Apocalipsi 5:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã 24 na dama ipire norĩ te misi ĩma tinha, ãne: — Aiwa'õ tõ. Ma'ãpé 'madâ'â. Õhõta te za, hu'u zérépa, Zudaha nhihudu. Ta hã apito Dawihi nhihudu, za isine pire na te te 're ida'ab'madâ'â mono da hã. Ta hã uburé dama waihu'u pese uptabi di. Ta hã tinhitob'ru norĩ nhimiromhuri wasété nhiptetezé hã ma tô tiwi uprosi za'ra. Tahawa, te õhõ si sada tihâiba, 7 na i'uptobzé hã te te i'aprub da hã, duré ibaihâ isinhai ré te te isõ'a da hã.

Apocalipsi 5:5 ပူးပေါင်းရင်းမြစ်များ

Daniéu 7:16

Tahawa, isimasisizém nho're da'ahâ uptabi na tame idasimasam norĩ u, wa tô 'râwi ĩsina rotété, marĩ te i'ab'madâ'â mono na te te ĩma ãma i'mazaprĩzé hã te tiwi 'maiwaptẽrẽ da. Tahawa, ma tô õ hã ãma ĩma saprĩ ãne:

Luca 23:28

Tahawa, Zezusi hã ma tô itẽme aipi'ra za'ra, pi'õ norĩ u, te te tãma nharĩ za'ra da, ãne: — Pi'õ norĩ, Zeruzalẽ ãma 're ai'ubumroi wa'aba mono norĩ hã, ĩ'ãma ai'ru'ru wa'aba tõ. Ãté asisô si, te za 're ai'ru'ru wa'aba mo, ai'ra norĩ zô zama.

Luca 7:13

Tawamhã imrotõ te te 'madâ'â wamhã, ma tô ãma tipẽ'ẽzé, Zezusi hã. Tawamhã ma tô tãma tinha, wawa tõ da.

Luca 8:52

Tame da'ahâ na te ãma ta'ru'ru ni, dapẽ'ẽzé wa. Tahawa, te Zezusi hã dama tinha, ãne: — Ãma ai'ru'ru wa'aba õ di za. Azaruture hã dâ'â õ di. Taré te nhono.

Zuwã 20:13

Tawamhã hâiwa hawi romhuri'wa norĩ hã te Maria Madaréna sadanharĩ zahuré, ãne: — Pi'õ. E marĩ wa, te aiwawa. — Wanhib'apito, da te dasiwi wazere wa, da te dasiwi ihirizé hã te waihu'u õ wa, wa ĩwawa.

Roma 1:3

E 'wai wasu'uwẽ, ã hã. 'Re ihâimana u'âsi mono 'ra, Wanhib'apito Zezu Cristuhu wasu'uwẽ. Ta hã Zezusi hã ti'ai ãma dahâiba na dasine 're ihâimana mono na, wama waihu'u pese za'ra di, apito Dawihi nhihudu 're morĩ wa.

Roma 15:12

Izaia hã ma tô duré ãne na ãma rob'ui'éré siro: “Niwapsi te za Zéséhé nhihudu hã we datẽme wi, apito Dawihi mama nhihudu hã. Wei wisi wapsi, te za 'Re ihâimana u'âsi mono hã tãma pisutu, zudeu'õ norĩ nhib'apito, 're hâimana mono da oto, daro mono bâ. Tawamhã ta norĩ hã te za te te siwi 're umnhasi, marĩ iwẽ hã te te tãma 're ipisutu za'ra mono zéb zarina, za te te tãma ãma 're i'uwaimrami za'ra mono zém na hã.”

Hebreu 7:14

Wanhib'apito hã Zudaha nhihudu, te 're hâimana. Ãne hã dama waihu'u pese uptabi di, iwasu'u na hã. Mozési hã, Zudaha nhihudu norĩ ãma te te dama ãma rowasu'u õ di, sasedoti na te te da'ãma 're i'mairomhuri mono da hã.

