Apocalipsi 20:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã daro mono bâ te za oto dasiwi romnhitom ni. Da te dasiwi romnhito wamhã, te za 'ri nho'u hã dasiwi ubu ni, 'Re ihâimana u'âsi mono te te 're isawi mono hã, isib'a'uwẽ norĩ, iwa 're ihâimana za'ra mono zé hã. Ta norĩ hã da te dasiwi uprosi da, te za dasiwi ubu ni. Tane nherẽ, 'Re ihâimana u'âsi mono hã te za hâiwa hawi uzâ hã sãmra. Te te sãmra wamhã, te za ãma da'uprosi, unhama ro'o na.

Apocalipsi 20:9 ပူးပေါင်းရင်းမြစ်များ

Zenezi 19:24

Wisi wi, ma tô Uburé Danhib'apito, hâiwa hawi tã 're ita'a mono ne unhama norĩ, ẽtẽ ro'o nhizédé uzé pire me sisa'wari zahuré mono da hã 'manha, Sodoma norĩ nhisiwi Gomora me.

Luca 17:29

Tawamhã bâtâ na, Sodoma hawi Loho watobrozém na hã ma tô dasi'utõrĩ. Tã we ita'a ne, ma we uzâ hã asa'wa ti'ai u, ẽtẽ ro'o nhizédé uzé pire zama. Tahawa, ma uburé dasi'utõrĩ.

Luca 19:43

Niwapsi, te za danhitob'ru norĩ hã daré 'ri uirĩ za'ra. Ti'a za'wari na te za te te 're 'ri uirĩ za'ra, imana wawi, 're dawairébé tõ mono da, nimomo.

Luca 21:20

Tawamhã Zezusi hã ma duré tãma waihu'u siromo za'ra, ãne: — Niwapsi te za dasi'wapéi 'manharĩ'wa norĩ hã Zeruzalẽ u aihutu, 'ri 'wawi wa'ra, te te siwi uirĩ da. Ta norĩ hã 'madâ'â za'ra wa'aba wamhã, te za iwaihu'u siromo za'ra wa'wa, za te te daré i'ri nhamra mono zém na hã.

Luca 9:54

Tawamhã samaritanu norĩ wasu'u, ma tô wapari zahuré, Tiagu norĩ hã, Zuwãhã me. Iwasu'u hã te te wapari zahuré wamhã, te Zezusi 'mahârâ zahuré, ãne: — E aima wẽ di, unhama zô wahârâ da, hâiwa hawi we te te da'uprosi da.

2 Tesalonita 1:8

Tawamhã unhama ro'o wa'wam ne na, te za we nhamra, Zezusi hã. Niha na te za ãhã wamhã dama arob'manha, 'Re ihâimana u'âsi mono, da te dasima 're iwẽ'õ pese za'ra mono norĩ ma, duré Wanhib'apito Zezusihi nhiminho'reptuzém na, iwasu'uwẽ te te 're isazei õ za'ra mono norĩ ma zama.

Hebreu 13:13

Tahawa, wa za oto wa norĩ hã Zezusihi u si dawi 're wawairébé, taha si tô sena te te 're wa'anho'reptui mono da. Tahawa, wa za tô, 're idanomro 'rata mono zé hã, wa te 're rẽme pese za'ra. Zezusi hã wazada dâ'â wa, da te dasiwi i'ruiwapari ne, da te 're wa'ruiwapari za'ra mono da nherẽ, wa za tô itẽme 're wawairébé, 're iwanomro 'rata mono zém hawimhã, Zezusihi u hã.

Apocalipsi 11:5

Tawamhã ni'wa hã te te tãma rob'manharĩ wasété zahuré da nherẽ, te za tizadai'ré hawi unhama ro'o na wĩrĩ zahuré. Ãne na te za si'utõrĩ isitob'ru norĩ hã, te te tãma 're rob'manharĩ wasété za'ra mono da nherẽ.

Apocalipsi 13:13

Tawamhã ti'ai hawi ropoto pipa hã ma tô te te 're aromhõsi, marĩ iwaihu'u'õ na, dama isa'rese'õ na. Hâiwa hawi unhama ro iwaptã'ã na ma tô datõmo nho'a romhõsi.