Apocalipsi 19:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã hâiwa ãma da'wapéi'wa norĩ hã te duré isarina sisa're, awaru irã na uza hâirã wẽ uptabi na.

Apocalipsi 19:14 ပူးပေါင်းရင်းမြစ်များ

Provébiu 31:22

Tinhimiwaptâ ubuzé hã te duré te te sima 're ab'manharĩ. Abazi isõrõ 'raprihâire 'manharĩ na si te duré 're si'uza, ihâpré warõ iwa'âbâ za'ẽtẽ na si.

Mateu 21:5

“Ma'ãpé, tãma rowasu'u za'ra wa'aba, Siã na ẽtẽ 'rãihâ nhisi ãma 're idasi'ubumroi mono norĩ ma, ãne: ‘Õhõta te we oto atẽme timorĩ 'wa, asib'apito za'ra wa'wa hã. Ta hã dazada 're ihâimana mono õ isimizawi pe te we ãma mo, awaru po'repore na, ipréduptém na hã.’ ”

Mateu 26:53

Te ĩsima wẽ 'wa'âhã, wa aré Ĩmama wi waptẽ, hâiwa ãma tãma iromhuri'wa norĩ hã ahâ uptabi na te te we ĩtẽme satõrĩ za'ra da, ãhã na ĩ'ãma sisaprĩ za'ra da, dawi. E ãne na ĩ'ãma rosa'rada hã waihu'u ã bâ bété.

Mateu 28:3

Tã si'ubuzi ne ihâiba hã. I'uza hã duré rã uptabi di.

2 Tesalonita 1:7

Duré te za te te 're aipawaptob za'ra wa'wa, rowẽ na si 're aihâimana za'ra wa'aba mono da. Wa norĩ zama, robzépata na 're iwahâimana za'ra mono norĩ zama, te za te te 're wapawaptob za'ra, rowẽ na si 're wahâimana za'ra mono da. Tô sena, te za Wanhib'apito Zezusi hã wei wama sihâi'ré za'ra hâiwa hawi, te te tãma 're iromhuri pese za'ra mono norĩ me. Tawamhã wei morĩ wamhã, te za tô dahâ za'ra. Te za duré wa norĩ hã wapawaptob za'ra.

Zuda 1:14

Duréihã Enoqui hã te 're hâimana, Adãhã 'ra nhihudu hã. Ta hã ma tô romhâ ré da'ãma waihu'u siro, 're idahâimana wasété za'ra mono norĩ ãma hã. Ãne ma tô da'ãma waihu'u siro: “Ma'ãpé waihu'u za'ra wa'aba. Wanhib'apito te za wei mo. Tãma iromhuri'wa norĩ hã ahâ uptabi na te za we isiré ai'aba'ré.

Apocalipsi 14:1

Tawamhã wa tô duré 'madâ. Te 'madâ'â wamhã, Pone'ẽrebâ hã wa tô 'madâ tô, da te dasiwi iwĩrĩ hã. Siã na ẽtẽ 'rãihâ nhisiwi te ta hã za. Duré 144 miu na dahâiba hã te isiré aimasam ni, isisi na i'uihâ ui'éré ré mono hã, duré Imama nhisi na zama i'uihâ ui'éré mono hã.

Apocalipsi 14:20

Tawamhã uwa 'ru 'rã, ẽtẽ're 're te te anhamra mono wamhã, ma tô a'rãiwati, iwa'u zô. 'Ri nho'õmo nhiti da te 're iwati za'ra mono zéb 're, ma tô a'rãiwati. Te te awati wamhã, dawapru na iwa'u hã tawamhã, ma tô puru, ẽtẽzapu'u hawi. Pu'u wamhã, â wara tete ne te tipraba, dawapru na iwa'u hã. 300 na ti'ai pibuzéb zarina te tipraba, dawapru hã. Duré misi ipibuzé wãiwa, ma ti'â'masisi hâimo, â 'rehâ prã na.

