Apocalipsi 21:11 - ꞌRe Ihâimana Uꞌâsi Mono Zadawa Wasuꞌu

¹¹ 'Re ihâimana u'âsi mono nhimirowa'a na, te 'ri nho'u hã tirowa'a za'ẽtẽ. Ẽtẽ'ubuzi zarob'a si'ubuzi ne, ma ai'ubuzi, 'ri nho'u hã.

Apocalipsi 21:11 ပူးပေါင်းရင်းမြစ်များ

Apocalipsi 15:8

Tawamhã hâiwa ãma 'Re ihâimana u'âsi mono nhorõwa 'ri 'remhã ma tô romnhizé hã rob'utõ, 'Re ihâimana u'âsi mono nhimirowa'a za'ẽtẽ hawimhã. Tawamhã 'ri para u 're danhisisi waihu'u mono õ di za, a'â. 7 na rob'manharĩ pipa na hâiwa ãma romhuri'wa norĩ te te dama 're rob'manharĩ 'rãsutu za'ra mono parip si, te za 're danhisisi.

Apocalipsi 22:1

Tawamhã hâiwa ãma 'Re ihâimana u'âsi mono ma romhuri'wa hã, tô õ hã ma tô duré ĩzaprõ, â u'â hã te 'madâ'â da. Â u'â hã da te 're âhuri mono wa, dato sina 're idanomro u'âsi mono zé hã. Simhi zarob'a uptabi ne â zarob'a uptabi di, â u'â hã. Panho'u 're ipraba za'ra mono ne, te 'Re ihâimana u'âsi mono norĩ simasisizéb zahâpâ hawi tipraba, Pone'ẽrebâ simasisizéb zahâpâ hawi me.

Apocalipsi 22:5

Tamemhã 're mara waihu'u mono õ di za. 'Re robra waihu'u mono õ na dâ'âsina, rob'uiwẽzém na da te 're rob'uiwẽ za'ra mono õ di za oto. Duré bâdâ hã te te 're rob'uiwẽ mono õ di za oto. Uburé Danhib'apito uptabi, 'Re ihâimana u'âsi mono si te za te te dama 're rowa'a. Tawamhã isib'a'uwẽ norĩ hã te za isadawa para pire na 're hâimana u'âsi za'ra, õne u'âsi.

Apocalipsi 4:3

Tawamhã ãma isãmra hã te nasi hâibahai'ubuzi, ẽtẽ'ubuzi zarob'a uptabi ne hã. Duré ẽtẽ'ubuzi itobro'o préro'o ne hã te nasi ai'ubuzi. Tawamhã isimasisizé mana wawi, te tãiwaipo ne hã nasi ai'ubuzi, ẽtẽ'ubuzi ro'o uzé ne hã.