilonia norĩ mreme te te iwaihu'u za'ra da hã, duré ta norĩ mreme na rob'ui'éré na te te 're iromnhoré za'ra mono da hã.

Daniéu 1:4 ပူးပေါင်းရင်းမြစ်များ

Provébiu 22:29

E aima waihu'u pese di, ni'wa sipese na te te 're iromhuri wẽ mono na hã. Ta hã tô danhipai u simiromhuri wẽ uptabi di. Tahawa tô ibâre te aré apito norĩ siré si 're hâimana.

Daniéu 2:10

Tawamhã rowaihu'u pese 'wa norĩ, ma tô apito hã ãma sada'âbâ za'ra ãne: — Ni'wai õ di ti'ai ãma hã, asimirowaptẽrẽ zarina te te aima i'manharĩ da hã. Duré apito hã niwamhã i'maihâimana õ, siptete uptabi nherẽ, ãne hã te te iwaptẽrẽ hã, rowaihu'u pese 'wa norĩ wi hã, marĩ na i'uwaimrami'wa norĩ wi hã, duré wasi na romnhoré'wa norĩ wi hã.

Daniéu 2:2

Tahawa, i'rãiwaihu'u pese norĩ zô, marĩ 'manharĩ nhipese 'wa norĩ zô, simi'â ré norĩ zô, duré wasi na romnhoré'wa norĩ zô hã ma tô sô tihârâ za'ra, te te irosawẽrẽzém na te te ãma tãma saprĩ za'ra da. Tawamhã ta norĩ hã apito u sihutu wamhã, isõ're oto simasa wa,

Daniéu 3:8

Tawamhã taha siwaprã ma tô ni'wam norĩ wasi na romnhoré'wa hã apito u sina rotété za'ra, zudeu norĩ ãma iwasété na te te wati'i za'ra da.

Daniéu 4:7

Tahawa rowaihu'u pese 'wa norĩ hã, marĩ 'manharĩ nhipese 'wa norĩ hã, wasi na romnhoré'wa norĩ hã, duré simi'â na romhuri'wa norĩ hã ma tô we ĩtẽme ai'aba'ré. Tahawa, wa tô tãma wasu'u za'ra aré, te irosawẽrẽzé hã. Tane nherẽ, te te ĩma ãma saprĩ waihu'u za'ra õ di.

Daniéu 5:11

E tihai wa. Ãme asimi'madâ'âzéb ãma te ihâiba'õ norĩ pẽ'ẽzani ré aibâ hã tihâiba. Aimama Nabucodonozo, apito na 're hâimana mono ré hã, ma tô aibâ hã da te 're waihu'u za'ra, i'rã nhimiza'rese wẽ na hã, duré rowaihu'u pese 'wa na hã, ihâiba'õ norĩ ne. Tawamhã ta hã ma tô apito Nabucodonozo pisutu, rowaihu'u pese 'wa norĩ nhib'ihâ'a na, tiha 'manharĩ nhipese 'wa norĩ nhib'ihâ'a na, simi'â na romhuri'wa norĩ nhib'ihâ'a na, duré wasi na romnhoré'wa norĩ nhib'ihâ'a na tãma 're hâimana za'ra mono da hã.

Daniéu 5:7

Tawamhã sa'ẽtẽ mreme 'rãihâ na ma tô marĩ 'manharĩ nhipese 'wa norĩ zô, rowaihu'u pese 'wa norĩ zô, duré wasi na romnhoré'wa norĩ zô dahãsi da hã dama ti'ru. Tawamhã ta norĩ sihutu wi, ma tô Béusaza hã tãma nharĩ za'ra ãne: — Ã hã 'ri na'rata na rob'ui'éré, ni'wa hã te te sõré waihu'u wamhã, duré marĩ te te iwasu'uzém na te te ãma ĩma saprĩ waihu'u wamhã, da'uza ihâ prépe iwa'âbâ za'ẽtẽ na te za ãma uza ni. Oru 'manharĩ na danho'rebzum na zama te za duré ãma sõ'rebzu ni za. Tahawa, wa za duré tãma pisutu, si'ubdatõ ãma dama ipire na ĩzahâpâmhã 're hâimana mono da, ĩnhimi'madâ'âzéb 'remhã.

Daniéu 9:1

Dariu hã, Zersihi 'ra, Média na ti'ai wa'õtõ nho'õmo nhisi hawi a'uwẽ, Babilonia na daza'ru nhisi ãma, te apito na dama 're hâimana.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:20

Taha ré, ma tô Mozési hã podo, ai'utépré iwẽ uptabi hã. A'amo si'ubdatõ ma tô ãma ai'utõ, imama norĩ te te i'madâ'â zahuré zém na hã, 'ri para.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:22

Tahawa, ezipsiu norĩ nhimirowaihu hã ma tô uburé dawi waihu'u, Mozési hã. Oto prédu wamhã, te te waihu'u pese wa, uburé te te rob'manharĩ wẽ di. Isimiroti hã wẽ wa, dama mreme pire di.

Éfézu 5:27

Ãne ma tô sina uwaimra dama, zazahâ ihâi uptob õ ne, duré ihâ'rã'ru'õ ne zama, hâimana wẽ uptabi na 're hâimana za'ra mono da, isib'a'uwẽ norĩ hã.

Zuize 8:18

Tawamhã Gidiã, ma tô Zeba norĩ, Salmunahã me sadanharĩ zahuré ãne: — E 'wa sine hã ma tô Tabo ãma aibâ norĩ asiwi i'uprosi 'wa. — Asine hã ta norĩ hã. Duré danhib'apito 'ra sine hã, uburé ta norĩ hã. — Ãne ma te asa ãma tãma wa'rãmi zahuré: