Apocalipsi 6:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Pone'ẽrebâ hã ma tô duré ibaihâ nhinha uptobzé hã isãna'remhã pru. Te te pru wi, ropoto na ihâiba norĩ hã ma tô duré isãna'remhã hâ: — We aiwatobro.

Apocalipsi 6:3 ပူးပေါင်းရင်းမြစ်များ

Mateu 27:66

Tawamhã ab're u te oto ai'aba'ré, da'wapéi'wa norĩ siré. Tawamhã ẽtẽ tõmo zapodo hã, ab're nhitobzé hã marĩ na ma tô siwi upto, sitop tete na iré sab da, da te dasiwi sa'ré tõ da. Da'wapéi'wa norĩ ma, ma tô duré roti za'ra, ab're nhitobzéb 'rata simasab da, te te siwi 'madâ'â u'âsi za'ra da, sõtõ za'ra ãna.

Apocalipsi 4:7

Imorĩ'rada hã, hu'u zérépa 'rã ne i'rã hã. Duré isãna'remhã powawẽ iba'õmo 'rã ne i'rã hã. Duré si'ubdatõ ãma hã da'rã ne i'rã hã. Duré maparane si'uiwa na ãma hã si'õmo 'rã ne i'rã hã, hâiwi 're sisa'rei mono wa, i'rã ne hã. Ã norĩ hã 6 na ipaihi za'ra hã, ihâiba mono bâ. Duré ã norĩ hã ihâiba upsibi ré norĩ, tob ahâ wa, ihâiba na hã. Tawamhã bâtâ bâre duré mara bâre te tinho're za'ra, tinho're te te 're sahâri za'ra mono ãna, ãne: “Uburé Danhib'apito uptabi 'Re ihâimana u'âsi mono hã, 're iwasété mono õ. Siwaprosi 're iwasété waihu'u mono õ uptabi. Wẽ uptabi di. E ni'wa hã isipai u waihu'u pese na 're hâimana mono bâ. Õhõ si, siwaprosi iwaihu'u pese uptabi hã. Duréihã marĩ õ uptabi ré, ma tô 're hâimana u'âsi. Te za duré 're hâimana u'âsi, ãhã na zama, si'utõrĩ waihu'u ãna.”

Apocalipsi 6:1

Tawamhã wa tô duré 'madâ. Te 'madâ'â wamhã, Pone'ẽrebâ hã da te dasiwi iwĩrĩ hã ma tô ibaihâ nhinha tob'ratatobzé imorĩ'rada hã pru. Tawamhã maparane si'uiwa na ropoto na ihâiba norĩ hã te imorĩ'rada hã hâ, mreme 'rãihâ na: — We aiwatobro.

Apocalipsi 8:1

Tawamhã 7 ãma hã ibaihâ nhinha uptobzé, ma tô Pone'ẽrebâ hã 'ridawa. Te te 'ridawa wi, ma tô duré oto rowarõtârâ. Ma tô duré tirob'é'é pese, hâiwa ãma hã. Bâtâ pibuzé za'ratazém na aiwa ma tô ãma aipo'o, ãma ronomro ré hã, rowarõtâ'â ré.