Apocalipsi 5:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã wa tô duré 'madâ, ibaihâ isinhai ré hã. Danhib'apito simasisizém na isãmra hã te tinhib'rata nhimire niwĩ tété. Ibaihâ nhinha hã, i'ui'éré si'uiwa ré hã. Duré 7 na ihâiba hã i'uptob ré hã siwasihu tõ da, ni'wa te te duré sõré tõ da hã.

Apocalipsi 5:1 ပူးပေါင်းရင်းမြစ်များ

Daniéu 8:26

Tawamhã Gabriéu hã timreme, ma oto 'rãsutu: — Ma tô iwapari pa, rosawẽrẽ na hâiwahâ sidâpâsi duré mararé sidâpâsi marĩ zata na 're idanhoprub za'ra mono zém na, sena na ãma isaprĩzé hã. Tane nherẽ, marĩ i'a'madâ'â mono zém na ãma isaprĩzé hã ni'wai ma, wasu'u õ di za. E marĩ wa. Ã norĩ na za a'â we iromhâimana mono zé hã watobro su'u õ na dâ'âsina.

Apocalipsi 10:2

Tawamhã ibaihâ nhinha isurure te sõzi haré 're ti'â, tinhib'rata. Tawamhã â poré nhisiwi ma tô tipara nhimire niwĩmhã tipara hã tisã. Ti'a nhisiwi ma tô duré tipara nhimi'e niwĩmhã tipara hã tisã.

Apocalipsi 4:3

Tawamhã ãma isãmra hã te nasi hâibahai'ubuzi, ẽtẽ'ubuzi zarob'a uptabi ne hã. Duré ẽtẽ'ubuzi itobro'o préro'o ne hã te nasi ai'ubuzi. Tawamhã isimasisizé mana wawi, te tãiwaipo ne hã nasi ai'ubuzi, ẽtẽ'ubuzi ro'o uzé ne hã.

Apocalipsi 4:9

Ãne te ã norĩ hã maparane si'uiwa na ropoto na ihâiba norĩ hã nasi ãma tiwata za'ra, danhib'apito simasisizém na isãmra ãma, 'Re ihâimana u'âsi mono ãma. Waihu'u pese uptabi wa, te nasi ãma tiwata za'ra, duré sõpru uptabi wa.

Apocalipsi 5:13

Tawamhã wa tô duré wapa, uburé pese 'Re ihâimana u'âsi mono te te ida'apoto mono bâ, duré te te i'apoto mono bâ, ihâiba ré mono hã, hâiwa ãma, duré ti'ai ãma, duré ti'ai 'rowi adâ 're ihâimana za'ra mono zéb ãma, duré â 'rowi uburé pese ihâiba ré mono hã. Uburé pese te simisutu dasiwazari tazadawa'a'a ni, 'Re ihâimana u'âsi mono te te ida'apoto mono bâ. Ãne te tazadawa'a'a ni, ta norĩ hã: “Danhib'apito simasisizém na isãmra ãma, 're wawata u'âsi za'ra wa'aba mono. Duré Pone'ẽrebâi ãma, 're wawata u'âsi za'ra wa'aba mono. Wẽ uptabi zahuré wa ta norĩ hã, duré waihu'u pese uptabi zahuré wa, wa za ãma 're wawata u'âsi za'ra, õ norĩ ãma.”

Apocalipsi 5:7

Tawamhã Pone'ẽrebâ hã ma tô ai'ré, danhib'apito simasisizém na isãmra u, ibaihâ nhinha hã te te âri da, tinhimire niwĩ te te itédé hã. Tawamhã Pone'ẽrebâ hã ma tô ti'â, ibaihâ nhinha hã.

Apocalipsi 6:1

Tawamhã wa tô duré 'madâ. Te 'madâ'â wamhã, Pone'ẽrebâ hã da te dasiwi iwĩrĩ hã ma tô ibaihâ nhinha tob'ratatobzé imorĩ'rada hã pru. Tawamhã maparane si'uiwa na ropoto na ihâiba norĩ hã te imorĩ'rada hã hâ, mreme 'rãihâ na: — We aiwatobro.

Apocalipsi 6:16

Tawamhã ẽtẽ 'rãihâ norĩ ma, te nasi si'mahârâ za'ra, ẽtẽ tõmo wawẽ norĩ ma zama. Ãne te nasi tãma si'mahârâ za'ra: — Ma'ãpé, wanhisiwi we airere'e aba mono, wa'upsibi za'ra wa'aba mono da, hâiwa ãma danhib'apito simasisizém na isãmra hã te te wa'asãmri tõ da. Duré Pone'ẽrebâ nhimihâzé wi, wanhisiwi we asa'wari aba, tiwi wazuwa za'ra wa'aba da.

Apocalipsi 8:1

Tawamhã 7 ãma hã ibaihâ nhinha uptobzé, ma tô Pone'ẽrebâ hã 'ridawa. Te te 'ridawa wi, ma tô duré oto rowarõtârâ. Ma tô duré tirob'é'é pese, hâiwa ãma hã. Bâtâ pibuzé za'ratazém na aiwa ma tô ãma aipo'o, ãma ronomro ré hã, rowarõtâ'â ré.