Apocalipsi 19:15 - ꞌRe Ihâimana Uꞌâsi Mono Zadawa Wasuꞌu

¹⁵ Duré awaru irã na isãmra zadai'ré hawimhã, te sib'ézé 'wa si'uiwa i'wa pe hã aipra. Taha na, te za da'ãma ai'uté, daro mono bâ 're idahâimana wasété za'ra mono norĩ ãma hã. Simiwada'uri nhiptete na te za duré te te 're da'awada'uri. Uwa 'ru 'rã hã ẽtẽ're 're, iwa'u zô da te 're wati za'ra mono wamhã, te za iwa'u hã 're pu'u za'ra. Tane te za dawapru hã dawi 're pu'u za'ra, 'Re ihâimana u'âsi mono isiptete uptabi hã sa'ẽtẽ te te 're da'ahâ za'ra mono wamhã.

Apocalipsi 19:15 ပူးပေါင်းရင်းမြစ်များ

Salmu 2:9

Tawamhã isi'uwazi waré na te za ta norĩ hã 're i'anhi'ẽi'rare mo, zé'a na ub'rẽ da te 're iprub za'ra mono ne.’ ”

Zuéu 3:13

A'uwẽ norĩ wasédé hã sa'ẽtẽ uptabi di. Tahawa te za ta norĩ hã asiwi i'uprosi 'wa, trigu 're 'rãi 'ré za'ra mono wa, da te dasiwi 're itehâri za'ra mono ne, duré uwa 'rã iwa'u zô, da te 're iwati'i za'ra mono ne, i'rãi wa'u hã 're ipu'u za'ra mono zéb u isémezém hawimhã.”

2 Tesalonita 2:8

Tawamhã iwasété uptabi hã te za we sihâi'ré oto, danho'a te te romhuri da. Tane nherẽ, Wanhib'apito Zezusi hã wei morĩ wamhã, tizadawa wa'u'u na te za tiwĩ. Rowa'a za'ẽtẽ ré wei wisi wamhã, taha wamhã iwasété uptabi hã tâibâ za oto.

Apocalipsi 1:16

Wasi hã 7 na te tété za'ra, tinhib'rata nhimire niwĩ. Duré isadai'ré hawimhã, sib'ézé 'wa si'uiwa 'wa pa te da'o, i'wa pe hã. Duré i'ubu hã te rowa'a za'ẽtẽ. Abzuma bâdâ te te 're irowa'a mono ne, te rowa'a za'ẽtẽ.

Apocalipsi 12:5

Tawamhã ma tô tãma waptãrã aibâ na, simiwada'uri nhiptete na za daro mono bâ te te 're ida'awada'uri mono da hã. Tawamhã ma tô tiwi âri ni, 'Re ihâimana u'âsi mono u, danhib'apito simasisizém na 're isãmra mono u, isiré danhib'apito na 're hâimana mono da.

Apocalipsi 19:21

Tawamhã awaru irã na isãmra hã tizadai'ré hawi sib'ézé 'wapa i'wa pese si'uiwa zahuré na ma tô uprosi, uburé pese da'wapéi'wa norĩ hã. Uburé ma sõ'rebzâri pese. Tawamhã si norĩ hã danhi na saihuri mono wa, ma tô te te 'mahâpãrĩ pese.

Apocalipsi 2:12

— Te za oto irob'ui'é, Pegamu na 'ri nho'õmo nhisi ãma ĩzazei'wa norĩ 'madâ'â'wai ma. Te aima iwaihu'uzéb zarina te za tãma irob'ui'é, ãne: “Wa hã sib'ézé 'wa si'uiwa 'wa pa pese ré ĩza hã, wa aima roti za'ra wa'wa, i'wa pese ré hã.

Apocalipsi 2:16

Ma'ãpé ãhã na hã aihâimana wasédé hã sahâri za'ra wa'aba, aiwasété wi 're aipizari za'ra wa'aba mono da, 'Re ihâimana u'âsi mono u. Aihâimana wasédé hã sahâri za'ra wa'aba õ wamhã, wa za ãma atẽme ĩmorĩ su'u za'ra wa'wa, 're aihâimana wasété za'ra wa'aba mono norĩ hã ĩzadai'ré hawi sib'ézé 'wa si'uiwa isa'o na te ai'wapé za'ra wa'aba da.