Colosu 4:6 - ꞌRe Ihâimana Uꞌâsi Mono Zadawa Wasuꞌu

⁶ Isazei'õ'wa norĩ ma, 're rowasu'u za'ra wa'aba mono wamhã, aimreme wẽ na si te za tãma 're irowasu'u za'ra wa'aba mo, tãma ãma 're rowẽ zani za'ra wa'aba mono da, aimreme wẽ na te te ãma 're aiwapari ze za'ra wa'aba mono da. Ãne wamhã, i'uwaibaba si te za tô aimreme na tãma ãma 're iwa'rãmi za'ra wa'aba mo, Cristuhu wasu'uwẽ na te te ãma 're asadanharĩ za'ra wa'aba mono zéb uwaibaba.

Colosu 4:6 ပူးပေါင်းရင်းမြစ်များ

Salmu 119:13

Ĩmreme 'rãihâ na wa uburé asimiroti ĩma isõmri na hã nasi ãma rowasu'u.

Salmu 119:46

Uburé Danhib'apito, apito norĩ nho'remhã wa za asimiroti na te tãma 're rob'mahârâ za'ra, 're ĩnhisé mono ãna.

Salmu 45:2

Apito, a hã uburé aibâ norĩ nhipai u i'ai'madâ'â zei uptabi. Duré aimreme iwapari iwẽ iwapari ze. 'Re ihâimana u'âsi mono, ma tô iwẽ hã õne u'â te te aima 're pisutu.

Provébiu 10:21

Iwẽ norĩ mreme hã, te za da'ahâ uptabi ma hã te te 're rob'manharĩ wẽ za'ra. Tane nherẽ, isimiza'rese'õ norĩ hã 'rãi waihu'u wasété wa, te za 're idadâ'â za'ra mono zéb u hã 're sisimro.

Provébiu 15:4

Damreme iwẽ hã te za rowẽ na 're idahâimana za'ra mono zé hã te te dama 're sõmri za'ra. Tazahã, dazadawa nhipe hã robzei'õ te te ãma dama 're isani za'ra mono na hã te za te te ãma 're danhimro, dapẽ'ẽ 'remhã.

Provébiu 15:7

I'rãi waihu'u wẽ mreme hã te rowaihu iwẽ na hã te te ãma dama 're ropé za'ra. Tazahã, isimiza'rese'õ norĩ, ãne hã te te dama 're 'manharĩ za'ra mono õ di.

Mateu 5:13

Tawamhã ãne te duré tãma rowasu'u za'ra, tisiré 're inomro mono norĩ ma: — Ãne wa za duré aima ãma romnhimiré'é za'ra wa'wa. A norĩ wa'wa hã sa ne, te za dama 're aihâimana za'ra wa'aba mo. Sa na hã dasa hã ãma se ti, dasai warĩrĩzé wa. Tane nherẽ, oto 're sé si'utõrĩ mono wamhã, niha apâ hã da te 'manharĩ waihu'u õ di, isé na ihâimana da hã, dasa da te ãma 're iwarĩrĩ za'ra mono zéb da hã. Marĩ dai õ di oto, dama hã. Taré te za da te 're sa'wari za'ra rob u, marĩ dai õ wa oto. Tahawa, te za oto taré ti'ai wa 're simi'wara mono wa, isisiwimhã 're danomro, dapara na. Tane duré, a norĩ wa'wa hã ĩzadawa wasu'u na dama 're romhuri wẽ za'ra wa'aba mono nherẽ, oto romhuri hã 're sahâri za'ra wa'aba mono wamhã, marĩ dai õ di oto, 're i'aihâimana za'ra wa'aba mono zé hã za, ĩma hã.

Marcu 9:50

Wa za duré aima rowasu'u za'ra wa'wa, ãne. Sa na hã dasa hã ãma se ti, dasai warĩrĩzé wa. Tane nherẽ, oto 're se si'utõrĩ mono wamhã, niha da te 'manharĩ waihu'u õ di, apâ se da, dasa da te ãma 're iwarĩrĩ za'ra mono da hã. Sa na, wa za duré aima rowasu'u za'ra wa'wa, ãne. Ni'wam norĩ hâimanazéb zarina, te za dasi'u suru na sa na 're dasaihuri, dasisawi te. Tane asisawi te, te za rowẽ na asiré 're aihâimana za'ra wa'aba mo.

Luca 4:22

Tawamhã isimirowasu'u hã wẽ wa, aihĩni te ãma tawata za'ra ni. Mreme wẽ uptabi wa, ma ãma tatob'uzu za'ra ni. Tazahã, te dasima nharĩ za'ra ni, ãne: — E niha õ hã simirowasu'u waihu'u pese di, Zuzéhé 'ra nherẽ.

Éfézu 4:29

Aimreme wasété na dama 're aimreme zusi aba mono õ di za oto. Aimreme wẽ na si te za oto dama 're aimreme zusi aba mo, asimiroti wẽ na si 're dapawaptob za'ra wa'aba mono da ãma.

Colosu 3:16

Cristuhu wasu'uwẽ na te za ãma 're asipo're pu'u u'âsi za'ra wa'aba mo, aipẽ'ẽ 're aima 're hâimana u'âsi za'ra wa'aba mono da, taha zarina aihâimana wẽ na 're anomro aba mono zé hã asima 're sa'ẽtẽ za'ra wa'aba mono da oto. 'Re ihâimana u'âsi mono hawi, dahâimanazém na rowaihu iwẽ hã ãma 're iwaihu'u za'ra wa'aba mono zéb zarina, te za dama ãma 're iroti pese za'ra wa'aba mo. 'Re ihâimana u'âsi mono hã sõprub uptabi wa, te za tãma 're asõ're u'âsi za'ra wa'aba mo, aipẽ'ẽ 're ãma 're aiwata za'ra wa'aba mono sina. Ipẽ'ẽzani te te aima 're iwaihu'u za'ra wa'aba mono zém na, te za rowẽ zarina tãma 're asõ're za'ra wa'aba mo, Wanhib'apito ãma 're idanho're za'ra mono na zama.

1 Pedru 3:15

Cristu hã Asib'apito aima 're hâimana za'ra wa'aba mono wa, te za aihâimana prédup sina 're iwapari pese za'ra wa'aba mo. Duré Cristu 're isaze za'ra wa'aba mono zém na, da te 're asadanharĩ za'ra wa'aba mono wamhã, awa'awi te za dama 're asiwasu'u waré za'ra wa'aba mo.