Apocalipsi 17:14

Te za duré ropoto siwamnarĩ siré siwi 'wapé, Pone'ẽrebâ hã. Tane nherẽ, te za Pone'ẽrebâ hã ãma ai'uté za'ra. Ta hã Pone'ẽrebâ danhipai u Uburé Danhib'apito uptabi na 're hâimana mono wa, duré danhipai u dama pire na 're hâimana mono wa, te za ãma ai'uté za'ra. Ni'wam norĩ hã isirã zarina si 're nomro mono da, Pone'ẽrebâ te te 're i'apisutu mono norĩ hã, duré simi'ẽ na õhõ ãma si 're inomro mono norĩ hã, te za Pone'ẽrebâ siré ãma ai'uté za'ra, ropoto siwamnarĩ norĩ ãma hã.

Apocalipsi 19:11

Taha pari, wa tô duré 'madâ. Te 'madâ'â wamhã, ma tô ĩma si'ridawa, hâiwa hã. Tawamhã awaru irã hã wa tô 'madâ. I'mapraba'wa nhisi hã, sena na Dama i'umnhasi na. Duré isisi amo hã, Tô sena uptabi na, isisi hã. Ta hã dawasédé hã da te 're i'manharĩ za'ra mono zéb zarina te te 're da'awẽ'õ mono wamhã, tô i'uwaibaba si te te 're da'awẽ'õ. Tô isarina si te duré te te 're da'ahâ za'ra, te te ãma 're upai mono ãna. Duré dawasété na 're idanomro mono norĩ hã te te 're 'wapé za'ra mono wamhã, tô isarina si te te tãma 're rob'manharĩ za'ra, te te ãma 're upai mono ãna.

Apocalipsi 19:8

Za ãma imro ma hã, ma tô 'Re ihâimana u'âsi mono hã tãma tisõ, i'uzazé hâirã wẽ uptabi hã, ãma isi'uza da hã. Ãma imro da uzazé hã 'Re ihâimana u'âsi mono nhib'a'uwẽ te te 're iromhuri wẽ za'ra mono zé, te wasu'u.

Apocalipsi 3:4

Tane nherẽ, nima norĩ si Sadési ãma 're aihâimana za'ra wa'aba mono norĩ hã te ĩ'ãma 're anomro wẽ wa'aba mo, ai'umro na wa'aba nherẽ. Da'uza hâirã, ihâ upto wi da te 're i'madâ'â pese za'ra mono ne, te aiwẽ na ĩ'ãma si 're anomro aba mo. A norĩ wa'aba si da'uza hâirã ne aiwasété ãna 're anomro aba mono si, te za ĩsiré 're aihâimana za'ra wa'aba mo. 'Re ihâimana u'âsi mono te te 're aiwẽsãmri za'ra wa'aba mono wa, te za ĩ'rata 're anomro u'âsi aba mo.

Apocalipsi 4:4

Tawamhã danhib'apito simasisizé mana wawi te dasimasisizé hã aimasa, 24 na danhib'apito norĩ te ne hã. Taha na te asimro, dama ipire norĩ 24 na ihâiba za'ra norĩ hã, 'Re ihâimana u'âsi mono nhimiroti na si 're isõpré pese mono norĩ hã. Uza hâpa hâirã ré te asimro. Ẽtẽ waipo pré oru 'manharĩ na da'rãzaza ré zama te asimro.

Apocalipsi 7:9

Taha parimhã, wa hã Zuwã, wa tô duré 'madâ. Te 'madâ'â wamhã, wa tô da'ab'madâ, da'ahâ uptabi na, da te idaza'rata waihu'u õ hã. Dapoto mono bâ te aimasam ni, damreme sipo'o mono bâ 're idahâimana za'ra mono hã. Danhib'apito simasisizém nho're te aimasam ni, duré Pone'ẽrebâ nho'reb zama. Da'uza hâpa hâirã ré te isõ're aimasam ni. Tawamhã wa'asu ne hã, da te tété za'ra sina, te damreme 'rãihâ na ãma tawata za'ra ni, ãne: — Wanhib'apito 'Re ihâimana u'âsi mono, danhib'apito simasisizém na isãmra hã ta hã, Wa'anho'reptui'wa. Duré Pone'ẽrebâ hã tô isiré Wa'anho'reptui'wa. Ã norĩ hã ma tô wawasété wi te te 're wa'anho'reptu zahuré, 're iwasi'utõrĩ za'ra mono zé wib zama.