Apocalipsi 20:5 - ꞌRe Ihâimana Uꞌâsi Mono Zadawa Wasuꞌu

⁵ Ã hã, 're idahâiwa'utu 'rata za'ra mono zé. Tawamhã miu na wahub 'rãsutu parip si, ma tô daro mono bâ uburé pese 're idadâ'â za'ra mono hã tahâiwa'utu za'ra ni, dahâiwa'utu 'rata na 're idahâiwa'utu za'ra mono õ norĩ hã. Ãne wa tô te te ab'madâ'â.

Apocalipsi 20:5 ပူးပေါင်းရင်းမြစ်များ

Luca 14:14

Ãne wamhã, aima 're rowẽ mono di za. E marĩ wa. Ta norĩ hã simarĩ õ di, marĩ na te te aima ãma iwa'rãmi za'ra zéb da hã. 'Re ihâimana u'âsi mono si, te za asõprubzé wa'rãmi aima tisõ. 'Re inomro wẽ mono norĩ te te ahâiwa'utu wapsi, te za aima ãma uwaimra.

Roma 11:15

Ta norĩ hã te te 're saze za'ra mono õ wa, ma tô 'Re ihâimana u'âsi mono hã asa te te siwi 're awẽ'õ, a'â. Ãne wa, ma tô a'â ai'ãma si 're siwadi za'ra wa'wa, zudeu'õ norĩ ãma. Tane nherẽ, ta norĩ hã niwapsi 'Re ihâimana u'âsi mono u, apâ 're isipizari za'ra mono zéb zarina, te te 're wẽsãmri za'ra mono wa, te za oto rowẽ uptabi na 're hâimana za'ra, iwasédé hã te te oto ãma 're i'ab'madâ'â mono õ zarina. 'Re dadâ'â za'ra mono wa, apâ 're dahâiwa'utu za'ra mono wa, dama 're irowẽ za'ra mono ne, te za oto ta norĩ hã rowẽ uptabi na 're hâimana za'ra.

1 Tesalonita 4:16

Tô sena, Wanhib'apito hã te za wei wazô si'ra za'ra, hâiwa hawi. Tawamhã te za tãma wa'ru za'ra, hâiwa ãma tãma iromhuri pese 'wai ma. Hâiwa ãma tãma iromhuri pese 'wa hã, te za wei hâ, hârâ 'rãihâ na, 'Re ihâimana u'âsi mono nhimnhihârâzém na. Tawamhã isazei'wa norĩ hã 're idâ'â za'ra mono norĩ hã, te za uimrehẽne apâ hã hâiwa'utu za'ra za.

Apocalipsi 11:11

Tawamhã si'ubdatõ bâdâ, ãma ineb zahuré zé wãiwa pari, te za 'Re ihâimana u'âsi mono hã ipẽ'ẽzani hã apâ tãma sõmri zahuré, hâiba ré 're neb zahuré da apâ. Taha pari, te za oto hâiwi aima'wara zahuré. Sima'wara zahuré wamhã, te za tãma tapẽ'ẽwara za'ra ni, da te i'madâ'â za'ra norĩ hã.

Apocalipsi 11:15

Tawamhã 7 ãma hâiwa ãma romhuri'wa hã ma tô tinhimnhihârâzém na amnhihârâ. Simnhihârâ wi, hâiwa ãma damreme 'rãihâ hã wa tô wapa. Ãne te nharĩ za'ra: — Satanasihi nhimi'madâ, 're danomro mono da, ma tô da te dasima 're wẽ za'ra aré, daro mono bâ. Tane nherẽ, ropâ te za oto 'Re ihâimana u'âsi mono nhimi'madâ'â si 're danomro, Wanhib'apito nhimi'madâ hã. Danho'reptui'wa da, te te ipisutu nhimi'madâ'â zama te za 're dahâimana za'ra oto. Wanhib'apito hã te za tô te te 're da'ab'madâ'â u'âsi oto, õne u'âsi.