Tawamhã ab're u te oto ai'aba'ré, da'wapéi'wa norĩ siré. Tawamhã ẽtẽ tõmo zapodo hã, ab're nhitobzé hã marĩ na ma tô siwi upto, sitop tete na iré sab da, da te dasiwi sa'ré tõ da. Da'wapéi'wa norĩ ma, ma tô duré roti za'ra, ab're nhitobzéb 'rata simasab da, te te siwi 'madâ'â u'âsi za'ra da, sõtõ za'ra ãna.
Apocalipsi 6:7 - ꞌRe Ihâimana Uꞌâsi Mono Zadawa Wasuꞌu7 Tawamhã Pone'ẽrebâ hã ma duré pru, maparane si'uiwa na ãma ibaihâ nhinha uptobzé hã. Te te pru wi, wa tô duré wapa, ropoto na ihâiba norĩ hã maparane si'uiwa na ãma hã, da'rãsutu'wa hã. Ãne te hâ: — We aiwatobro. အခန်းကိုကြည့်ပါ။ |
Apocalipsi 6:7
5 ပူးပေါင်းရင်းမြစ်များ
Imorĩ'rada hã, hu'u zérépa 'rã ne i'rã hã. Duré isãna'remhã powawẽ iba'õmo 'rã ne i'rã hã. Duré si'ubdatõ ãma hã da'rã ne i'rã hã. Duré maparane si'uiwa na ãma hã si'õmo 'rã ne i'rã hã, hâiwi 're sisa'rei mono wa, i'rã ne hã. Ã norĩ hã 6 na ipaihi za'ra hã, ihâiba mono bâ. Duré ã norĩ hã ihâiba upsibi ré norĩ, tob ahâ wa, ihâiba na hã. Tawamhã bâtâ bâre duré mara bâre te tinho're za'ra, tinho're te te 're sahâri za'ra mono ãna, ãne: “Uburé Danhib'apito uptabi 'Re ihâimana u'âsi mono hã, 're iwasété mono õ. Siwaprosi 're iwasété waihu'u mono õ uptabi. Wẽ uptabi di. E ni'wa hã isipai u waihu'u pese na 're hâimana mono bâ. Õhõ si, siwaprosi iwaihu'u pese uptabi hã. Duréihã marĩ õ uptabi ré, ma tô 're hâimana u'âsi. Te za duré 're hâimana u'âsi, ãhã na zama, si'utõrĩ waihu'u ãna.”
ကြော်ငြာတွေ