Apocalipsi 19:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã wa tô duré wapa, da'ahâ uptabi na 're idamreme zusi mono mreme hã. Â'a'a 'rãihâ ruru'u ne, damreme hã. Duré tãiwapsa'a za'ẽtẽ rãrã'ã ruru'u ne, damreme hã. Ãne te damreme 'rãihâ na nharĩ za'ra ni: — Uburé Danhib'apito uptabi, iwaihu'u pese uptabi hã ta hã danhipai u, pire uptabi na te 're hâimana, 'Re ihâimana u'âsi mono hã. Tahawa, ãma 're wawata u'âsi za'ra wa'aba mono za.

Apocalipsi 19:6 ပူးပေါင်းရင်းမြစ်များ

Salmu 47:2

E marĩ wa. Uburé Danhib'apito, danhipai u pese 're hâimana mono wa, wazé pese na. Ta hã apito iwaihu'u pe, isiptede te uburé dama i'rãnho'õmo na dama 're hâimana, daro mono bâ.

Salmu 47:7

'Re ihâimana u'âsi mono ãma asõ're na ãma 're aiwata za'ra wa'aba mono, ta hã daro mono bâ uburé a'uwẽ norĩ ma, apito na 're hâimana mono wa.

Mateu 6:13

Duré, 're wa'ab'madâ'â nhimini mono õ di za, Wa'uburé hã te te 're wa'a'upi mono wa, wawasété u 're warere'e tõ mono da. Ma'ãpé, 're wa'anho'reptui u'âsi mono, iwasété uptabi wi.”

Apocalipsi 1:15

Duré ipara hã ẽtẽ topsada brõzi ne, te 're si'ubuzi zahuré. Duré imreme hã, â'a'a 'rãihâ ruru'u ne.

Apocalipsi 1:8

'Re ihâimana u'âsi mono, dama isiwaihu'uzé hã, ãne: “Wa hã imorĩ'rata na, wa tô 're ĩhâimana u'âsi. Õne u'â, wa za duré 're ĩhâimana u'âsi. Uburé marĩ hã si'utõrĩ pese nherẽ, duré wa hã isarina za'ra ĩsi'utõrĩ da hã mare di za.”

Apocalipsi 12:10

Tawamhã wa tô duré ni'wai mreme hã wapa. Mreme 'rãihâ na te tinha: — 'Re ihâimana u'âsi mono hã ma tô oto wa'anho'reptuzém na wama ãma uwaimra, wanhitob'rui wi. Danhib'apito na siptete na te te 're ida'ab'madâ'â mono zé hã ma tô duré dama hâi'ré oto. Duré Danho'reptui'wa da, te te ipisudu hã te duré isiré te te 're da'ab'madâ'â oto, waihu'u pese na. Wasiré isazei'wai ãma, awẽ sidâpâsi simizazâri ãna iwasédé hã te te ãma 're i'aza'ra mono hã ma tô oto 'Re ihâimana u'âsi mono hã sihawi time hâiwa hawi, ti'ai u, Wa'uburé hã.

Apocalipsi 14:2

Tawamhã wa tô duré wapa, hâiwa hawi ni'wai mreme hã. Â'a'a 'rãihâ ruru'u ne, imreme hã. Duré tãiwapsa'a za'ẽtẽ rãrã'ã ruru'u ne, imreme hã. Rowamreme'wa, tinhimirowamremezém na te te 're irowamreme za'ra mono ne, imreme hã.

Apocalipsi 19:1

Taha pari, wa tô duré wapa, hâiwa ãma da'ahâ uptabi na damreme 'rãihâ na da te inharĩ za'ra ne hã. Ãne te damreme 'rãihâ na nharĩ za'ra ni: — Wanhib'apito 'Re ihâimana u'âsi mono ãma 're wawata u'âsi za'ra wa'aba mono. Ta hã Danho'reptui'wa. Danhipai u wẽ uptabi di, duré waihu'u pese uptabi di.

Apocalipsi 19:4

Tawamhã 24 na dama ipire za'ra norĩ hã duré maparane si'uiwa na ropoto na ihâiba norĩ hã ma tô hi'rãtitõ ana, 'Re ihâimana u'âsi mono ãma wata za'ra da, danhib'apito simasisizém na isãmra ãma. Ãne te ãma tiwata za'ra: — Tane tô. 'Re ihâimana u'âsi mono ãma si 're wawata u'âsi za'ra wa'aba mono.

Apocalipsi 21:22

Tawamhã 'ri nho'õmo ãma 'Re ihâimana u'âsi mono nhorõwa 'ri hã iwa ihâimana hã sãmri õ di. Robaba di. Uburé Danhib'apito uptabi hã, 'Re ihâimana u'âsi mono iwaihu'u pe hã, duré Pone'ẽrebâi me oto 'râwi da'rata 're hâimana u'âsi zahuré mono na dâ'âsina, isõrõwa hã oto hâimana õ di.

Apocalipsi 4:5

Duré danhib'apito simasisizém hawi te tã si'ubuzi ne hã nasi ai'ubuzi, iwapsa'a zama, duré irãrã'ã zama. 'Rãsitõ hã te duré isõ're tiro'o za'ra, 7 na ihâiba hã, iro'o hâ hã. Ta norĩ hã 'Re ihâimana u'âsi mono pẽ'ẽzani nhimiromhurizéb zarina hã 7 na. Â poré hã te duré isõ're nomro. Â hã isarob'a uptabi, simhi isarob'a uptabi ne hã. Maparane si'uiwa na ropoto na ihâiba norĩ hã te duré 'râwi imana wawi si'uiwada za'ra. Ã norĩ hã ihâiba nho're niwĩ itob ahâ. Duré ibabarã niwĩmhã tob ahâ di duré. Ã norĩ hã tob ahâ wa, ihâiba upsibi ré norĩ hã wa tô 'madâ'â za'ra.

Apocalipsi 6:1

Tawamhã wa tô duré 'madâ. Te 'madâ'â wamhã, Pone'ẽrebâ hã da te dasiwi iwĩrĩ hã ma tô ibaihâ nhinha tob'ratatobzé imorĩ'rada hã pru. Tawamhã maparane si'uiwa na ropoto na ihâiba norĩ hã te imorĩ'rada hã hâ, mreme 'rãihâ na: — We aiwatobro.

Apocalipsi 8:5

Tawamhã hâiwa ãma romhuri'wa hã ma tô pré'a 'manhe, u'awire ne hã oru 'manharĩ 're, wedewati isadaze nhemezéb 're. Wedeza ne na, wedewati zadaze hã da te 're izata za'ra mono zém hawi ma tô pré'a 'masisi. Te te 'masisi wamhã, ma tô õne haré ti'ai u sa'wa, uzâ hã. Te te sa'wari wamhã, ma tô tãiwapsa hã watobro, duré tãirãrã'ã hã. Tãsi'ubuzi zama, ma tô duré watobro. Ma tô duré ti'ai popo hã watobro.