Apocalipsi 21:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã duré 'ridawa za'ẽtẽ mono hã 'ri nho'õmo 'wawi wa'ra 'ridawa za'ẽtẽ mono hã te za 'ridawa haré 're simasab u'âsi, õne u'âsi sitob ãna. Tame oto 're mara waihu'u mono õ wa, te za 'ridawa haré 're simasab u'âsi.

Apocalipsi 21:25 ပူးပေါင်းရင်းမြစ်များ

Apocalipsi 21:12

Duré 'ri nho'õmo 'wawi wa'ra hã 'rãihâ uptabi di. 'Ridawa isa'ẽne hã 12 na ihâiba hã. Bâtâ pusizém niwĩmhã si'ubdatõ 'ridawa isa'ẽne hã, duré bâtâ zasizém niwĩmhã, duré tô si'ubdatõ 'ridawa isa'ẽne hã. Duré hâiwa nhimire niwĩmhã, duré tô si'ubdatõ. Duré hâiwa nhimi'e niwĩmhã, duré tô si'ubdatõ, 'ridawa isa'ẽne hã. Uburé hã 12 na ihâiba hã. Duré 'ridawa za'ẽtẽ mono bâ te hâiwa ãma 'Re ihâimana u'âsi mono ma romhuri'wa norĩ hã misi si simasa, 'ridawa 'madâ'â'wa norĩ hã. Duré 'ridawa za'ẽtẽ mono bâ rob'ui'éré mono hã misi si, 12 na Izaraéu 'ra nhisi mono na.

Apocalipsi 21:15

Tawamhã hâiwa ãma romhuri'wa hã te te ĩma inharĩ hã te wedehu waré ne hã 're ti'â, marĩ pibuzé hã, ẽtẽ waipo pré oru 'manharĩ hã. 'Ri nho'õmo zada'ré te te ãma ipibuzéb da hã te 're ti'â, duré 'ridawa isa'ẽtẽ mono pibuzéb da zama, duré 'ri nho'õmo 'wawi wa'ra pibuzéb da zama.

Apocalipsi 21:23

Duré 'ri nho'õmo na hã bâdâ te te 're rob'uiwẽ mono õ di za oto, duré a'amo zama hã. 'Re ihâimana u'âsi mono nhimirowa'a si te za oto te te 're rowa'a, Pone'ẽrebâ nhimirowa'a zama.

Apocalipsi 22:5

Tamemhã 're mara waihu'u mono õ di za. 'Re robra waihu'u mono õ na dâ'âsina, rob'uiwẽzém na da te 're rob'uiwẽ za'ra mono õ di za oto. Duré bâdâ hã te te 're rob'uiwẽ mono õ di za oto. Uburé Danhib'apito uptabi, 'Re ihâimana u'âsi mono si te za te te dama 're rowa'a. Tawamhã isib'a'uwẽ norĩ hã te za isadawa para pire na 're hâimana u'âsi za'ra, õne u'âsi.