Colosu 4:3 - ꞌRe Ihâimana Uꞌâsi Mono Zadawa Wasuꞌu

³ 'Re ihâimana u'âsi mono ma, 're aimreme zusi aba mono wamhã, wa'ãma zama te za duré tãma 're aimreme zusi aba mo, ta hã te te wama 're a'ridawa mono da, isadawa wasu'u hã wa te dama 're wasu'u za'ra mono da, Cristuhu wasu'uwẽ aré dama iwaihu'u'õ hã wa te dama 're waihu'u za'ra mono da oto. Taha para, ma tô oto dasiwi ĩ'âri ni, dazazéb 're, da te dasiwi ĩnherẽ da. Tahawa, wa oto taha 're nhamra.

Colosu 4:3 ပူးပေါင်းရင်းမြစ်များ

Mateu 13:11

Tawamhã Zezusi hã te asa tãma nharĩ za'ra, ãne: — 'Re ihâimana u'âsi mono hã a norĩ wa'aba ma si, ma tô dama iwaihu'u'õ hã aima waihu'u za'ra wa'wa, da'ãma 're isib'a'uwẽ mono zém na hã, sõ'awimhã te te dama hâi'ré õ nherẽ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:27

Ãtioquia u apâ simasisi zahuré wamhã, ma tô isazei'wa norĩ zô tihârâ zahuré, te te itẽme ubumro da. Tahawa, ma tô dama siwasu'u zahuré, 'Re ihâimana u'âsi mono nhimipawaptobzém na. Ãne te tãma rowasu'u za'ra: — 'Re ihâimana u'âsi mono, ma tô wapawapto, marĩ iwẽ hã wa te dama 're 'manharĩ mono da, iwasu'uwẽ hã wa te dama ãwisi da, zudeu'õ norĩ ma zama. Tawamhã ta norĩ zama ma tô te te 're sazei pese za'ra.

Roma 16:25

'Re ihâimana u'âsi mono ãma si, wa za 're wawata u'âsi za'ra. Taha ma si, tãma waihu'u pese di, te te 're iwa'apawapto mono zéb da hã, Zezu Cristuhu wasu'uwẽ hã wa te 're isaze za'ra mono zé hã wa te 're rẽme za'ra mono ãna, wanhiptete u'âsi ãma 're iwanomro mono zéb da hã. Taha wasu'uwẽ hã wa tô te dama 're wasu'u u'âsi. Duréihã iwasu'uwẽ hã, 'Re ihâimana u'âsi mono te te dama 're awaihu'u mono õ di. Iwasu'uwẽ hã dama sa'rese ãna, ma tô aré 're danomro. Tane nherẽ, ma tô 'Re ihâimana u'âsi mono hã iwasu'uwẽ hã dama waihu'u oto, isadawa 'mahârâ'wa norĩ nhimi'ui'éré hawimhã. Tahawa, te oto isimiwada'urizéb zarina si, da te 're waihu'u za'ra daro mono bâ, da te ãma 're isazei pese za'ra mono zéb da hã, duré da te 're iwapari pese za'ra mono zéb da hã oto.

1 Corĩtu 16:9

Ĩnhimiromhuri wẽ'õ'wa norĩ hã ahâ uptabi nherẽ, ma tô 'Re ihâimana u'âsi mono hã ĩnhowa ropese ĩma, ãme te tãma 're iromhuri mono zéb da hã. Tahawa, ãmemhã ĩma romhuri ahâ uptabi di za, Zezusihi wasu'uwẽ na te dama 're iromhuri mono zéb da hã.

1 Corĩtu 4:1

Wa hã Paulu, Apoluhu me, duré ni'wam norĩ me, wa Cristuhu ma si, wa te 're romhuri za'ra. Iwasu'uwẽ hã dama iwaihu'u'õ hã, i'uwaibaba si, wa te dama 're wasu'u za'ra mono da, ma tô wapisutu za'ra, 'Re ihâimana u'âsi mono hã. Taha na si, wanhimiromhurizéb za'ra hã. Tahawa, te za ãne na si wa'ãma 're irosa'rata za'ra wa'aba mo.

2 Corĩtu 2:12

Ãne wa za duré aima ĩsiwasu'u za'ra wa'wa. Trowadi na 'ri nho'õmo nhisi u, wa tô mo, tame Cristuhu wasu'uwẽ hã te dama wasu'u da. Tamomo ĩmorĩ wamhã, Wanhib'apito hã ma tô ĩma 'ridawa ĩnhowa, tame te oto tãma romhuri da.

Éfézu 3:1

Tahawa, wa hã Paulu, wa 'Re ihâimana u'âsi mono wi hã, te tiwi 're rowaptẽrẽ u'âsi, aima za'ra wa'aba. Zudeu'õ norĩ, wa hã, Cristu Zezusihi zadawa wasu'u'wa wa 're mo, iwasu'uwẽ na te 're aipawaptob za'ra wa'aba mono da. Taha 'ru te, ma tô dasiwi ĩnherẽ ni, dazazéb 're, ĩzab da.

