Tawamhã 'Re ihâimana u'âsi mono hã te za we 're mo, Ezitu nhisi baba, ezipsiu norĩ te te 'mapãrĩ mono da hã. Tawamhã we 're morĩ wamhã, 'ridawa zapré te te ab'madâ'â mono wamhã, te za te te asa'rei waré za'ra wa'wa. Tawamhã hâiwa ãma tãma iromhuri'wa hã dapãrĩ'wa na iwaptẽrẽ hã te za ai'ãma uwati za'ra wa'wa, asõrõwa u asô za'ra wa'aba, zasi tõ mono da, te te asimroi aba mono tõ da, romhuri'wa hã.
Apocalipsi 9:4 - ꞌRe Ihâimana Uꞌâsi Mono Zadawa Wasuꞌu4 Ãne te ni'wa hã tãma nharĩ za'ra: — Dui ma, 're rob'manharĩ wasété za'ra wa'aba mono õ di za, duré wesuirã ma zama hã, duré wede ma zama hã. Te duré tãma da'ru za'ra, ãne: — 'Re ihâimana u'âsi mono nhib'a'uwẽ'õ, uihâ ui'éré ãna 're inomro mono norĩ ma si, te za 're irob'manharĩ wasété za'ra wa'aba mo. အခန်းကိုကြည့်ပါ။ |
Apocalipsi 9:4
15 ပူးပေါင်းရင်းမြစ်များ
E marĩ wa, wa ãne aima waihu'u za'ra wa'wa. Ni'wam norĩ hã te za datẽme 're nomro, danho'reptui'wa na, niha wamhã, 'Re ihâimana u'âsi mono zadawa 'mahârâ'wa na dama 're siwasu'u za'ra mono da, sadawa nhipese sina. Ta norĩ hã marĩ dama i'manharĩ waihu'u'õ hã te za duré te te dama 're 'manharĩ za'ra, 'Re ihâimana u'âsi mono zadawa param newa, da te ãma 're sasõmri za'ra mono da. Isazei'wa norĩ zama te te dame ãma 're saze za'ra mono da, te za ãne na te te dama 're romhõsi za'ra. Tane nherẽ, te te dame 're sazei waihu'u za'ra mono õ di za ta norĩ hã, 'Re ihâimana u'âsi mono te te sima 're apisutu siromo mono wa, ãma 're sib'a'uwẽ za'ra mono da hã.
'Re aihâimana wasété za'ra wa'aba mono õ di za, aihâimanazém na Wamama pẽ'ẽzani wi 're robzei'õ tõ za'ra wa'aba mono da. E marĩ wa. Ipẽ'ẽzani hã te wapẽ'ẽ 're, wama 're hâimana za'ra, wapibui pese zéb da hã, 'Re ihâimana u'âsi mono te, tãma 're iwahâimana za'ra mono na, bâdâ iwa waptã'ã õ ré, te te iwa'anho'reptuzéb da hã.
Tawamhã wa tô duré wapa, damreme uptabi ne hã, maparane si'uiwa na ropoto na ihâiba norĩ isimasabzém hawi. Ãne te rowa'âbâzé hã tãma anhoré, awaru 'mapraba'wai ma: — Ãne misi bâtâ na dapawa'â hã, tô misi ipibuzém na aiwa ãma isipo'o na, amnho trigu wa'âbâzéb zarina. Ãne te za dawi isarõ hâimo, rowa'âbâzé hã. Tane nherẽ, azeitona wede hã 're isimasa mono hã, duré uwa 'ru hã 're isimnhatã mono hã u'a za'ra õ di za, azeitona 'rãi wa'ui wabre hã si'utõrĩ tõ da a'â, uwa 'rãi wa'u isé zama.
Tawamhã wa tô duré 'madâ, maparane si'uiwa na hâiwa ãma 'Re ihâimana u'âsi mono ma, romhuri'wa norĩ hã. Bâtâ pusizém niwĩ misi te za, ti'ai ãma hã. Bâtâ zasizém niwĩ te duré misi za. Duré hâiwa si'uiwa na te duré si'uiwada zahuré. 'Re ihâimana u'âsi mono te te tãma ipisutu za'ra zéb zarina, te ta norĩ hã rowa'u hã si'u tété za'ra, bâtâ pusizém niwĩ, duré bâtâ zasizém niwĩ, duré hâiwa si'uiwa na, te te 're rowapõrĩ tõ za'ra mono da. Te te duré 're âzasisi za'ra tõ mono da, te rowa'u hã siwi tété, duré wede hã te te 're rési tõ za'ra mono da.
Tawamhã imorĩ'rada hã ma tô tinhimnhihârâzém na amnhihârâ. Simnhihârâ wi, ma tô tãzâ hã rere ti'ai u, unhama zama. Dawaprui wazari, ma rere uzâ hã, duré tãzâ hã. Ti'ai u rere'e wamhã, daro mono bâ ma tô ti'a hã zada, iwãiwa prã na. Wede hã 're isimasa mono hã ma tô duré si'uzâ, isa'ratazé wãiwa prã na. Du zama hã ma tô uburé sihõmo, daro mono bâ.
ကြော်ငြာတွေ