'Re ihâimana u'âsi mono, da'madâ'â nhiptetezé te te aré tãma isõmri hã sa'ẽtẽ uptabi wa, ma tô uburé daro mono bâ isõ'remhã aré tãma 're darẽrẽ'ẽ za'ra. Tawamhã te te sima wẽ wamhã, te za ni'wa hã tiwĩ. Niha wamhã duré te te sima wẽ wamhã, te za tô ãma rosazâ, hâiba ré 're sãmra mono da. Duré ni'wa isimiromhuri zarina te za tô ãma hâimo, te te sima iwẽ hã. Te za duré ni'wai ãma hã ãma ti'awi, te te sima iwẽzéb zarina.
Apocalipsi 6:4 - ꞌRe Ihâimana Uꞌâsi Mono Zadawa Wasuꞌu4 Tawamhã awa'awi awaru ipré uptabi hã ma tô watobro. I'mapraba'wa isisiwi te nhamra. Tawamhã sib'ézé 'wapa ma tô tãma sõmri ni, da'wapézéb da hã. Taha ma, ma tô duré tãma pisutu ni, dasi'wapé hã te te dazada wazere da, dasi'wapé na 're dasisimroi mono da. အခန်းကိုကြည့်ပါ။ |
Apocalipsi 6:4
17 ပူးပေါင်းရင်းမြစ်များ
— E ti'ai u we ĩmorĩ wa, te za ti'ab ré rowẽ na si dasiré 're dahâimana za'ra, simisutu. Mare di. Ãne hã ĩ'ãma 're rosa'rata za'ra wa'aba mono õ di za. Ti'ai u we ĩmorĩ wa, rowẽ na si 're dahâimana za'ra mono õ di za. Te za ĩ'ãma hã dasima ãma 're dasiwanhizari. Te za duré ĩ'ãma hã 're dasi'wapé za'ra.
'Re dasi'wapé za'ra mono wa, da te dasina 're iropupu'u za'ra mono zé hã te za 're iwapari za'ra wa'aba mo, romhâ na 're idasi'wapé za'ra mono norĩ wasu'u zama. Ãne hã 're wapari za'ra wa'aba mono wamhã, tãma 're aipahi za'ra wa'aba mono õ di za, dasi'wapéi ma hã. Dasi'wapé te za tô dazada 're wairébé. Tane nherẽ, ta hã rob'rãsutu õ di. Mare di.
Tawamhã Zezusi asa te tãma tinha, ãne: — 'Re ihâimana u'âsi mono, ma tô aipisutu, ĩma aipire da. Ĩma aipire da, te te aipisutu õ 'wa'âhã, aré ĩma aipire õ di. Tawamhã ĩma aipire da, te te aipisutu nherẽ, ĩ'ãma asimiroti wasété wamhã, tãma aiwẽ õ di za, aiwasédé hã ĩ'ãma 'manharĩ wa. Tane nherẽ, aibâ hã si'uihâ na te te aima ĩhâiba nhomri hã aiwasété nhipai u wasété uptabi di, ta hã.
Tawamhã ma duré marĩ hã sihâi'ré, hâiwa nho're na, marĩ isa'rese'õ hã. Ho'orã hâiba ne ropoto siwamnarĩ hâiba za'ẽne hã te za. Ihâiba hã ihâiba pré. Duré 7 na i'rã hã. 10 na duré i'u hã. Powawẽ õmo ne, i'õmo za'ra hã. Duré 7 na i'rãi mono bâ i'rãzaza hã, danhib'apito 'rãzaza ne hã. I'rãzaza si'ubuzi na i'rãzaza za'ra hã.
Ni'wa hã isazei'wai wamhã, dazazéb 're da te 're séme mono da, 'Re ihâimana u'âsi mono te te dawi 're sawi za'ra mono õ wamhã, te za tô da te 're sé. Duré sib'ézé 'wapa na da te 're simroi mono da, 'Re ihâimana u'âsi mono te te dawi 're sawi za'ra mono õ wamhã, te za tô da te 're simro. Ãne da nherẽ, te za sipizari ãna ãma 're nomro, 'Re ihâimana u'âsi mono ãma.
Tawamhã 'Re ihâimana u'âsi mono pẽ'ẽzani hã ma tô duré ĩ'uihâ pi'ra. Te te ĩ'uihâ pi'rai wa, wa tô duré aimawi ĩhâiba. Tawamhã hâiwa ãma romhuri'wa hã ma tô ĩzaprõ, a'ubuni u, supara'ré u. Tame pi'õ hã wa tô 'madâ'â, ropoto siwamnarĩ ipré nhisiwi, isãmra hã. Ropoto siwamnarĩ hâiba hã ma te rob'ui'éré hã hâiba'utõ. Aiwa 'Re ihâimana u'âsi mono wamri sine na, isiwaptẽrẽ ui'éré wasédé hã. Duré 7 na i'rã hã, ta hã. Duré i'u hã 10 na. Taha hâiba nhisiwi, te pi'õ hã nhamra.
Tawamhã ã pi'õ hã wa duré 'madâ, apâ. Da'uihâ idi'iti wa, dato sina da te 're irobzanhamri za'ra mono ne, te pi'õ hã robzanha. 'Re ihâimana u'âsi mono nhib'a'uwẽ, isadawa para, da te 're simroi mono wẽ te, te 're to, pi'õ hã. Duré Zezusihi zazei'wa norĩ sipizari ãna, Zezusi te te 're sazei pese za'ra mono 'ru te, da te 're simroi mono wẽ te, te pi'õ hã 're to. Tawamhã pi'õ hã te 'madâ'â wamhã, wa ãma ĩtob'uzu, ĩma sa'rese õ wa.
ကြော်ငြာတွေ