Apocalipsi 6:13 - ꞌRe Ihâimana Uꞌâsi Mono Zadawa Wasuꞌu

¹³ Wasi hã ma tô duré rere, ti'ai u. Figuera wede 'rã hã rowa'u'u za'ẽne hã te te 're pari za'ra mono wa, 're i'a'a mono ne, ma tô wasi hã rere, ti'ai u.

Apocalipsi 6:13 ပူးပေါင်းရင်းမြစ်များ

Daniéu 4:14

Ta hã ma tô mreme 'rãihâ na tinha ãne: ‘Ma'ãpé wede hã asiwi 'morõwĩrĩ aba. Asiwi 'morõwĩrĩ aba wamhã, te za ipanhipti asiwi isihâri aba mo. Te za duré isu hã asiwi isinarĩ aba mo. Duré i'rã asiwi sãmra aba wamhã, te za ãma asiwi iropéi wa'aba mo. Iwede awã zahâpâ abaze norĩ 're iwa'utu za'ra mono hã te za duré ta hawi asiwi iwano'õ aba mo, si norĩ ipanhipti na 're isimasa mono norĩ zama.

Daniéu 8:10

Ta hã õmo 'rãihâ pese wamhã, ma tô hâiwa ãma dasi'wapéi 'manharĩ'wa 're ihâimana za'ra mono zéb u sina rotété. Tahawa, ma tô nima norĩ dasi'wapéi 'manharĩ'wa hã we sina sãmra ti'ai u. Taha pari ma tô wati'i za'ra.

Zuéu 2:31

Bâdâ hã te za titõmo 'rãdâ'â. Duré a'amo hã te za titõmo wapru, Uburé Danhib'apito nhibâdâ tô sena ipipa uptabi wisi wana ré hã.”

Mateu 24:29

Ãne na ma duré tãma waihu'u siromo za'ra: — Tawamhã da te 're robzépata za'ẽtẽ za'ra mono parip si, awa'awi te za bâtâ na tirobra. A'amo zama te te rob'uiwẽ õ di za oto. Wasi norĩ hã te za duré rere, hâiwa hawi. Uburé hâiwa na 're isimasa mono hã te za duré 're sisa're.

Marcu 13:25

Wasi hã te za duré hâiwa hawi rere. Uburé hâiwa na 're isimasa mono hã te za duré 're sisa're.

Luca 21:25

Romhâ ré, ma tô duré ãne na hã tãma waihu'u siromo za'ra, Zezusi hã: — Niwapsi te za marĩ aimawi hã 'madâ'â za'ra ni, bâtâ na hã, a'amo na zama, wasi norĩ na zama. Â poré a'a 'reptã'ã ma, te za tapahi za'ra ni, â poré nhibzaihâ ma zama. Daro mono bâ, dama robzei'õ uptabi za'ra di za.

Apocalipsi 9:1

Taha pari, ma tô imrotõ ãma hã amnhihârâ duré, hâiwa ãma romhuri'wa hã, tinhimnhihârâzém na. Simnhihârâ wi, wa tô 'madâ wasi hã, hâiwa hawi ti'ai u iwaptã hã. 'Ridawazé hã ma tô wasi ma sõmri ni, ab're 'rehâ 'ridawazé hã. (Ab're 'rehâ hã, wa'uburé norĩ 're ihâimana za'ra mono zé).