Daniéu 1:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã apito, uburé marĩ mono na te te ta norĩ 're sadanharĩ za'ra mono wamhã, uburé Babilonia ãma i'rãiwaihu'u pese norĩ nhipai u, duré marĩ 'manharĩ nhipese 'wa norĩ nhipai u, te te irowaihu'u pese za'ra na hã ma tô oto upsibi me za'ra.

Daniéu 1:20 ပူးပေါင်းရင်းမြစ်များ

Zenezi 31:7

Tane nherẽ, ma tô ĩma sadawa hapese. 10 na ãma isahu na ĩpawa'âbâ na ma to ĩwĩ ãma ti'awi. Tane nherẽ, 'Re ihâimana u'âsi mono, marĩ hã te te ĩ'ãma i'manharĩ wasété da hã te te tãma ĩhâiba nhomri õ di.

Zenezi 41:8

Tawamhã awẽm na mararé te te isahoi mono zém na hã hâtâ'â di, duré tãma robzei õ di. Tahawa Ezitu ãma romhõsi'wa norĩ zô, duré rowaihu'u pese norĩ zô te uburé sô tihârâ za'ra. Tawamhã apito te tinhimirosawẽrẽ hã tãma wasu'u za'ra. Tane nherẽ, ni'wa te te ãma tãma saprĩ waihu'u õ di.

Neemia 4:12

Tawamhã zudeu norĩ hã, wanhitob'ru norĩ wa'wa 're ihâimana za'ra mono hã ma tô nasi we ai'aba'réi haré, za wazada ihâimana za'ra zém na rosa'rada te te sima i'manharĩ za'ra na te te wapo're pu'u za'ra da hã.

Salmu 119:99

Wa tô te 're waihu'u wẽ pese, ĩma romnhoré'wa norĩ nhipai u, asimiroti na te ĩsima ãma 're rosa'rata zei u'âsi mono wa, ĩma iwẽ zarina.

Ezodu 7:22

Tawamhã Ezitu ãma marĩ 'manharĩ waihu'u nhipese'wa norĩ hã ma tô õne hã duré siwi 'manha. Tahawa apito Fara'o pẽ'ẽ tete na hã ma tô duré a'â tihâiba. Uburé Danhib'apito te te inharĩzéb zarina, Mozési norĩ Arãhã me, te te tiwi irowaptẽrẽ zahuré zé hã te te wapari õ di.

Ezodu 8:19

Tawamhã marĩ 'manharĩ waihu'u nhipese'wa norĩ, te apito ma nharĩ za'ra ãne: — 'Re ihâimana u'âsi mono nhib'rata hawim na ma tô ãne hã tiromhâiba. Tane nherẽ, apito Fara'o tipẽ'ẽ tete na tihâimana na hã ma tô ãma uzusi, 'Re ihâimana u'âsi mono te te iwaihu'u siromo zéb zarina. Tahawa Mozési norĩ Arãhã me te te tiwi irowaptẽrẽ zahuré zém na hã te te wapari zahuré õ di.

Ezodu 8:7

Tane nherẽ, marĩ 'manharĩ waihu'u nhipese'wa norĩ, tô õne tinhimiromhõ hã ma tô siwi 'manha, Ezitu ti'ai u uti zarãpré iwairébé da hã.

Daniéu 1:17

Tawamhã 'Re ihâimana u'âsi mono, ma tô rob'ui'éré zadaihu'uzé hã tãma sõmri za'ra, maparane si'uiwa na iprédupté ihâiba za'ra ma hã. Babilonia norĩ nhimirowaihu'uzéb zama ma tô duré tãma sõmri za'ra. Tane nherẽ, Daniéu ma si, ma duré aimawi tãma tisõ, da te 're irosawẽrẽ za'ra mono zém na duré danhotõ 'rowim ne, marĩ, da te 're i'madâ'â za'ra mono zé hã te te ãma dama 're azaprĩ mono da.

Daniéu 2:13

Tawamhã ãne na apito te te irowairébézém na roti hã ma tô da te ãma ropé. Tahawa, te Daniéu norĩ zô isiré norĩ me sô tarĩtĩ za'ra ni, ta norĩ zama, da te dame uprosi da.

Daniéu 2:21

Õhõ si te za niha hã we 're iromhâimana mono zém na hã te te ãma 're azaprĩ. Õhõ si te za duré apito da hã te te 're da'a'maza. Õhõ si te za duré apâ te te 're da'azani. Duré õhõ si te za rowaihu'u pese 'wa norĩ ma hã rowaihu iwẽ hã te te tãma 're anhomri. Õhõ si te za duré i'rã nhimiza'rese norĩ ma hã isimiza'rese wẽ hã te te tãma 're anhomri.

Daniéu 5:17

Tawamhã Daniéu ma asa ãma sada'â ãne: — Apito, aré ĩma i'asõprubzéb da hã tô aima hâimana za'ra. Niha wamhã duré ni'wai ma, sõmri za'ra na, ĩ'upana. Ãne nherẽ, 'ri na'rata na rob'ui'éré hã wa za aima sõré. Wa za duré ãma aima saprĩ, marĩ te te iwasu'uzé hã.