Éfézu 3:3

Duréihã te te sima da'ãma irotizé hã aré dama iwaihu'u'õ hã ma tô ĩma waihu'u, 'Re ihâimana u'âsi mono hã. Nimosi wa tô suru na ãma aima rob'ui'éré za'ra wa'wa, waihu'u za'ra wa'aba da.

Éfézu 3:9

Ropoto mono 'wa hã ma tô aré pisutu, ropoto na'rata hawimhã dama waihu'u ãna a'â 're hâimana mono da, te te da'ãma sima irotizé hã. Duréihé ma tô ĩpisutu, te dama 're rowasu'u mono da, za oto te te dama ãma i'uwaimramizém na hã te te sima da'ãma irotizéb zarina.

Éfézu 4:1

Tahawa, wa za aima roti za'ra wa'wa, Wanhib'apito ma romhuri'wa 're ĩmorĩ 'ru te, dazazéb 're da te dasiwi 're ĩzai mono wa, 're ĩza mono ré. Ma'ãpé dama 're aihâimana wẽ za'ra wa'aba mono za, 'Re ihâimana u'âsi mono te te sima 're i'aiwẽ za'ra wa'aba mono zéb uwaibaba. Taha da, ma tô te te sima 're aipisutu za'ra wa'wa.

Filipu 1:7

I'uwaibaba wa tô ãne na hã ai'ãma waihu'u za'ra wa'wa. E marĩ wa. Ĩpẽ'ẽ 're, ĩma asawi za'ra wa'aba zé hã ĩma 're hâimana u'âsi mono wa. Romhuri iwẽ uptabi hã, 'Re ihâimana u'âsi mono, tinhimizawi pese zéb zarina te te ĩma ipisutuzém na, ma tô ĩsiré tãma 're iromhuri za'ra wa'aba mo, tô. Ãhã na dazazéb 're, 're ĩhâimana mono ré, ma tô a norĩ wa'aba zama 're iromhuri za'ra wa'aba mo ĩsiré. Duré dazazéb 're, 're ĩhâimana mono õ ré hã ma tô duré ĩsiré dama 're iwasu'u za'ra wa'aba mo, Cristu hã. Taha wasu'uwẽ hã senai õ newa da te ĩma 're inharĩ za'ra mono ma, te dama 're anharĩ mono ré hã, ma tô ĩsiré 're iromhuri za'ra wa'aba mo, duré sena na da te 're waihu'u za'ra mono da, te dama 're wasu'u mono ré hã, damreme wa'rãmi.

Colosu 1:26

Ãhã wasu'u hã 'Re ihâimana u'âsi mono, isãna'rata hawimhã te te aré dama 're i'awaihu'u mono õ hã ma tô oto sõ'awi dama upsibi nhamra, tinhib'a'uwẽ norĩ ma si.

Colosu 4:18

Wa hã Paulu, wa ĩnhimi'ui'éré na ãma asawi za'ra wa'wa. Ma'ãpé ĩ'ãma 're aipo're pu'u u'âsi za'ra wa'aba mono za, dazazéb 're zahadu ĩhâimana na. Rowẽ u'âsi 're aihâimana za'ra wa'aba mono za, Wamama hã ai'ãma 're isiwãrĩ za'ra wa'aba mono zéb zarina.

1 Tesalonita 5:25

Wasiré isazei'wa norĩ, te za wa'ãma 're aimreme zusi aba mo, Wamama ma.

2 Timotiu 1:16

Onesifuruhu si ma tô tinhimipawaptobzém na nasi ĩma rowẽ zani. Tahawa, wa ĩsima wẽ, Wanhib'apito hã Onesifuru norĩ hã, duré isõrõwa ãma isiré 're ihâimana za'ra mono norĩ zama, iwẽ na te te 're apawapto mono da. Ta hã ĩma 're sisé mono õ di, ĩwasu'u na hã. Tahawa, Roma u wei wisi wamhã, ma tô te te ĩzô aba, te te ĩnhopẽtẽ da.

2 Timotiu 2:9

Tawamhã Wanhib'apito wasu'uwẽ na te dama 're rowasu'u mono 'ru te, wa oto te 're robzépata. Ĩwasédé hã te 're 'manharĩ mono newa, wa oto 're ĩza, dazazéb 're, isi'uwazi nhorõ rutu na ĩpawasisi ré. Tane nherẽ, 'Re ihâimana u'âsi mono zadawa wasu'u hã pawasisi ãna ne, te 're hâimana u'âsi. Te za da te dama ãma 're rowasu'u u'âsi za'ra.

Filemo 1:22

Duré misi wa za aiwi waptẽ. Ma'ãpé, daza'warizé hã ĩma pisutu, ai'rata za'ra wa'aba a'â ĩnhamra da. A norĩ wa'wa hã ma tô duré ĩma 're irowaptẽrẽ za'ra wa'aba mo, hâiwa u, 'Re ihâimana u'âsi mono wi, te te ĩzatõrĩ da, dazazém hawi atẽme za'ra wa'aba, ãma ĩmorĩ da apâ. Tahawa, wa sô mapa, ĩmorĩzéb zô, atẽme za'ra wa'aba, ĩma 're irowaptẽrẽ za'ra wa'aba mono zéb zarina, ãma ĩmorĩ da hã apâ. Ãne si.