Apocalipsi 5:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa, wa tô sa'ẽtẽ aiwa'õ, 're idahâimana za'ra mono hã sada da'maihâimana õ wa, ipru'wa da hã, duré te te isabu da hã.

Apocalipsi 5:4 ပူးပေါင်းရင်းမြစ်များ

Apocalipsi 4:1

Taha za'u si, wa tô duré marĩ hã te ab'madâ'â, ĩnhotõ 'rowim ne. Hâiwa u wa tô rob'madâ. Te rob'madâ'â wamhã, wa tô 'madâ, hâiwa 'ridawa hã. Õne haré 'ridawa u'âsi na ihâiba hã. Tawamhã ni'wai mreme, mreme 'rãihâ na isimnhihârâzém hârâ ne te iwapari 'rata ne hã wa tô duré wapa. Ãne te ĩ'mahâ: — We ãwa aimorĩ hâimo, te aima awasu'u mono da, za 're iromhâimana mono zéb da hã ab'madâ'â mono da.

Apocalipsi 5:3

Tane nherẽ, ni'wa hã sada hâimana õ di hâiwa ãma hã, ipru'wa da hã, te te pru wa, ibaihâ nho'a'wa da hã, duré te te isõré da hã. Duré ti'ai ãma 're idahâimana za'ra mono hã sada da'maihâimana õ di. Duré ti'ai 'rowi adâ 're ihâimana za'ra mono hã ni'wai õ di, sada hã.

Apocalipsi 5:5

Tawamhã 24 na dama ipire norĩ te misi ĩma tinha, ãne: — Aiwa'õ tõ. Ma'ãpé 'madâ'â. Õhõta te za, hu'u zérépa, Zudaha nhihudu. Ta hã apito Dawihi nhihudu, za isine pire na te te 're ida'ab'madâ'â mono da hã. Ta hã uburé dama waihu'u pese uptabi di. Ta hã tinhitob'ru norĩ nhimiromhuri wasété nhiptetezé hã ma tô tiwi uprosi za'ra. Tahawa, te õhõ si sada tihâiba, 7 na i'uptobzé hã te te i'aprub da hã, duré ibaihâ isinhai ré te te isõ'a da hã.