Apocalipsi 1:1

Duréihã, 'Re ihâimana u'âsi mono hã ma tô Zezu Cristuhu ma awaihu'u siro, tô sena na za romhutu na 're iromhâimana mono zém na, tinhib'a'uwẽ norĩ ma, te te duré waihu'u siromo za'ra da. Tahawa, Zezusi hã ma tô hâiwa ãma romhuri'wa hã we satõ Zuwãhã u, marĩ te te tãma waihu'u da. Tawamhã ma tô itẽme wi. Itẽme wisi wamhã, Zezusihi ma, 'Re ihâimana u'âsi mono hã sõ'awi te te oto tãma iromhâi'rézém na ma tô Zuwãhã ma waihu'u. Ãhã wamhã, sõtõ 'rowim ne, ma tô marĩ hã 'madâ, da te 're irosawẽrẽ za'ra mono ne. Tahawa, tô sena na te za oto Zuwã hã ãne aima ãma rob'ui'éré za'ra wa'wa, waihu'u za'ra wa'aba da, uburé marĩ hã te te i'madâ'âzém na, tô sena 'Re ihâimana u'âsi mono nhimiwaihu'uzém na hã, Zezusi hã sena na te te iwaihu'uzém na.

Apocalipsi 22:16

Tawamhã Zezusihi mreme hã wa tô duré wapa. Ãne te ĩma tinha: — Wa hã Zezusi, wa tô hâiwa ãma ĩma romhuri'wa hã we atẽme satõ, ã hã te i'awaihu'u mono hã te te aima awaihu'u mono da, 'ri nho'õmo mono bâ ĩzazei'wa norĩ, siré 're isi'rã'õtõ u'âsi mono norĩ ma, awaihu'u mono da, isipai u. Wa hã apito Dawihi nhihudu, za isine ĩpire na te 're ida'ab'madâ'â mono. Wa hã awẽ u, wasi wawẽ 're ro'o pese mono ré, da'ãma 're i'awẽ za'ra mono ne, wa za romhâimanazép té, te dama 're apisutu, Ĩmama nhib'a'uwẽ norĩ ma.

Apocalipsi 3:21

“Duré, ni'wam norĩ hã tidâ'âzéb u ĩwi sipizari ãna Satanasihi ãma te te i'ai'uté za'ra norĩ hã, ta norĩ hã wa za pisutu za'ra, danhib'apito 're ĩsimasisi mono zéb ãma, ĩzababa 're si'ubumroi u'âsi mono da. Wa hã ĩdâ'âzéb u ĩsipi'rai õ na Satanasihi ãma te ai'uté wa, taha pari Ĩmama zababa oto 're ĩnhamra u'âsi mono ne, te za ta norĩ hã ĩzababa 're si'ubumroi u'âsi.

Apocalipsi 4:10

Nasi ãma wata za'ra siré, te nasi 24 na dama ipire za'ra norĩ hã danhib'apito simasisizém na isãmra nho're hi'rãtitõ ana, siré ãma wata za'ra da. Te duré nasi hi'rãtitõ si'ubumro sina, ti'rãzaza sani za'ra isõ're, tãma pire za'ra wa, ãma wata za'ra da.

Apocalipsi 4:4

Tawamhã danhib'apito simasisizé mana wawi te dasimasisizé hã aimasa, 24 na danhib'apito norĩ te ne hã. Taha na te asimro, dama ipire norĩ 24 na ihâiba za'ra norĩ hã, 'Re ihâimana u'âsi mono nhimiroti na si 're isõpré pese mono norĩ hã. Uza hâpa hâirã ré te asimro. Ẽtẽ waipo pré oru 'manharĩ na da'rãzaza ré zama te asimro.

Apocalipsi 5:4

Tahawa, wa tô sa'ẽtẽ aiwa'õ, 're idahâimana za'ra mono hã sada da'maihâimana õ wa, ipru'wa da hã, duré te te isabu da hã.

Apocalipsi 6:1

Tawamhã wa tô duré 'madâ. Te 'madâ'â wamhã, Pone'ẽrebâ hã da te dasiwi iwĩrĩ hã ma tô ibaihâ nhinha tob'ratatobzé imorĩ'rada hã pru. Tawamhã maparane si'uiwa na ropoto na ihâiba norĩ hã te imorĩ'rada hã hâ, mreme 'rãihâ na: — We aiwatobro.

Apocalipsi 7:13

Tawamhã ãma wata za'ra pari, ma tô 24 na dama ipire norĩ siré hã misi ĩ'mazadanha, ãne: — E 'wam norĩ, õ norĩ hã, da'uza hâpa hâirã ré hã. E ma hawi we idasi'aba'ré.