Apocalipsi 22:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã Zezusi hã te duré irẽme ma siwasu'u, ã te ãma i'arob'ui'éré mono na te te ĩma i'awaihu'u mono 'wa hã. Ãne te siwasu'u: — Tô sena, wa za wei morĩ su za apâ. Tane tô. Wanhib'apito Zezusi apâ we aimorĩ su'u za tô.

Apocalipsi 22:20 ပူးပေါင်းရင်းမြစ်များ

Zuwã 21:25

Zezusi hã te te dama 're i'arob'manharĩ wẽ mono zé hã ahâ uptabi di, da te ãma irob'ui'éré za'ra õ hã. Da te ãma rob'ui'éré za'ra 'wa'âhã, aré tãma rob're su'ure di ibaihâ ma hã, duré ti'ai ãma hã. Nimame aré duré 're isimi'wara mono zéb da hã mare di.

1 Corĩtu 16:22

Wanhib'apito zawi'õ'wa norĩ ma, 'Re ihâimana u'âsi mono hã, rowẽ'õ te te tãma 're apisutu mono za. Wanhib'apito, apâ we aimorĩ su'u za.

Hebreu 10:37

Duréihã 'Re ihâimana u'âsi mono zadawa 'mahârâ'wa hã ma tô ãne imreme na rob'ui'éré, Cristuhu wasu'u na hã: “Ta hã za we imorĩ hã niwamhã oto wei morĩ wamhã, sô rowaptâ'â õ di za. Romhutu na te za tô wei mo.

Hebreu 9:28

Tane ma tô duré Cristu hã misi haré dazada dârâ, dawasédé hã da'ahâ na te te oto dama ãma 're i'apari mono zéb da hã. Tawamhã niwa ti'ai u apâ wei morĩ zahu wamhã, ta hã oto dazada dâ'â da hã, wei morĩ õ di za, taha zarina dawasédé hã te te duré dama 're apari mono da hã. Ãne hã mare di za. Sô 're isimipari za'ra mono norĩ si, te te oto isõ'reptui pese za'ra da si, te za wei mo apâ Cristu hã, ta norĩ zô si.

Apocalipsi 1:18

Wa tô dârâ aré. Ĩdâ'â nherẽ, wa oto tô 're ĩhâimana u'âsi. Duré oto ĩdâ'â waihu'u õ di za. Ma'ãpé, ãne na hã awaihu'u pese. Te ĩsima ipisutuzéb zarina, wa te te 're da'anho'reptu, adâ 're ihâimana za'ra mono zém hawi, 'Re ihâimana u'âsi mono 'rata, oto 're dahâimana u'âsi za'ra mono da.

Apocalipsi 2:16

Ma'ãpé ãhã na hã aihâimana wasédé hã sahâri za'ra wa'aba, aiwasété wi 're aipizari za'ra wa'aba mono da, 'Re ihâimana u'âsi mono u. Aihâimana wasédé hã sahâri za'ra wa'aba õ wamhã, wa za ãma atẽme ĩmorĩ su'u za'ra wa'wa, 're aihâimana wasété za'ra wa'aba mono norĩ hã ĩzadai'ré hawi sib'ézé 'wa si'uiwa isa'o na te ai'wapé za'ra wa'aba da.

Apocalipsi 22:10

Tawamhã te duré ĩma tinha, ãne: — Ãhã wasu'u hã za iromhâimana mono zém na i'arob'ui'éré mono hã asima sawi õ di za. Sõ'awi te za dama ãma 're i'arowasu'u mo, iromhâimanazéb da hã za ãma ronomro õ wa.

Apocalipsi 22:12

Tawamhã Zezusihi mreme hã wa tô duré wapa, tizazei'wa norĩ te te ipo're pu'u za'ra zém na hã. Ãne te tinha: — Ma'ãpé waihu'u pese za'ra wa'aba. Wa za wei morĩ su za apâ hã. We ĩmorĩ wamhã, ĩnhimipawa'âbâzéb da hã wa za we ĩsiré âri siro za, da te ĩma 're iromhuri wẽ za'ra mono zéb zarina te ãma ida'apawa'âbâ mono zéb da hã.

Apocalipsi 22:18

Wa hã Zuwã hã, wa za oto ãma aipo're pu'u siromo za'ra wa'wa ĩmreme pire na, ãhã wasu'u na, ã ibaihâ na, za iromhâimana mono zém na te ãma i'arob'ui'éré mono, 're iwapari za'ra wa'aba mono norĩ hã. Ni'wam norĩ hã ãhã wasu'u hã siwa'ru sihawim na te te ãma 're sa'ẽtẽ za'ra mono wamhã, te za 'Re ihâimana u'âsi mono hã te te 're hâ za'ra, ã ibaihâ na te te dama 're irob'manharĩ pipa mono zé isimi'wara mono zarina. Taha na, te za te te tãma ãma 're sisiwi za'ra, i'ahâri na hã.

Apocalipsi 22:7

Tawamhã Zezusihi mreme hã wa tô wapa, tizazei'wa norĩ te te ipo're pu'u za'ra zém na hã. Ãne te tinha: — Ma'ãpé, waihu'u pese za'ra wa'aba. Wa za wei morĩ su za apâ hã. Ãhã wasu'u hã tô sena, ibaihâ na za iromhâimana mono zém na ãma irob'ui'éré hã ni'wa ta hã te te 're wapari pese mono wamhã, tãma 're rowẽ u'âsi mono di za.