Apocalipsi 9:5 - ꞌRe Ihâimana Uꞌâsi Mono Zadawa Wasuꞌu

⁵ Tane nherẽ, 're danhimroi wa'aba mono õ di za. A'amo imrotõ na si te za dama 're irob'manharĩ wasété za'ra wa'aba mo. Apa'apa 'wa nhi'oto nhipsari na ne isé pire na, te za dama 're irob'manharĩ wasété za'ra wa'aba mo, da te ãma 're robzépata za'ẽtẽ uptabi za'ra mono da.

Apocalipsi 9:5 ပူးပေါင်းရင်းမြစ်များ

Daniéu 7:6

Taha pari si'ubdatõ ãma ropoto siwamnarĩ wa tô duré 'madâ, hu'u hâiba ne hã. Iba na isaribi hã maparane si'uiwa na, tô si norĩ zaripi ne. Duré maparane si'uiwa na i'rã hã. Taha ma, pire na i'rãnho'õmo na te te 're ida'a'madâ'â mono zéb da hã ma tô tãma pisutu ni.

Zuwã 19:11

Tawamhã Zezusi asa te tãma tinha, ãne: — 'Re ihâimana u'âsi mono, ma tô aipisutu, ĩma aipire da. Ĩma aipire da, te te aipisutu õ 'wa'âhã, aré ĩma aipire õ di. Tawamhã ĩma aipire da, te te aipisutu nherẽ, ĩ'ãma asimiroti wasété wamhã, tãma aiwẽ õ di za, aiwasédé hã ĩ'ãma 'manharĩ wa. Tane nherẽ, aibâ hã si'uihâ na te te aima ĩhâiba nhomri hã aiwasété nhipai u wasété uptabi di, ta hã.

Apocalipsi 11:7

Tawamhã te te sadawa wasu'u zahuré mono pari, te za ropoto siwamnarĩ hã ab're 'rehâ hawi iwatobro hã sô tisusi zahuré, te te 'wapé zahuré da. Tawamhã ropoto siwamnarĩ hã aibâ norĩ ma, siptete zahuré wa, te za pãrĩ zahuré.

Apocalipsi 13:5

Tawamhã â hawi ropoto siwamnarĩ hã, te 'Re ihâimana u'âsi mono hã wa'ẽi wasété, 'râwi waihu'u pese na sina wata na dâ'âsina. 'Re ihâimana u'âsi mono te te sadawa uwati õ di. Ma tô duré tãma waprosi, dama pire na te te da'awada'uri wasété mono da a'â, 42 na a'amo isisõré mono u.

Apocalipsi 13:7

Tawamhã 'Re ihâimana u'âsi mono hã ma tô duré tãma waprosi, â hawi ropoto siwamnarĩ ma, isib'a'uwẽ te te 'wapé za'ra da, te te ãma ai'uté za'ra da, isib'a'uwẽ norĩ ãma. Ma tô duré tãma waprosi, simiwada'uri wasété nhiptete sina te te 're da'awada'uri mono da, dapoto mono bâ, duré damreme sipo'o mono bâ 're idahâimana za'ra mono hã.

Apocalipsi 9:10

Duré ina're 'wamhi mono hã apa'apa 'wa nhi'oto na're 'wamhi ne. Taha nhipsari ne, sé pire di, isimiwa'rézé hã. Tawamhã tina're 'wamhi na te za tô te te dama 're rob'manharĩ wasété za'ra. A'amo imrotõ ãma te za te te 're dahâzub u'âsi.

Apocalipsi 9:3

Tawamhã isizédé hawimhã ma tô 'ridi hã wairé, ti'ai u. Tawamhã ta norĩ ma, ma tô pisutu za'ra ni, apa'apa 'wa nhi'oto nhipsari ne isé uptabi ne, te te dama 're rob'manharĩ za'ra mono da, 'Re ihâimana u'âsi mono nhimi'manharĩ waihu'u pese zém na.