Apocalipsi 9:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã 'ridi hã te asõré, awaru hã dasi'wapé da, da te 're ipese za'ra mono ne. Ẽtẽ waipo pré oru 'manharĩ na da'rãzaza ne ré, te asõré. Duré tawamhã awaru hã, da'ubu ne i'ubu mono hã.

Apocalipsi 9:7 ပူးပေါင်းရင်းမြစ်များ

Daniéu 7:4

Imorĩ'rada hã hu'u zérépa hâiba ne, si'õmo wawẽ zaripi ré hã. Ta hã te 'madâ'â ré, ma tô isaribi hã tiwi sani ni. Tahawa, ma tô hâiwi sab da, dasiwi sãrĩ ni, a'uwẽ hâiwi 're isimasa mono ne. Ma tô duré a'uwẽ nhimirosa'rata ne hã oto tãma sõmri ni.

Daniéu 7:8

Tawamhã i'õmo norĩ te 'madâ'â ré, wa tô duré 'madâ, i'õmo hâiba amo i'up surure hã, i'õmo za'ẽtẽ norĩ wa'wa iwatobro hã. Tahawa, i'õmo za'ẽne si'ubdatõ hã ma tô õmo zani za'ra ni, i'õmo surure ma, ropese da. Taha ma, te oto a'uwẽ tõmo ne hã tãma tihâimana zahuré. Duré isadawa hã 'râwi 're isi'madâ'â zei mono zéb zarina te te ãma 're inharĩ mono da hã te tãma tihâiba.

Apocalipsi 6:2

Tawamhã ãne hârâ wi, wa tô marĩ 'madâ, awaru irã hã. I'mapraba'wa hã te umnhi'ãsi ré nhamra. Tawamhã ma tô i'rãzaza hã tãma sẽrẽ ni. I'rãzaza hã za te te da'ãma i'ai'utézé, te wasu'u. Tawamhã ma tô wara ti'ai u, tinhitob'ru norĩ zô, siwamnhasi sina te te ãma ai'uté za'ra da.

Apocalipsi 9:3

Tawamhã isizédé hawimhã ma tô 'ridi hã wairé, ti'ai u. Tawamhã ta norĩ ma, ma tô pisutu za'ra ni, apa'apa 'wa nhi'oto nhipsari ne isé uptabi ne, te te dama 're rob'manharĩ za'ra mono da, 'Re ihâimana u'âsi mono nhimi'manharĩ waihu'u pese zém na.