Daniéu 1:19 - ꞌRe Ihâimana Uꞌâsi Mono Zadawa Wasuꞌu

¹⁹ Tame apito ma tô oto tãma robzanhamri za'ra. Tahawa, ma tô awaihu'u, uburé ipréduptém norĩ 'remhã ni'wa ihâimana õ na hã, Daniéu norĩ ne hã, Anania, Mizaéu, duré Azaria. Tahawa, ma tô ta norĩ si apito nhimiromhurizé 'ri 'rãihâ 're te te oto 're romhuri za'ra.

Daniéu 1:19 ပူးပေါင်းရင်းမြစ်များ

Provébiu 22:29

E aima waihu'u pese di, ni'wa sipese na te te 're iromhuri wẽ mono na hã. Ta hã tô danhipai u simiromhuri wẽ uptabi di. Tahawa tô ibâre te aré apito norĩ siré si 're hâimana.

Daniéu 1:18

Tawamhã apito Nabucodonozo, si'ubdatõ wahu te te ipisutu ãma, ma tô Apenasi hã apito hâimanazéb u uburé ipréduptém norĩ hã te te oto simro.

Daniéu 1:4

uburé 'madâ'â ze na hâiba wẽ na 're ihâimana za'ra mono, ihâiba siwamnarĩ'õ hã, i'rãiwaihu'u pe hã, isimirowaihu'u pese norĩ hã, za apito nhimiromhurizé 'ri 'rãihâ 're, romhuri waihu'u pese 'wa norĩ da hã, duré za Babilonia norĩ mreme te te iwaihu'u za'ra da hã, duré ta norĩ mreme na rob'ui'éré na te te 're iromnhoré za'ra mono da hã.

Daniéu 1:5

Tawamhã Babilonia ãma apito, ma tô duré ti'ru, tô õ norĩ Izaraéu nhihudu ipréduptém norĩ ma, awẽ sidâpâsi apito ãma 're isai mono zé hã te te tãma 're a za'ra mono da, duré awẽ sidâpâsi uwa 'rãi wa'u isé na tisa te te ãma 're isimihâri mono zé hã te te tãma 're sa'wari za'ra mono da. Tawamhã si'ubdatõ wahu parimhã, te za ipréduptém norĩ hã ãma sãna'rata za'ra, apito nhimiromhurizé 'ri 'rãihâ 're, tinhimiromhuri za'ra na hã.

Daniéu 1:6

Tawamhã Izaraéu nhihudu norĩ iprédupté da te ipisutu za'ra norĩ 'remhã ma tô dame tihâimana za'ra, Daniéu, Anania, Mizaéu, duré Azaria, uburé Zudaha hawip si a'uwẽ hã.

Daniéu 1:7

Tawamhã Apenasi ma tô isisi amo na hã sisi za'ra ãne, Béutésaza, Sadraqui, Mezaqui, duré Abide-Negu.

Daniéu 2:13

Tawamhã ãne na apito te te irowairébézém na roti hã ma tô da te ãma ropé. Tahawa, te Daniéu norĩ zô isiré norĩ me sô tarĩtĩ za'ra ni, ta norĩ zama, da te dame uprosi da.

Daniéu 3:29

Tahawa, wa za roti ipire na hã 'manha, siwa'ru a'uwẽ norĩ hã dapoto mono bâ, daro mono bâ duré damreme mono bâ 're idamreme zusi mono hã ni'wa hã Sadraqui norĩ te, Mezaqui, Abide-Negu, 'Re ihâimana u'âsi mono nhisi na te te nharĩ wasété wamhã, da te sihâri mono da, duré za isõrõwa da te tiwi prub da. E marĩ wa. Aimawi ihâiba'õ hã 'maihâimana õ wa, 'Re ihâimana u'âsi mono sine hã, ã norĩ te te isõ'reptu za'ra ne hã.